Бакы Дювлят Университетинин

Hazırlanan və törədilən cinayətlərin qarşısını almaq əməliyyat-axtarış fəaliyyəti 
qarşısında duran mühüm vəzifələrdəndir. 
Hazırlanan cinayətin qarşısını almağa yönəlmiş əməliyyat-axtarış fəaliyyəti daha ictimai 
xeyirli, daha səmərəlidir. Çünki cinayətə hazırlıq hərəkətlərində bir çox hallarda cinayət tərkibi 
olmur. Digər tərəfdən isə hazırlıq hərəkətlərində konkret həyata keçirilməsini çətinləşdirir. Ona 
görə də hazırlanan cinayətlər haqqında daxil olan informasiyalar o dərəcədə əsaslandırılmış 
olmalıdır ki, cinayət əməlinin bilavasitə həyata keçirilməsindən əvvəl onun qarşısını almaq üçün 
əməliyyat tədbirlərinin aparılması mümkün olsun. 
Hazırlanan cinayətin qarşısını almaq əməliyyat-axtarış tədbirləri vasitəsi ilə cinayət 
törətmək məqsədindən olan, yaxud onu törətmək üçün müəyyən hərəkətlər etmiş şəxsə və ya 
cinayəti törətməyə şərait yaradan səbəb və şərtlərə bilavasitə təsir etməyi nəzərdə tutur. 
Profilaktik tədbirlər istər bir nəfərə, istərsə də bir qrup şəxsə münasibətdə həyata keçirilə 
bilər. 
Qeyd etdiyimiz kimi, xəbərdarlıq tədbirləri cinayətin hazırlanması barədə daxil olan 
informasiya əsasında həyata keçirilir. Belə əsaslandırılmış məlumatların daxil olmasında 

---

12 
əməliyyat-axtarış orqanlarına konfidensial əsaslarla kömək göstərən şəxslərin, kriminogen 
qurumlara və obyektlərə daxil edilmiş agentlərin rolu əvəzedilməzdir. 
Törədilən cinayətlərin qarşısını almaq konkret şəxsə və ya bir qrup şəxsə münasibətdə onu 
(onları) cinayətkar əməli davam etdirmək imkanından məhrum etmək məqsədilə əməliyyat-
axtarış tədbirlərinin həyata keçirilməsindən ibarətdir. Bu vəzifə istər aşkar, istərsə də şahidsiz 
törədilən cinayətlərə aiddir. Törədilən cinayətin qarşısını almaq cinayətkarı cinayət başında 
tutmaqla, cinayət işi başlayıb cinayət törədən şəxsə münasibətdə prosessual qətimkan 
tədbirlərinin tətbiq edilməsi və s. vasitələrlə həyata keçirilir. 
Əməliyyat-axtarış fəaliyyətinin müstəqil vəzifələrindən biri də təhqiqat, istintaq və