Parazitologiyadan amaliy mashg’ulotlar

Mustaqil o’zlashtirish savollari

1. 
   Keng tasmaning hayot siklini tahlil qilib, uning rivojlanishidagi har bir bosqichi ma’lum xo’jayin tanasida o’tishini aniqlang.
   
2. 
   Kalta zanjir va exinokokkning rivojlanishiga e’tibor bering. Ulardagi o’xshashlik va farq qiluvchi xususiyatlarni aniqlang.
   
3. 
   Keng tasma, kalta zanjir va exinokokkning asosiy va oraliq xo’jayinlari ro’yxatini tuzing.
   
4. 
   Tahlil qilinayotgan sestodalar odamda qanday kasalliklarni paydo qiladi?
   

Mashg’ulot № 13

Mavzu: Odamning parazit nematodalari. Tuzilishi va hayot sikli.

Yuqishi. Zarari va profilaktikasi.

Mashg’ulot rejasi

1. 
   Tashkiliy qism.
   
2. 
   O’tilgan mavzu materialini baholash.
   
3. 
   Odamning parazit nematodalari (askarida, bolalar ostrisasi, qilbosh nematoda, trixina)ni morfologik tuzilishi.
   
4. 
   Parazit nematodalarni hayot sikllari xususiyatlari.
   
5. 
   Odam nematodozlari va ularning tahlili.
   
6. 
   Parazit nematodalarni makro va mikropreparatlari bilan tanishish.
   
7. 
   Parazit nematodalarning hayot sikllarini sxematik rasmlarini chizish va tahlil qilish.
   
8. 
   Talabalar tushunchalarini aniqlash va xulosa.
   

Ishning maqsadi. Odamning parazit nematodalari bo’yicha bio-ekologik ma’lumotlar, ularning har bir turi bo’yicha hayot sikli, tarqalishi, yuqishi, zarari va oldini olishga qaratilgan profilaktik chora-tadbirlar bilan tanishish hamda tahlil qilish.
Kerakli jihozlar: Parazit nematodalar bo’yicha o’quv-uslubiy qo’llanmalar, jadvallar, nematodalardan tayyorlangan mikro- va makropreparatlar, odam va hayvonlarda parazitlik qiluvchi nematodalarning tuxumlari mikropreparatlari, fiksasiyalangan ko’rgazmali namunalar, lupa va mikroskoplar, Petri chashkalari, pinset va hokazolar.