Toshkent tibbiyot akademiyasi miokard infarkti, atipik kechishi, asoratlari
Yüklə 1,15 Mb. Pdf görüntüsü
|
|
O‘pka shishini davolash. Miokard infarktida o‘pka shishini davolash o‘pka
arteriyasida diastolik bosim, kichik qon aylanish doirasida dimlanish belgilarini bartaraf etish va yurak indeksini muvozanatlashga yo‘naltirilgan. Agar bemorni sistolik bosimi me’yorida yoki bir oz pasaygan (100-110 mm.sim.ust. dan yuqori), o‘pka arteriyasida diastolik bosim 18-20 mm.sim.ust. (me’yorda 8-12 mm.sim.ust) bo‘lsa, bo‘g‘ilish va o‘pkada nam xirillashlar aniqlansa, yurak indeksi va markaziy venoz bosim o‘zgarmagan bo‘lib, periferik gipoperfuziya belgilari kuzatilmasa quyidagi davolash muolijalari qo‘llaniladi: Siydik haydovchi dori vositalari. Furosemid (laziks) 20-80 mg v/i bir yoki bir necha marta (kunlik maksimal doza 2000 mg). Furosemid kuchli diuretik vosita bo‘lib qisqa vaqt ichida aylanib yurgan qon hajmini, AB ni, oldingi va so‘ngi yuklamani, hamda o‘pka arteriyasida diastolik bosimni kamaytirib hansirash va o‘pkadagi xirillashlarni bartaraf etadi. Ikki- uch kun davomida furosemidni vena ichiga yuborib keyin kunda bir marta 40-80 mg ichishga tavsiya etish maqsadga muvofiq. Furosemid bilan davolaganda sistolik AB 90 mm.sim.ust. dan pasayishi, yurak indeksi kamayishi natijasida toj tomirlar perfuziyasi yomonlashishi hisobiga nekroz sohasi kengayishi, hamda gipokaliyemiya (aritmiya rivojlanish xavfi) holati yuzaga kelishi mumkin. Shu sababli gemodinamikani muntazam nazorat qilib borish kerak. Vazodilatatorlar (nitrogliserin - izoket, perlinganit), nitroprussid natriy va boshqalar) o‘pka shishi bilan asoratlangan miokard infarktini davolashda asosiy dori vosita hisoblanadi (sistolik bosim 90 mm.sim.ust. bo‘lganda). Niktrogliserin vena tomirlarini kuchli kengaytiruvchi xususiyatga ega bo‘lib, qisqa vaqt ichida yurakka kelayotgan qon miqdorini- oldingi yuklamani hamda chap qorinchani qon bilan to‘lishini kamaytirib, kichik qon aylanish doirasidagi dimlanish belgilarini bartaraf etadi. Bundan tashqari nitrogliserin arterial tomirlar, jumladan toj tomirlar tonusini kamaytirib umumiy periferik qarshilikni, chap qorinchaga kelayotgan so‘ngi yuklamani pasaytiradi va koronar perfuziyani oshiradi. Nitroprussid natriy ko‘proq arteriolalarga ta’sir qiladi. AG li va o‘pka shishi bilan asoratlanganda MI bilan og‘rigan bemorlarni davolashda nitroprussid natriy tavsiya etish maqsadga muvofiq. Chunki ushbu preparat o‘pka arteriyasida diastolik bosimni va tizimli AB ni pasaytiradi. Nitrogliserin (1 % li spirtli eritma) 0,9 % li natriy xloridda tomir ichiga tomchilab yuboriladi. Preparatni yuborish daqiqada 5-10 mg dan boshlab har 10 daqiqada tezligi asta -sekin oshirib boriladi. Mo‘ljallangan gemodinamik samaraga erishilgandan so‘ng 24-72 soat davomida “ushlab turuvchi” dozada yuborish davom ettiriladi va keyin tabletka ko‘rinishida odatiy miqdorda ichishga buyuriladi. Morfin (2-5 mg vena ichiga oqim bilan) nafas markazini ortiqcha faolligini kamaytirib taxipnoeni bartaraf etadi. Bundan tashqari u periferik qon tomirlarni kengaytirish xususiyatiga ega bo‘lib, yurakka qaytib kelayotgan venoz qon hajmini, o‘pka arteriyasida diastolik bosimni va oldingi yuklamani kamaytiradi. Oksigenoterapiya o‘pka shishi rivojlangan barcha bemorlarga qo‘llaniladi. Burun kateteri yoki maxsus maska orqali namlangan kislorod bilan nafas olish nafaqat markaziy asab tizimi gipoksiyasini va metabolik asidozni kamaytiradi, balki o‘pkani mexanik xususiyatini ham yaxshilaydi. Kislorod konsentrasiyasini oshishi sinokorotid va boshqa xemoreseptorlarda afferent impulsni pasaytirib taxipnoeni sekinlashtiradi. Alveolar shishda ko‘pik cho‘ktiruvchi vositalar jumladan spirt parlari qo‘llaniladi. Yaqqol namoyon bo‘lgan o‘pka shishida, tez avj olib boruvchi nafas yetishmovchiligi es – hushni yomonlashishi, kuchli sianoz, ko‘z qorachig‘i o‘lchamini o‘zgarishi, hansirash, nafas olishda yordamchi mushaklarni faol qatnashishi bilan kechganda zudlik bilan bemorni nafas yo‘llari ko‘pikdan tozalanib tashqaridan boshqariladigan sun’iy nafas apparatiga o‘tqaziladi. Mikrosirkulyasiyadagi o‘zgarishlarni muvozanatlash va toj tomirlarda yana tromb hosil bo‘lishini oldini olish maqsadida bemorlarga geparin va antiagrigantlar (klopidogrel, aspirin va boshqalar) buyuriladi. Yüklə 1,15 Mb. Dostları ilə paylaş:
|