O`zbekiston respublikasi oliy va o`rta maxsus ta’lim vazirligi
Yüklə 1,43 Mb. Pdf görüntüsü
|
|
Fanning vazifasi o‘quvchilarni - zamonaviy axborot texnologiyalari haqidagi
bilimlar, hususan, axborot xavfsizligi, axborotlarni himoya qilish, kompyuterlarga xizmat qilishning asosiy qoidalari va masalalari, kompyuter viruslaridan saqlanish usullari va dasturiy vositalari, fayllarni arxivlash usullari va dasturiy vositalari, arxivator – dasturlar bilan ishlash, axborot tizimlarini tuzish va ulardan foydalanishning asosiy qoidalari va usullari, axborot texnologiyalarining texnik vositalari bilan tanishishtirish, uskunaviy tizimlar yordamida sodda ma‘lumotlar ombori (MO) va bilimlar ombori(BO)ni yaratish, turli fizik, iqtisodiy, biologik va matematik modellar qurish usullari, umumta‘lim fanlari (geometriya, fizika, algebra, kimyo, iqtisod kabilar)dagi sodda masalalarning matematik modellarini qurish, lokal va global kompyuter tarmoqlari bilan ishlash ko‘nikmalarini shakllantirish, zamonaviy axborot texnologiyalarining jamiyatni rivojlantirishdagi muhim ahamiyati bilan tanishtirish va ulardan o‘z kasbiy faoliyatlarida foydalana olish malakalarini shakllantirishdan iboratdir. Umumiy o‘rta ta‘lim maktablarida, keyinchalik akademik lisey va kasb-hunar kollejlarida o‘quvchilar «Informatika» umumta‘lim fanini o‘rganish natijasida axborot texnologiyasi haqida boshlang‘ich tushunchalarga ega bo‘lib, kompyuter savodxonligiga erishadilar. Axborot texnologiyalarini yanada chuqurroq 12
o‘zlashtirish va ulardan foydalanish malaka va ko‘nikmalarini hosil qilish Axborot texnologiyalari fanini o‘rganish orqali amalga oshiriladi. Natijada o‘quvchilar axborot madaniyatini egallaydilar. Axborot madaniyati – bu, insonni axborot texnologiyalarining barcha imkoniyatlaridan o‘z faoliyatida samarali foydalana olishini bildiradi. Axborot madaniyatiga erishgan odam axborotlashgan jamiyatning faol a‘zosiga aylanadi. «Axborot texnologiyalari» fanini o‘rganish o‘quvchilarning «Informatika», «Matematika», «Fizika» va boshqa umumta‘lim fanlaridan olgan bilim va ko‘nikmalariga asoslanadi. Shuningdek, axborot texnologiyalarining usul va vositalaridan ushbu fanlarni o‘rganishda keng foydalanish ko‘zda tutilishi kerak. «Axborot texnologiyalari» fanini akademik lisey va kasb-hunar kollejlarining barcha yo‘nalishlarida o‘qitilishi sababli quyida keltirilayotgan dasturning u yoki bu bo‘limini o‘rganish darajasi o‘quvchilarning qiziqishi va tanlangan kasbiy yo‘nalishiga bog‘liq holda olib boriladi. Ammo, barcha yo‘nalishlarda tahsil olayotgan o‘quvchilar dasturning hamma bo‘limlaridagi bilimlardan xabardor bo‘lishlari kerak. O‘quvchilarning bilim, malaka va ko‘nikmalariga talablar. Fanni o‘rganish natijasida o‘quvchilar: - axborot texnologiyalari vositalaridan o‘qish davomida va o‘zining kasbiy faoliyatida foydalanishni bilishi; - axborot xavfsizligi tushunchasi va axborot himoyasining usullari haqida ma‘lumotga ega bo‘lishi; - axborotni tashkil qilish va izlab topish, ajratib olingan axborotni tizimlashtirish, tarkiblantirish, umumlashtirish va tushunarli shaklga keltirishni bilishi; - kompyuterlarga xizmat qilishning asosiy qoidalari, ularga xizmat qiluvchi dasturlar va ulardan foydalana olishni bilishi; - kompyuter viruslaridan saqlanish usullari, antivirus dastur vositalarining imkoniyatlaridan foydalana olishi; 13
- fayllarni arxivlash usullari va arxivator dasturlar bilan ishlashni bilishi; - umumta‘lim fanlaridagi sodda masalalarning modellarini tuza olishi; - multimediya texnologiyasi va telekommunikasiyadan foydalana olish ko‘nikmalariga ega bo‘lishi; - axborotning matn, grafik, rangli tasvir, tovush, odam ovozi, musiqa, animasiya, videoklip kabi turlarining o‘rnini tasavvur qila olishi; - axborot jarayonlarining zamonaviy jamiyatdagi ahamiyati, global axborotlashtirish jarayonining jamiyat va insonning rivojlanishiga ta‘sirini tushuna olishi; - axborot manbalari, infratuzilma, axborot muhiti, jamiyatning axborot salohiyatini tasavvur qila olishi; - zarur axborotni topish va uning ishonchliligini aniqlash yo‘llarini bilishi; - kompyuterlashgan axborot manbalariga kirish yo‘llari va usullarini bilishi; - shaxsiy elektron manzil (elektron pochta) ochish, Internet tarmog‘ida axborot izlash tizimlaridan foydalana olish malakalariga ega bo‘lish; - Internet va lokal kompyuter tarmoqlaridan foydalana olishni malakalariga ega bo‘lishlari zarur. Dasturning asosiy bo‘limlari quyidagilar: 1-bob. Axborot texnologiyalari, ularning jamiyatdagi o‘rni va ahamiyati. 2–bob. Axborot tizimlari va ulardan foydalanish. 3-bob.. Ma‘lumotlar ombori va uni boshqarish tizimlari. 4-bob. Fayllarni arxivlash va kompyuter viruslaridan saqlanish 5-bob. Axborot xavfsizligi. 6-bob. Kompyuterlarga xizmat ko‘rsatish. 7-bob. Model va modellashtirish asoslari. 8-bob. Kompyuter tarmoqlari va ularda ishlash asoslari. 9-bob. O‘zbekistonda kompyuter tarmoqlari. [5]
|