O‘zbekiston respublikasi oliy va o‘rta maxsus ta‘lim vazirligi toshkent moliya instituti

II.KURS ISHINI YOZISH VA RASMIYLASHTIRISH JARAYONLARI 
BO‘YICHA USLUBIY KO‘RSATMALAR 
2.1. Kurs ishi mavzusi bo‘yicha ma‘lumotlar bazasini shakllantirish 
 
Talaba kurs ishining rejasini tuzishdan avval ishning muhim savollarini belgilab 
olish maqsadida asosiy adabiyotlar, davriy matbuot ma‘lumotlari va me’yoriy-huquqiy 
hujjatlar bilan yaqindan tanishadi hamda mavzu doirasida ma‘lumotlar bazasini 
shakllantiradi.
Ma’lumolar bazasini shakllantirishda birinchi navbatda Prezidentimizning mavzuga 
oid asarlari, O‘zbekiston Respublikasi Qonunlari, Hukumat Qarorlari va boshqa me’yoriy 
hujjatlarni o‘rganishdan, tahlil etishdan boshlash maqsadga muvofiqdir. Ushbu 
ma’lumotlar bilan 
www.lex.uz, www.norma.uz
kabi maxsus saytlardan foydalanib, 
tanishish ham mumkin.
Bugungi karantin davrida elektron manbalardan unumli foydalanishda talabalarga 
O‘zbekiston Respublikasi ochiq ma’lumotlari portali 
(https://opendata.gov.uz/uz)
,
O‘zbekiston Respublikasi Milliy kutubxonasi sayti 
(www.natlib.uz)
, O‘zbekiston 
Respublikasi Moliya vazirligi sayti 
(www.mf.uz)
, O‘zbekiston Respublikasi “Ochiq 
byudjet” portali 
(https://openbudget.uz)
, Ziyonet ta’lim portali
(www.ziyonet.uz)ga
kirgan holda elektron o‘quv-ilmiy adabiyotlardan foydalanish tavsiya etiladi. Shuningdek, 
amaliyot obyektlarining ochiq manbalari(amaliyot ob’ektining yoki u buysunuvchi 

---

5 
yuqori tashkilot, idora, vazirlik veb-saytlari)dan foydalanish maqsadga muvofiq.
Qolaversa, tanlangan mavzu bo‘yicha institut saytiga kirgan holda 
(www.tfi.uz)
videoma’ruzalar, ARM fondidagi elektron darslik, o‘quv qo‘llanmalarda, ilmiy-amaliy 
jurnallardan foydalanishlari tavsiya etiladi. Talabalar shuningdek, institut Axborot resurs 
markazining telegram kanali 
(http://t.me/moliya_kutub
) kirib, elektron resurslar: 
darslik, o‘quv qo‘llanma, o‘quv uslubiy majmualardan ham unumli foydalanishlari 
mumkin. 
Agar amaliyot ob’ekti sifatida kichik korxona,xususiy korxona,MChJ kabilar 
olingan bo‘lsa, imkon darajasida ushbu yuridik shaxslarning rahbarlari yoki 
buxgalterlariga telefon, telegram ijtimoiy tarmog‘i orqali murojaat qilib, soliq 
idoralariga elektron tarzda yuborilgan yillik yoki choraklik moliyaviy hisobotlarni 
elektron shaklda olib, foydalanishlari tavsiya etiladi.
Talaba tomonidan shakllantirilgan ma’lumotlar bazasi tahlil qilinadi hamda kurs 
ishini yozish davomida foydalaniladigan qismi alohida ajratib olinadi. Kurs ishi bo‘yicha 
ma’lumotlar bazasini shakllantirish davomida talabaning adabiyotlar bilan ishlash 
bo‘yicha ko‘nikmalari yanada mustahkamlanadi. Chunki mavzu bo‘yicha kerakli 
axborotlarni izlash, ularni o‘rganish va har bir ma’lumot bo‘yicha shaxsiy mulohazalarni 
bayon etish kelgusida talaba tomonidan bajariladigan bitiruv malakaviy ishi va 
magistrlik dissertatsiyalarini tayyorlashda asqotadi.Talaba mavzu doirasida adabiyotlarda 
keltirilgan ma’lumotlarni o‘zaro solishtira olishi, o‘zining qarashlariga yaqinini ilmiy 
asoslashi hamda fikr mulohazalarini aniq va ravshan taqdim etishi maqsadga muvofiqdir. 
Shuni alohida ta’kidlash joizki, keltirilgan fikrlar va statistik ma’lumotlarning manbasi kurs 
ishida to‘liq, belgilangan talablar doirasida keltirilishi lozim. 
Kurs ishini yozish davomida foydalanilgan bosma va elektron adabiyotlar, internet 
saytlari ro‘yxati kurs ishining “Foydalanilgan adabiyotlar ro‘yxati” qismida albatta 
keltirilishi lozim.