O„zbekiston Respublikasi Sog„liqni Saqlash Vazirligi Toshkent farmatsevtika instituti Psixologiya

Asosiy tayanch tushunchalar. 
Inson omili, ilmiy psixologiya, inson ruhiy dunyosi, psixika, psixik hodisalar, 
psixik xolatlar, psixik jarayonlar, psixik xususiyatlar, eksperimental psixologiya, 
kognitivizm, bixeviorizm, neobixeviorizm, geshtaltpsixologiya, interaktsionizm, 
gumanistik psixologiya, freydizm, neofreydizm. 
 
Mashg„ulotni o„tkazish joyi: auditoriya 
Mashg„ulotning jihozlanishi: tarqatma materiallar,texnik vositalar 
Mashg„ulotning davomiyligi: 2 soat 
Mashg„ulotning maqsadi: Talabalarda umumiy psixologik tushunchalar, shaxsning 
o„zida kechadigan ijtimoiy-psixologik jarayonlar,shaxsni psixologik tadqiq qilish usullari 
haqida tushunchaga ega bolishi,psixik faoliyatning asosiy qonunini belgilash, uning 
rivojlanish yo‟llarini aniqlash, har bir psixik jarayonning asosida qanday mexanizm 
borligi, uning o‟zgarish jarayonlarini ochib berish masalalarini tushuntirish va ularda 
amaliy ko„nikmalarni shakllantirish. 
Kutilayotgan natija: Talabalar insonning sog„lom ruhiyati uning har bir faoliyati 
uchun zarur ekanligini tushunib etishlari, psixologik bilimlarning o‟rni va ahamiyati 
haqida amaliy ko‟nikmalarga ega bo‟lishi lozim. Psixologiya fаnining mаzmun vа 
mohiyati bo„yicha bilimlar va ko„nikmalarni shakllantirish va o„qitishning 
samaradorligiga erishishini ta‟minlash bo„yicha ma‟lumotlarni oladilar. Talabalarda 
o‟ziga,faoliyat turlari hamda insonlarga nisbatan to‟g‟ri munosabatlarni shakllanishi 
yo‟llarini ham o‟rganishi kerak. 
Mashg„ulot mazmuni: 
Nazariy qism: 
 
Psixologiyaning fan sifatidagi umumiy tasnifi. 
Inson o‟zini o‟rab turgan ijtimoiy muhitda yashaydi va harakat qiladi. U har qanday 
ehtiyojga muhtojdir va uni qanoatlantirishga va qondirishga intiladi. Tevarak-atrofdagi 
muhitdan har xil axborotlar hamda ma‟lumotlarni qabul qiladi va o‟zini shunga 

---

6 
muvofiqlashtirishga harakat qiladi. Dunyodagi real obrazlarni miyasida ongli 
shakllantirishga kirishadi, shunga qarab o‟zining shu muhitda qanday harakat qilish 
kerakligi to‟g‟risida u yoki bu voqeaga qanday yondashish uchun rejalar tuzadi. 
O‟zining oldiga qo‟ygan maqsadlarini o‟z harakat natijalariga solishtirib ko‟radi, o‟z 
boshidan juda katta hissiy holatni kechiradi. Hayot faoliyatidagi ba‟zi kamchilik va 
xatoliklarni to‟g‟rilash yo‟llarini axtaradi. Buning uchun o‟ylaydi, fikr yuritadi, 
hayajonlanadi. Ba‟zan o‟zini tuta olmay pessimizmga berilib ketadi. Yoki o‟zini tutib 
oladi, o‟z oldiga qo‟ygan maqsadga erishishiga butun kuchini qaratadi. Mana shu 
holatlarning hammasi kishining psixik faoliyati hisoblanadi. Ana shu psixik faoliyat 
qonunlarini o‟rganuvchi fan psixologiya fanidir. 
Psixologiya fanining o‟z oldiga vazifa qilib qo‟yadigan muammolari juda xilma-xil 
bo‟lib, u eng avvalo, psixik faoliyatning asosiy qonunini belgilash, uning rivojlanish 
yo‟llarini aniqlash, har bir psixik jarayonning asosida qanday mexanizm borligi, uning 
o‟zgarish jarayonlarini ochib berish masalalarini o‟rganadi. Psixologiya psixik 
faoliyatning u yoki bu sharoitda qanday ro‟yobga chiqqanligini o‟rganish bilangina 
shug‟ullanib qolmasdan, bu jarayonlarni qanday boshqarib borish masalalarini ham 
ilmiy asosda o‟rganadi. Shuning uchun ham ilmiy psixologiya boshqa barcha 
o‟rganilayotgan predmetlar orasida eng asosiy fanlardan hisoblanadiki, uning jamiyat 
rivojlanishi bilan ahamiyati yanada ortib va takomillashib boraveradi. 
Turli mazmundagi taassurotlar tufayli paydo bo‟ladigan hissiy holatlar 
hayotimizning turli-tuman ko‟rinishlaridirki, bularning hammasini psixologiya fani 
o‟rganadi.