MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
142
Sözleýşiň ses medeniýetini terbiýelemek ene dilindäki sesleriň
artikulýasiýasyny dogry özleşdirmegi, sesleri dogry aýtmagy, sözleri we
sözlemleri düşnükli we aýdyň sözlemegi, gepleşikde dogry dem almagy,
sesiň güýjüni (çala-ýuwaş, batly) ýeterlik derejede ulanylmagy
başarnagy, kadaly depginde (tempde), labyzly gürlemegi öz içine alýar.
Çagalarda dogry sözleýşi terbiýelemekde terbiýeçi şu aşakdaky
meselelere üns bermelidir:
Sözleýşi, eşidişini ýuwaş-ýuwaşdan terbiýelemek (ses
belentligindäki eşidiş, eşidiş ünslüligi, sesi tapawutlandyryp eşitmegi,
sözleýşiň depginini we sazlaşygyny kabul edişini ösdürmek).
Dogry ses aýdyşy kämilleşdirmek: çagalara ene dilindäki
hemme sesleri dogry aýtmagy öwretmek; artikulýasion apparatyny (gep
agzalaryny) ösdürmek; kadaly dem alşy türgenleşdirmek; her bir sesi,
sözi, sözlemi dogry we aýdyň aýtmagy (oňat diksiýany) terbiýelemek;
kadaly depginde sözlemegi (sözleri, sözlemleri haýallatman,
çaltlaşdrman) kämilleşdirmek.
Dostları ilə paylaş: