Oʻzbekiston respublikasi oliy va oʻrta maxsus ta’lim vazirligi toshkent moliya instituti iqtisodiyot fakulteti
Moslashuvchan korporativ madaniyat
Yüklə 0,75 Mb.
|
|
4.4. Moslashuvchan korporativ madaniyat.
Bozorda ro’y berib turuvchi muntazam o’zgarishlar sharoitlarida yangi ishlab chiqarish usullarini tezlik bilan joriy qilish va strategiyani almashtirish kompaniyalarning uzoq vaqt mobaynida egallab turgan yetakchilik o’rinlarini saqlab qolishning muhim sharti hisoblanadi. Biroq buning uchun kompaniyaning yangi bozor sharoitlariga moslashishiga yordam beruvchi korporativ madaniyat talab qilinadi. Moslashuvchan madaniyatning ikkita o’ziga xos jihati mavjud: • doimiy biznes tamoyillariga va tashkilotning haqiqiy kapitali- iste’molchilar, kompaniya xodimlari, akstiyadorlar, ta’minotchilarga muayyan strategiya yoki ishbilarmonlik amaliyotiga nisbatan ko’proq e’tibor qaratuvchi rahbariyatning mavjudligi; • zarur hollarda aktsiyadorlar manfaatlarini qondirish maqsadida tavakkalchilik qilish, tajriba o’tkazish, yangilik kiritish, strategiyani o’zgartirishga qodir menejerlarning mavjudligi. Moslashuvchan madaniyat sharoitlarida barcha korxona a’zolari kompaniya rahbariyati korxonaga foyda keltiruvchi har qanday imkoniyatdan foydalana olishiga ishonchi komil bo’ladi. Bunda ular o’zlarini kompaniya qabul qiluvchi barcha qarorlarga aloqador hisoblaydi va korxonaning gullab-yashnashini ta’minlash uchun qo’lidan keladigan barcha ishni qilishga harakat qiladi. Menejerlar odatda kompaniya xodimlaridan kelib tushuvchi barcha takliflarni qabul qilib, yangi g’oyalarni ochiq muhokama qiladilar va kompaniyaning yangi raqobatli afzalliklarini yaratish bo’yicha tavakkalchilikni o’z zimmalariga oladilar. Tadbirkorlik rag’batlantiriladi va mukofotlanadi. Strategiyalar va an’anaviy faoliyat yuritish usullariga bozor tez o’zgaruvchan sharoitlarga moslashtirish uchun zarur o’zgarishlar kiritiladi. Moslashuvchan madaniyatli kompaniya rahbariyati bu o’zgarishlarni ular haqiqatdan ham zarur bo’lgan hollardagina, biznes yuritishning asosiy tamoyillargia amal qilgan holda kiritadi. Moslashuvchan madaniyat yangi va foydali g’oyalarni rivojlantirishga qodir menedjer va xodimlarni xizmat pillapoyasidan olg’a qadam tashlashlariga xizmat qiladi. Moslashuvchan korporativ madaniya strategini amalga oshirishda rahbariyatning eng ishonchli hamkori hisoblanadi. Moslashuvchan madaniyat sharoitlarida kompaniya rahbariyati korxona faoliyatining barcha ishtirokchilari – iste’molchilar, xodimlar, aktsiyadorlar, ta’minotchilar haqida g’amxo’rlik qiladi va iloji boricha ularning ehtiyojlarini to’liq qondirishga harakat qiladi. Ishtirokchilarning hesh qaysi toifasi esdan chiqarilmasligi kerak; bunday barcha uchun adolatli munosabat qaror qabul qilishning eng asosiy tamoyillaridan hisoblanadi. Korporativ madaniyat moslashuvchanligi uchun yuqori bo’lmagan kompaniyalarda o’zgarishlarga qarshilik qilish norma bo’lib qolaveradi va menejerlar ko’pincha konservativ usulni ma’qul ko’radilar. Ular ko’pincha faqat o’z bo’linmalari manfaatlarin himoya qiladilar, turli xil risklardan o’zlarini olib qochadilar va an’anaviy ish usullarini afzal ko’radilar. 4.6. Strategiya va madaniyatni muvofiqligini ta’minlash Korxonaning korporativ madaniyatning ajralmas qismlari va xususiyatlariga zid kelmaydigan strategiyasini tanlash uchun javobgarlik aynan strategiyani ishlab chiqaruvchilar zimmasida yotadi. Strategiya aniqlanishi bilan uni amalga oshiruvchi menejerlar korporativ madaniyatni tanlangan strategiyaga mos holga keltirish va uni keyinchalik xuddi shu holda ushlab turish haqida qayg’urishlari lozim. Korporativ madaniyatni korxona strategiyasiga mos holga keltirish juda murakkab vazifadir. Buning uchun birinchi navbatda amaldagi madaniyatning qaysi jihatlari strategiyani qo’llab -quvvatlashi, qaysilari esa qo’llab- quvvatlamasligini aniqlash lozim. Shundan so’ng menejerlar barcha manfaatdor tomonlar bilan madaniyatning o’zgartirish lozim bo’lgan jihatlari to’g’risida ochiq- oydin gaplashib olishlari kerak. Suhbat korporativ madaniyatni o’zgartirish bo’yicha ko’zga ko’rinuvchi harakatlar bilan mustahkamlanishi lozim. Hamma uchun tushunarli bo’lgan xatti-harakatlar strategiyaga ko’proq mos keluvchi yangi madaniyatni yaratishga imkon beradi. Mukofotlash tadbirlari, xulq-atvor etalonlari va boshqa ramziy belgilar korporativ madaniyatni yaratish bo’yicha Menejerlar ishining muhim qismi hisoblanadi. Kompaniyaning oliy rahbariyati strategiyaga yo’naltirilgan korporativ madaniyatni yaratishda shaxsan ishtirok etishi zarur. Strategiya va madaniyatni birlashtirishdan maqsad uzoq muddatli xarakterga ega. Yangi maslaklar xizmatchilar ongidan o’rin egallashi uchun uzoq vaqt kerak bo’ladi. Tashkilot qanchalik katta, yangi maslaklar qanchalik chuqur bo’lsa, strategiya va madaniyat o’rtasida kuchli aloqa o’rnatishga shunchalik ko’p vaqt talab qilinadi. Yirik kompaniyalarda korporativ madaniyatdagi o’zgarishlar muddati kamida 3-5 yilni tashkil etadi. Haqiqatda ham amal qilayotgan korporativ madaniyatni o’zgartirish yangi tashkil etilgan tashkilotda yangi maslaklarni yaratishga qaraganda ancha qiyin kechadi. Yüklə 0,75 Mb. Dostları ilə paylaş:
|