O‘zbekiston respublikasi oliy va o‘rta maxsus

Kichik guruhlarda ishlashga mo’ljallangan an’anaviy va masofaviy dars turlarini tashkil etishga doir amaliy topshiriqlar

1-topshiriq. Kichik guruhlarda hamkorlikda ishlash asosida aralash darsni ko‘rsatib berish.

1. 
   guruh darsning tashkiliy qismi va o‘tilgan mavzuni takrorlashni ko‘rsatib beradi;
   
2. 
   guruh: yangi o‘quv materialini bayon qilish tartibini tushuntirib beradi;
   
3. 
   guruh: o‘rganilganini mustahkamlash, o‘quvchilarni baholash va uy vazifasi berishni amalga oshiradi.
   

Mazkur topshiriqni bajarishda o‘qituvchi Zig-zag metodiga asoslanadi. Ya‘ni har bir kichik guruh o‘ziga berilgan topshiriqni bajarib bo‘lgach, bir-birlari bilan o‘zaro almashinuv asosida o‘tkaziladigan dars haqida yaxlit tasavvur hosil qilinadi. Talabalarda o‘tkaziladigan dars haqida yaxlit tasavvur hosil bo‘lgach, kichik guruhlar navbati bilan o‘zlariga berilgan vazifalarning taqdimotini o‘tkazishadi.
Topshiriqni bajarish oldidan guruh bilan kelishilgan holda, mutaxassislik bilan bog‘liq biror mavzuni tanlab olish maqsadga muvofiq.
2-topshiriq. Kichik guruhlarda nostandart darslardan lavha ko‘rsatish.
1-guruh uchun: konferensiya darsini o‘tkazilishini ko‘rsatib berish. 2-guruh uchun: masofaviy darsni tashkil etish.
3-guruh uchun: o‘yin tipidagi dasrni namoyish etish.

9-mavzu: “Tarbiya” fanini o’qitishning inklyuziv ta’lim shakli texnologiyasi

Boshlang‘ich ta‘limdan asosiy maqsad o‘quvchilarning ruhiy, aqliy va jismoniy imkoniyatlaridan qat‘iy nazar ularni mazkur ta‘lim bosqichi bilan qamrab olishdan iborat. Shu sababli boshlang‘ich sinf o‘quvchilariga ―Tarbiya‖ fanini o‘qitishning inklyuziv ta‘lim shakli texnologiyasini bo‘lajak boshlang‘ich sinf o‘qituvchilari tomonidan chuqur o‘zlashtirishi zaruriyat hisoblanadi.
Inklyuziv ta‘lim – bu o‘quvchilarning ruhiy, jismoniy va aqliy imkoniyatlarga mos ravishda o‘qitishni amalga oshirishdir. Bunda
ta‘lim jarayoni maxsus yondashuvlar va vositalar asosida amalga oshiriladi.
Boshlang‘ich ta‘limda ―Tarbiya‖ fanini o‘qitishning inklyuziv ta‘lim shakli texnologiyasi asoslari quyidagilardan iborat:
- mashg‘ulotlarni o‘quvchilarning ruhiy, jismoniy va aqliy imkoniyatlariga mos ravishda texnik vositalardan foydalangan holda tashkil etish;
- ruhiy yoki jismoniy nuqsoni mavjud bo‘lgan o‘quvchilar uchun maxsus mashg‘ulotlar tashkil etish, unda vaqt omilini va o‘quvchilarning o‘zlashtirishini hisobga olish;
- o‘quv-tarbiya muassasalarida mazkur fanni inklyuziv ta‘lim vositasida o‘qitish;
- aqliy nuqsoni mavjud bo‘lgan o‘quvchilar uchun sensor tarbiyani amalga oshirish;
- mazkur ta‘lim shaklida mashg‘ulotlar tashkil etilganida mutaxassislar ishtirokidan unumli foydalanish.
Inklyuziv ta‘lim shakli ―Tarbiya‖ fanini o‘qitishda o‘quvchilarni to‘liq qamrab olish imkonini beradi. Shu sababli bo‘lajak boshlang‘ich sinf o‘qituvchilari pedagogik turkumdagi fanlar vositasida inklyuziv ta‘lim asoslarini chuqur o‘zlashtirishi shart.
Boshlang‘ich ta‘limda ―Tarbiya‖ fanini o‘qitishning inklyuziv ta‘lim shakli texnologiyasi asoslarini konspekt qiling.