Nazorat savollari . 1.To'g'ri oqimli barabanli bug'qozonlardagi suv sig'imlari bir xilmi? 2. Ta'minot suvi tarkibidagi barcha qatlam hosil qiluvchi birikmalar va ash mahsulotlari nimani ifloslantiradi? 3. To'g'ri oqimli bug' qozonlariga yuborilayotgan ta'minot suvi tarkibiga qanday sifat me'yorlari o'rnatiladi? 4. O'ta kritik bosimda ishilaydigan energo bloklarda qizdirgichlarni qanday darajada saqlash kerak? 5. Energobloklarda suvning va bug'ning kerakli me'yorlarini saqlash uchun ta‟minot suvi qanday holda bo‟lishi kerak? 6. IESlarda amalga oshiriladigan kimyoviy suv tartiblarining samaradorligini aniqlash qaysi qismlarni tekshirish bilan amalga oshiriladi? 7. Qozon agregatining ichki yuzalarida qatlamlarning paydo bo'lishi suratini nazorat qilishni maqsadlarini ayting? 23-Mavzu: Issiqlik tarmoqlarining quvur yo'llarida qatlamlar hosil bo'lishi va ularga qarshi kurashish. Reja: 1.Qatlamlar haqida asosiy tushunchalar. 2.Qatlamlar tarkibi va turlari. 3. Qatlarning fizik xususiyatlari. Tayanch iboralar: bug'latgichlar,qizdirgich va turbina kondensatori, moddalar, er qatlamlari,temirli va misli qatlamlar, proporsional. Adabiyotlar: 1.2.3.7.9.14 1. Qatlamlar haqida asosiy tushunchalar. Suv tarkibidagi har xil moddalar suvning qiziyotgan va bug'lanayotgan jarayonlarida, qozonning
ichki qiziydigan yuzalarida, bug'latgichlarda,qizdirgich va turbina kondensatoridagi qattiq
moddalar,qatlamlar hosil qiladi. Ko'p suv turadigan joylarda. masalan: qozon barabanlarida esa
quyqalar (shlam) vujudga keladi. Bu qatlamlar va quyqalar orasida ma'lum chegara yo'q, chunki
qatlam vaqt o'tishi bilan ko'chib tushib quyqalarga qo'shilish yoki quyqalar vaqt mobaynida qotib,
qatlamlarga aylanishi mumkin.
