ikkinchi bir yo‘nalish alohida sohalar, iqtisodiyot sektorlari va investitsiya obyektlarining investitsion
jozibadorligi omillarini tahlil qilishga asoslanadi. Bu esa makro va mikro darajalarda
maqbul shartlar to‘plamini shakllantirishga imkon beradi. Tadqiqotlarda “investitsion
jozibadorlik” tushunchasini turlicha talqini duch keladi. Investitsiya qilish obyektiga
nisbatan u “investitsiya obyektining faoliyatini iqtisodiy natijalari negizida
investorning maqsadlariga kafolatli, ishonchli va o‘z vaqtida erishish” imkoniyati
sifatida tushuniladi.
Investitsion jozibadorlikni investitsiya jarayonining alohida ma’lum obyektiga
investitsiyalarning nafligi (samarasi) sifatida talqin etish mumkin. Shu bilan birga,
“naflik” to‘g‘risidagi tushunchalar va investitsiyalarning nafligi – investitsion
jozibadorlik tushunchalari sezilarli farqga ega. Investitsion jozibadorlikni baholash
jarayoni me’yor va qoidalari bir biriga o‘z ta’sirini ko‘rsatadigan har darajada bir
biriga bo‘ysunadigan baholash institutlarining tizimi bilan ifodalanadi.
Tadqiqotlar ko‘rsatishicha, iqtisodiyotni modernizatsiyalash sharoitida chet el
mablag‘lari uchun iqtisodiyotning investitsion jozibadorligini aniqlovchi beshta omilni
ajratish mumkin, garchi ularning har birining ahamiyati turlicha bo‘lsa ham ular
ko‘pgina mamlakatlar uchun umumiydir: malakali ishchi kuchining mavjudligi; uzok
muddatli rejalarda mamlakat bozorining sig‘imliligi va miqdori; mamlakatning jug‘rofiy
joylashishi; boy tabiiy resurslarning mavjudligi; davlat boshqaruv organlarining siyosati
va harakatlari. O‘zbekistonda ushbu omillar mavjudligini hozirgi kunda mamlakatimizga
jalb etilayotgan investitsiyalar hajmini barqaror o‘sib borayotganligi isbotlaydi.
Qisqacha xulosalar Investitsiyalar – asosiy va aylanma kapitalni qayta tiklash va ko‘paytirishga,
ishlab chiqarish quvvatlarini kengaytirishga qilingan sarflarning pul shaklidagi
ko‘rinishidir.
