O’zbekiston respublikasi oliy va o’rta maxsus ta’lim vazirligi namangan davlat universiteti

Boshqarishda ta’lim muassasasi hujjatlarini tahlil qilish usuli.
Ta’lim muassasasi ichki boshqaruvi tizimida pedagogik jarayonni, uning ayrim xodisalari va faktlarini tekshirishda hujjatlarni chuqur o’rganish va har tomonlama tahlil qilish masalasiga alohida e’tibor berish hozirgi davrning muhim talablaridan biridir, chunki, bu hujjatlarda ta’lim muassasasining, pedagoglar jamoasining yosh avlodni tarbiyalash, unga puxta bilim berish va uni o’qish masalalariga doir qarorlarni amalga oshirish borasidagi faoliyati o’z ifodasini topgan.
Ta’lim muassasasi hujjatlari jumlasiga: o’quv mashg’ulotlarining jadvali, ta’lim muassasasi ishining rejalashtirishning barcha turlari, uzluksiz ta’limning muhim shoxobchasi bo’lgan maktabgacha ta’limga doir hisob va hisobotlar, ta’lim - tarbiya ishlariga tegishli hujjat va hisobotlar, ta’lim muassasasiga tegishli bo’lgan Nizomlar, instruktiv - metodik ko’rsatmalar, shu asosda ishlangan ta’lim muassasasining turli hujjatlari (buyruq va kengash qarorlari) va dastur hamda rejalar, ta’lim - tarbiya ishlarini taqsimlash, ta’lim muassasasining buyruq daftarlari, maktab pedagoglar kengashining qarorlari daftari, maktab smetasi va turli moliyaviy hujjatlar, shu asosda tuzilgan statistik hisobotlar, maktab pasporti, inventarlar daftari va hokazolar kiradi.
Ta’lim muassasasi hujjatlarini tahlil qilishda mazkur hujjatlarda muhim vazifa qilib qo’yilgan: bolalar sonining o’sishi va kamayishiga, ularning MTMdan ketib qolishining oldini olishga, ba’zi bir tarbiyalanuvchilarning rivojlanish darajasiga, ta’lim muassasasi maktab kengashining tavsifiga, “Bolajon” dasturi asosida olib borilayotgan ishlarning holatiga, MTMning - onalar jamoatchilik, mehnat jamoalari, otaliq tashkiloti, savdo, qurilish, sog’liqni saqlash tashkilotlari, baza korxonasi, maktabdan tashqari bolalar muassasalari, kasb-hunar kollejlari, akademik litseylar, oliy o’quv yurtlari bilan hamkorlikdagi ishlariga, MTMning o’quv-moddiy va texnik bazasini mustahkamlab borish masalasiga, uning moliya-xo’jalik va pedagogik targ’ibot ishlariga alohida e’tibor beriladi.

Nazorat savollari:

1. 
   Davlatga qarashli MTTlar qaysi hujjat talablariga muvofiq tashkil etiladi?
   
2. 
   Nodavlat MTTlar qaysi hujjat talablariga muvofiq tashkil etiladi?
   
3. 
   Davlatga qarashli muassasalar bilan nodavlat muassasalarining farqi nimada?
   
4. 
   Turli yosh guruhlaridatarbiyalanuvchilari soni nechtani tashkil etishi zarur?
   
5. 
   Ixtisoslashtirilgan va sanatoriy yo’nalishidagi maktabgacha ta’lim muassasalaridagi guruhlarda bolalar soni qanday to’ldiriladi?
   
6. 
   Boshqarish usullari necha turga bo’linadi?