O‘zbekiston respublikasi oliy va o‘rta maxsus ta’lim vazirligi m. T. Asqarova, G‘. E. Zaxidov, L. F. Amirov makroiqtisodiy siyosat

uchinchi bosqichiga
 
kirdi. Bu bosqich davrida 
(1996-1998-yillar) xususiylashtirilmaydigan ob’yektlar ro‘yxatiga kirmagan barcha 
ob’yekt va korxonalar (jami 3146 ta) davlat tasarrufidan chiqarildi. 
Xususiyiashtirish jarayonlarining 
to‘rtinchi bosqichi
 
(1998-2002-yillar)ning 
asosiy vazifalari sifatida davlat byudjetiga xususiylashtirishdan tushgan mablag‘larni 
yo‘naltirish, xususiylashtirilgan korxonalarga xorijiy investisiyalarni jalb etish, 
boshqaruv samaradorligini oshirish va mulkchilikning yangi munosabatlarini 
to‘laqonli amal qilishi uchun sharoitlar yaratish tadbirlarini amalga oshirish 
belgilandi. 
O‘zbekistonda davlat tasarrufidan chiqarish va xususiyiashtirish jarayonlarining 
so‘nggi - 
beshinchi bosqichi
 
O‘zbekiston Respublikasi Prezidentining 2003-yil 24-
yanvardagi “O‘zbekiston iqtisodiyotida xususiy sektorning ulushi va ahamiyatini 
tubdan oshirish chora-tadbirlari to‘g‘risida”gi Farmoni bilan bog‘liq. Iqtisodiy nochor 
davlat korxonalarini davlat tasarrufidan chiqarish va xususiyiashtirish jarayonini 
jadallashtirish, shuningdek, mazkur korxonalarni modernizasiyalash va barqaror 

---

187 
rivojlantirish uchun to‘g‘ridan-to‘g‘ri investisiyalarni jalb etish maqsadida 
xususiylashtirilgan ob’yektlarga narx belgilashning samarali mexanizmi joriy etildi. 
Xususan, xususiylashtirilgan korxonalar davlat aktivlarining boshlang‘ich narxlarini 
sekin-asta pasaytirib borish hamda davlat, iqtisodiy nochor korxonalarni va past 
likvidli ob'yektlarni nol darajadagi xarid qiymati bo‘yicha tanlov asosida investisiya 
majburiyatlarini qabul qilish sharti bilan investorlarga sotish tartiblari tasdiqlandi.
2015- yildan korporativ yoki aksiyadorlik birlashmalarimiz faoliyati 
samaradorligini tanqidiy baholash dolzarb masala sifatida kun tartibiga qo‘yildi. Bu 
o‘z navbatida xususiylashtirish jarayonlarining yangi 6- bosqichi boshlangani bilan 
izohlanadi. Bunda, istiqbolda, samarasiz davlat korxonalarini tugatib, ularni jumladan 
ochiq va oshkora savdolar orqali tegishli investitsiya majburiyatlari bilan “nol” 
qiymatida sotish orqali to‘liq xususiy mulk shakliga o‘tkazish zarur.
 
Korporativ boshqaruv, bu firma, kompaniya, tashkilotlarni boshqarish. Bu 
boshqaruvda birgalikda tovar yoki xizmat bozorlariga kirib borish, unda o‘z – o‘zini 
topib, mavqeyini mustahkamlash, raqobat kurashida g‘olib chiqib, ishlab chiqarish 
hajmini tartibga solib kengaytirish. Boshqaruv mexanizmi ko‘p va sifatli mahsulotni 
kam xarajat bilan ishlab chiqish, mahsulot tannarxini kamaytirish, xom ashyo, 
material, energiya, yoqilg‘i va pul mablag‘larini tejashni iqtisodiy maqsadga 
muvofiqlikni ta’minlaydi. 
 
Davlat aktivlarini “nol” harid qiymati bo‘yicha sotishda oluvchi oldi-sotdi 
shartnomasida ko‘rsatilgan ma’lum investitsion majburiyatlarni, jumladan, obyektni 
tiklash, yangi texnologiyalar kiritish, ishlab chiqarish vositalarini modernizatsiya 
qilish, ishlab chiqarish hajmlarini oshirish kabi majburiyatlarni o‘z zimmasiga oladi. 
Obyektni “nol” qiymatida sotib olgan investorga – korxonani modernizatsiya qilishni, 
texnik va texnologik qayta jihozlashni nazarda tutuvchi olingan investitsiya 
majburiyatlari bajarilgandan keyin hamda raqobatdosh mahsulotlar ishlab chiqarish 
va (yoki) xizmatlar ko‘rsatish boshlangandan keyin beriladi.