O’zbekiston respublikasi oliy va o’rta maxsus ta’lim vazirligi toshkent moliya instituti zoyirov Laziz Subxonovich Raimjanova Madina Asrarovna Saidov Rasulbek Boltabayevich Shoislomova Nargiza Qobilovna investitsiya loyihalari ekspertiza

Bank depozitlari
– jismoniy va yuridik shaxslarning bank muassasalariga ma‘lum 
muddatga va muddatsiz omonat shaklida qo‘yilgan bo‘sh pul mablag‘lari. 
Bank kapitalining etarlilik darajasi
– jami kapitalning riskka tortilgan aktivlarga 
nisbati bo‘lib, u xalqaro Bazel kelishuviga ko‘ra kamida 8% ni tashkil etishi kerak. 
Bank loyihaviy moliyalashtirish
- investitsion loyihasining moliya manbasi asosan 
yoki qisman bank kreditlari hisobiga amalga oshiriladi. 

---

264 
Bank sindikati
- sinditsiyalashtirilgan kredit berish borasida ikki yoki undan ortiq 
banklar o‘rtasida o‘zaro kelishuv bo‘lib, bunda etakchi bank - sinditsiyalashtirilgan 
kreditlash tashabbusi bilan chiqqan va zimmasiga ishtirokchi-banklar nomidan kredit 
hujjatlarini yuritish mas‘uliyati yuklatilgan qarz oluvchining asosiy talab qilib olinguncha 
depozit hisob varag‘iga xizmat ko‘rsatuvchi bank hisoblanadi. 
Bank tizimining likvidligi
– bankning o‘z majburiyatlarini vaqtida va so‘zsiz 
bajara olish imkoniyati.
Banklar likvidligi
– banklar aktivlarining qisqa muddat ichida pulga aylanish 
qobiliyati. Likvidlik bank majburiyatlarini bajarish va aktivlar o‘sishini moliyalash bilan 
birgalikda depozitlar va qarz mablag‘lari darajasining pasayishini samarali boshqarishni 
ham bildiradi. 
Bankning o’z kapitali
- bank vaqtinga jalb qilgan qarz mablag‘laridan farqli 
o‘laroq, bevosita bankning o‘ziga tegishli bo‘lgan mablag‘lardir. 
Bankrot 
– qarzdorlik, nochorlik, tadbirkorning o‘z qarz majburiyatlari bo‘yicha 
mablag‘i bo‘lmaganligi uchun to‘lashdan bosh tortishi. 
Bankrotlik riski
– tadbirkor tomonidan xususiy kapitalini butkul yo‘qotish xavfi 
bilan bog‘liq risklar. 
Barqarorlik 
– narsa va hodisalarga xos muayyanlikni ifodalaydi. 
Bazis narxlar
– molning sifati yoki sortini aniqlash uchun belgilanadigan narx, u 
oldi-sotdi bitimida kelishilgan bo‘ladi va etkazib beriladigan molning haqiqiy narxini 
belgilash uchun asos bo‘lib xizmat qiladi.