O‘zbekiston respublikasi yoshlar ishlari agentligi huzuridagi yoshlar muammolarini o‘rganish va istiqbolli kadrlarni tayyorlash instituti

2.3-rasm. Viloyat Xalq ta’limi boshqarmasi
tuzilmasining loyihasi¹²
Ta’lim tizimi boshqaruvida strategik menejment mexanizmlari va boshqaruv modellari, ularni xalq ta’limi tizimi boshqaruviga joriy etish usullari, ta’lim tizimining barcha bo’g’in rahbar xodimlariga qo’yiluvchi kasb standartlari, ularning kasbiy kompetensiyalarini rivojlantirish (o’qitish, malakasini oshirish va qayta tayyorlash) va ta’lim tizimi boshqaruvida axborot tizimlaridan foydalanish yo’nalishlari yoritib berilgan.
Bitiruv malakaviy ishida ushbu sohada olib borilgan tadqiqodlar natijasida olimlar tomonidan to’plangan ilg’or tajribalar hamda zamonaviy ta’lim menejmenti model va mexanizmlarini tadqiq qilish natijasida xalq ta’limi boshqaruvi jarayonini takomillashtirish maqsadida “Ta’lim tizimini samarali boshqarish modeli” ishlab chiqilgan(2.4-rasmga qaralsin).

2.4-rasm. Ta’lim tizimini samarali boshqarish modeli¹³
Yuqoridagi model tahlillar asosida maqsad va vazifalarni belgilashdan boshlanadi, ya’ni yangidan qabul qilingan me’yoriy hujjatlardagi dolzarb vazifalari aniqlanadi, tizimda o’zgarishlar nimalardan kelib chiqib oshirish mexanizmi aniqlanadi hamda maqsad va vazifalar belgilanadi.
Xalqaro tajribalarning qiyosiy tahlili davrida dunyoning rivojlangan davlatlarida xalq ta’limi tizimini samarali boshqarish modellari tahlil qilinadi, ulardan olish mumkin bo’lgan elementlar izohlanadi, so’ng xalqimizning mentaliteti va xususiyatlaridan kelib chiqqan holda davlat, hudud, ta’lim muassasasi kesimida strategiya ishlab chiqish muhim omillardan biridir.
Bitiruv malakaviy ish davomida, o’rganishlardan kelib chiqib aniqlanishicha, respublikamizda ta’lim tizimini boshqarishda mas’ul vazirlik va idoralarning barchasi ma’muriy xarakterga ega tashkilot sifatida asosan ijro bilan shug’ullanadi. Ta’lim tizimini kompleks tarzda strategik rivojlantirib borish bilan shug’ullunuvchi aqliy markazga ehtiyoj mavjud.
Ta’lim tizimi taraqqiy etgan ko’pgina davlatlarning ta’lim vazirligi tuzilmasida yoki vazirlik huzurida ana shunday Think-tank (aqliy markazlar) ning samarali faoliyatini kuzatish mumkin.
Bitiruv malakaviy ishida O’zbekiston Respublikasi Vazirlar Mahkamasi huzuridagi “Ta’lim va fan tizimini strategik rivojlantirish ilmiy-tadqiqot markazi” mazkur boshqaruv modelining muhim qismi sifatida keltiriladi hamda uning taxminiy tuzilmasi, maqsad va vazifalari ham ishlab chiqildi. Mazkur model asosida ta’lim tizimini boshqarish va ilg’or xorijiy tajribalarni inobatga olib, taklif etilayotgan ilmiy tadqiqot markazi yuqori ta’lim sifatini yaxshilashga olib keladi (2.5-rasmga qaralsin).