Mövzu7: «Seçki sistemi və seçki hüququ» p L a n

---

 
MÖVZU7: 
«
Seçki sistemi və seçki hüququ
» 
P L A N: 
 
GİRİŞ 
 
1.Seçki hüququnun anlayışı və prinsipləri. 
2. Seçki sisteminin anlayışı və növləri.
3. Seçki prosesinin mərhələləri.
 
 
NƏTİCƏ 
 
 
Ə D Ə B İ Y Y A T: 
1.
Z. Əsgərov «Konstitusiya hüququ». Dərslik. Bakı, 2016.
2.
İ. Cəfərov Azərbaycan Respublikası Konstitusiyasının şərhi. Bakı, 2010.
3.
Azərbaycan
 
Respublikasının Seçki Məcəlləsi. Bakı, 2003.

4.
İ. Cəfərov Azərbaycan Respublikası Konstitusiya hüququnun əsasları. Bakı, 

2002.
1.
Konstitusiya hüququ (Mühazirə mətnləri). Fəxrəddin Nağıyev. 
Qanun-2009 
5.
V. Çirkin «Xarici ölkələrin Konstitusiya hüququ». Bakı, 2000. 
 
G İ R İ Ş 

---

2 
 
Seçki sistemi hər bir sivil ölkədə konstitusiya hüququnun ən əsas 
institutlarından biridir. Dünyanın demokratik ölkələri bu sistemə xüsusi diqqət 
yetirirlər. Seçki sistemi nəinki hüquqi əhəmiyyətə malikdir, həm də hakimiyyətin 
formalaşdırılmasına birbaşa aidiyyəti olduğundan, bir siyasi institutdur və siyasi 
əhəmiyyətə malikdir. Seçkinin bir institut kimi sistem adlandırılması da təsadüfi 
deyildir. O, sistemin bütün əlamətlərinə malikdir və digər sistemlərlə üzvi 
əlaqədədir
. 
O da
 
sistemi kimi müxtəlif
 
ünsürlərdən təşkil olunub və bu ünsürlər 
arasında sabit, qırılmaz əlaqə mövcuddur. Bütün sistemlər kimi, seçki sistemində 
də hər hansı bir ünsürə, elementə edilən təsir rezonans kimi sistemin digər bütün 
ünsürlərinə yayılır. Başqa sözlə, seçki sisteminin subyektlərində sosial-psixoloci 
dəyişikliyin baş verməsi dərhal başqa ünsürlərə

dəyərlərə təsir edir. 
Seçki sistemi sosial-siyasi aspektdə hamı tərəfindən razılaşdırılmış və riayət 
olunduğu hamı üçün məcburi nəticələr doğuran qaydaların məcmusudur. Seçki 
sistemi hakimiyyətin əldə edilməsinin yeganə sivil vasitəsidir, siyasi mədəniyyət 
yoludur. Seçki sistemi istənilən sosial qrupa, təbəqəyə hakimiyyət uğrunda 
mübarizəsini realizə etməyə və qalib gələrsə, onu əldə edəcəyinə təminat verən 
açıq sistemdir. Cəmiyyətin və dövlətin müəyyən etdiyi subyektləri seçkilərdə 
hakimiyyət uğrunda mübarizədə iştirak edə bilərlər. Seçkilərin son məqsədi 
dövlət hakimiyyətini əldə etmək və onu təşkil etməkdir.
SUAL 1.