O’zbekiston respublikasi oliy va o’rta maxsus ta’lim vazirligi namangan davlat universiteti

178. ”Qazisan, qartasan, axir aslingga tortasan…” Abdulla Qahhorning qaysi 
asari shunday fikrlar bilan boshlanadi? 
 
Abdulla Qahhorning “Qo’shchinor chiroqlari” romani bosh qahramoni 
Siddiqjon ichkuyov bo’ladi. Asar uning qaynonasi tomonidan aytilgan “Qazisan, 
qartasan, axir aslingga tortasan…” so’zlari bilan  boshlanadi. 
 
179. ”Tobutdan tovush” komediyasining ikkinchi nomi nima? Unda qanday 
illat fosh etilgan va bosh qahramoni kim? 
Abdulla Qahhor tomonidan yozilgan “Tobutdan tovush” komediyasining 
ikkinchi nomu “So’nggi nusxalar “ (1962 ) deb nomlangan. Komediyada jamiyat 
uchun yomon illat – poraxo’rlik illati fosh etilgan. Asarning bosh qahramoni 
Suqsurov va uni qurshagan muhitdagi jirkanchlik, vijdonsizlik, axloqsizliklarning 

---

ildizi bitta – poraxo’rlik, tekinxo’rlik, mehnat qilmay boylik orttirish va maishatda 
yashash istagi. Bu illat tufayli haqgo’y, odil va oqil kishilarning oyoqosti bo’lishi 
hech gap emas. Halollik, adolat, poklik oyoqosti bo’lgan jamiyatda esa ma’naviy 
tanazzul boshlanadi. Ma’naviy tanazzul esa jamiyat tanazzulining bosh belgisidir. 
180. Abdulla Qahhorning “Ayajonlarim” komediyasi problematikasi haqida 
nimalar deya olasiz? 
 
Abdulla Qahhorning “Ayajonlarim” asari lirik komediya janrida yozilgan. 
Unda yoshlar va kattalar, farzandlar va ota-onalar hamda yoshlarning muhabbati 
o’rtasidagi munosabatlar haqida hikoya qilinadi. Bu komediyada ham Abdulla 
Qahhor iste’dodining yangi qirralari ochiladi. Eng muhimi shundaki, asar g’oyatda 
hayotiy masala asosiga qurilgan bo’lib, teran bir samimiyat bilan sug’orilgan. Bu 
samimiyat asardagi yumorning boyligi, milliy kolorit aniq chizilgani tufayli yanada 
chuqurlashgan. Shuning uchun ham “Ayajonlarim” ko’p yillar mobaynida o’zbek 
teatrlari sahnasidan tushmay keldi.