O`zbekiston respublikasi

Ot boshiga kun tushsa,
Suvliq bilan suv ichar. 
Er boshiga kun tushsa, 
Etik bilan suv kechar. 
Po`lkan shoir 1941 yilda 67 yoshida vafot etdi. Uning ijodi haqida maxsus 
tadqiqot yaratilgan va “Po`lkan shoir” nomi bilan nashr etilgan.
 
ISLOM SHOIR NAZAR O`G`LI (1874-1953) 
Narpay dostonchilik maktabining mashhur vakili Islom shoir Nazar o`g`li 
Samarqand viloyatining Narpay tumaniga qarashli Galaqassob qishlog`ida 1874 yilda 
tavallud topgan. Uning otasi Nazar Rajab o`g`li serfarzand bo`lgani sababli yosh 
2
Mizayev T. Po’lkan haqida so’z.// Po’lkan shoir. O’zbek xalq ijodi bo’yicha tadqiqotlar. 4-kitob.-T.: Fan, 1976. 5-9-b. 

---

69 
Islom cho`ponlik bilan shug`ullanishga majbur bo`ladi. Islomning bobosi Rajab shoir 
baxshi edi. Yosh Islom qalbiga shoirlik cho`g`ini ana shu baxshi bobosi Rajab shoir 
solgan. Shoir: «Yurganim, ko`rganim, dasht, cho`l, boqqanim qo`y-qo`zi, ulfatim
jafokash cho`ponlar bo`ldi. Umrim bino bo`lib, yoshligimda, yigitligimda yangi 
kiyim kiyganimni, qornim to`yib ovqat eganimni bilmayman», - deb eslaydi. Islom 
shoir kuchli xotiraga ega bo`lib, o`nlab doston va termalarni yod olgan. U Qo`rg`on 
va Shaxrisabz maktabi baxshilaridan doston kuylash sirlarini o`rganib, 26 yoshida 
baxshi sifatida nom qozondi. Islom shoir do`mbira chertishda har qanday baxshini 
ortda qoldirar ekan. Ovozining shirasi bunga qo`shimcha bo`lgan. Shoirdan «Zulfizar 
bilan Avazxon», «Gulxiromon», «Orzigul», «Kuntug`mish», «Xirmondalli», 
«Sohibqiron», «Erali va Sherali», «Tohir va Zuhra», «Nigor va Zamon» kabi 
dostonlar yozib olingan. U safarlarini birida turkman shoiri Otaniyoz bilan 
do`stlashadi va umrbod hamkorlik qiladi. Otaniyozning Islom shoir haqida aytgan 
so`zlari el og`zida doston bo`lgan. Shoirga Qo`rg`on maktabining vakili To`xtamish 
shoir ustozlik qilgan. Islom shoirdan yozib olingan «Orzigul» dostoni xalq orasida 
mashhur bo`lgan. Chunki shoir bu dostonni o`zgacha bir mehr bilan kuylab yurgan. 
Islom shoir hayoti va ijodi folklorshunos olimlar Hodi Zarif, Muzayana Alaviya, 
Mansur Afzalov, Oxunjon Safarov singari olimlar tomonidan o`rganilgan. Shoir 
ijodiga oid «Islom shoir va uning xalq poeziyasida tutgan o`rni» nomli tadqiqotlar 
kitobi nashr etilgan.