O’zbekiston respublikasi oliy va o`rta maxsus ta’lim vazirligi namangan davlat universiteti «Algoritmik tillar va dasturlash»

O’ZBEKISTON RESPUBLIKASI
OLIY VA O`RTA MAXSUS TA’LIM VAZIRLIGI


NAMANGAN DAVLAT UNIVERSITETI


«Algoritmik tillar va dasturlash»
fanidan



KURS ISHINI BAJARISH BO’YICHA USLUBIY KO’RSATMA

Bilim sohasi:	100 000 – Gumanitar soha 300 000-Ishlab chiqarish-texnik soha
Ta’lim sohasi:	130 000 – Matematika 330 000-Kompyuter texnologiyalari va informatika
Ta’lim yo’nalishi:	5130200 – Amaliy matematika 5330200-Axborot tizimlari va texnologiyalari

Namangan-2023

Кurs ishini bajarish bo’yicha uslubiy ko’rsatma 2020 yil O`zbekiston Respublikasi OO`MTV tomonidan № BD 5330200,5130200-2.04 - raqami bilan 2020 yil 29 avgustdagi buyrug`i bilan tasdiqlangan fan dasturi asosida ishlab chiqilgan.
Кurs ishini bajarish bo’yicha uslubiy ko’rsatma Matematika fakulteti kengashida ko’rib chiqilgan va tasdiqlangan.



Kengash raisi ___________ X.Mavlyanov.
(Kengash majlisining _______ sonli bayonnomasi
“____” _____________________ 2023yil.)

Кurs ishini bajarish bo’yicha uslubiy ko’rsatma Informatika kafedrasining majlisida muxokama qilingan va tavsiya etilgan.

Kafedra mudiri ___________ PhD. M. X.Dadaxanov.
(kafedra majlisining ______ sonli bayonnomasi
“_____” ___________________ 2023 yil.)
Tuzuvchi(lar): o`qituvchi. A.Sh.Abduraxmanov
Stajyor-o‘qituvchi. U.N.G’aniyev

KIRISH

Kurs ishi talabalarning dastlabki ilmiy ishi hisoblanadi. Kurs ishlari talabalar mustaqil ishlarining bir shakli bo’lib, uni muvaffaqiyatli bajarish uchun fan to’g’risida aniq tassavurlarga ega bo’lishlari kerak. Talabalar kurs ishining ilmiy, nazariy, g’oyaviy darajasiga, shuningdek, uning yozilishi va rasmiylashtirish tartibiga e’tibor berishlari lozim.
Talabalar kurs ishlarini bajarish jarayonida O’zbekiston Respublikasi Prezidenti asarlaridan, mahalliy va chet el dasturlash texnologiyalarining yetakchi olimlarning asarlaridan, ularning algoritmik dasturlash g’oyalaridan, O’zbekiston Respublikasi Prezidenti farmonlari, O’zbekiston Respublikasi qonunlari, Vazirlar mahkmasining qarorlari, Vazirliklarning me’yoriy hujjatlari, Oliy ta’lim vazirligi va Davlat statistika qo’mitasi ma’lumotlaridan, fanga tegishli bo’lgan darslik va o’quv qo’llanmalardan, internet ma’lumotlaridan keng foydalanishi hamda ularni mustaqil tahlil etishi va o’zlarining fikrlarini bayon etishi kurs ishining mazmunini yanada boyitadi.