Beunum xarajatlar va yo’qotishlar, odatda, rejalashtirilmaydi. Ularning summalari
rejali tannarxga nisbatan doimo ortiqcha xarajat hisoblanadi. Ular ishlab chiqarish
shartlarining qurilish tashkilotlari tomonidan buzilishi va xo’jalik shartnomalarining
buzilishi bilan shartlangandir.
Ustama xarajatlar vazirliklar va idoralar bo’yicha qayta reglamentlangandir.
Ularning hajmi qurilish ishlari bevosita sarflari summalariga yoki uskuna montajidagi
ishlab chiqarish ishchilari ish haqiga nisbat foizlarda belgilab qo’yilgan. Melioratsiya
qurilishi bo’yicha ustama xarajatlarning o’rtacha me’yori qurilish ishlari bevosita sarflariga
nisbatan 18,0% etib belgilangan. Metall konstruktsiyalarni montaj qilish ustama xarajatlari
barcha tashkilotlar uchun bevosita sarflariga nisbatan 8,3 % uskunani montaj qilish
bo’yicha esa ishchilar ish haqiga nisbatan 10 % yagona etib tasdiqlangan.
Suv xo’jaligi qurilishidagi kurilish montaj ishlari tannarxi tarkibining xususiyati
shundan iboratki, materiallar, detallar va konstruktsiyalar xarajatlarining umumiy
sarflardagi ulishi qurilishning boshqa tarmoqlaridagiga nisbatan ancha pastdir. Bu suv
xo’jaligi qurilishida yer ishlari ustun turishi bilan izohlanadi. Ayni vaqtda bu yerda
mashina va mexanizmlarni ishlatish sarflari katta ulushga ega, qishloq xo’jaligi
qurilishdagidan to’rt borobar yuqoridir.
6.3-jadval
Dostları ilə paylaş: