Tafakkur ziyosi
Yüklə 4,15 Mb. Pdf görüntüsü
|
|
4 Маматов Д.Н. Электрон ахборот таълим муҳитида касбий таълим жараёнларини педагогик лойиҳалаштириш. Монография. – Т: Наврўз, 2017. – 160 б.
degan xulosaga kelindi. O‘z mohiyatiga ko‘ra, shaxsga yo‘naltirilgan yondashuvni qaror toptirish orqali pedagog uyg‘un rivojlangan barkamol avlodni modellashtirishga erishadi. Fikrimizcha, zamonaviy pedagog shaxsini tarkib toptirish kreativ salohiyatni shakllantirish asosida amalga oshadi. Shunday qilib, shaxsga yo‘naltirilgan yondashuvning talablarini inobatga olgan holda asosini ko‘rsatilgan talab va mezonlar tashkil qilgan pedagogik kreativ muhitni yaratish, pedagog kadrlarning kreativ salohiyatini shakllantirishning zaruriy shartlaridan biridir. Zero, aynan shaxsga yo‘naltirilgan yondashuv pedagog shaxsiga o‘z-o‘zini rivojlantirish imkonini beradi. Kreativ fikrlashni rivojlantirishning pedagogik shartlaridan biri – o‘qitishning interfaol metodlaridan samarali foydalanildi. Ilmiy ishlar tahlili va pedagogik tajriba-sinov faol o‘qitish metodlarini ajratib ko‘rsatish va kreativlikka yo‘naltirilganlarini tadqiqot doirasida alohida ajratib olish maqsadga muvofiqligini aniqlash imkonini berdi. Fanlararo modulli ta’lim texnologiyalari doirasida interfaol seminarlarni tashkil etish muammoning har tomonlama yechimini topishga imkon berdi. “Birgalikda o‘rganish” usulidan foydalanib, ta’lim oluvchilar faol muloqotga va shaxsiy pozitsiyasini asoslashga da’vat etildi 3 . Ta’lim oluvchilarda pedagogik jarayonda kreativ muhitni yaratishga imkon beruvchi bilim va ko‘nikmalarni shakllantirish, pedagog kadrlarning kreativ salohiyatini rivojlantirishga yo‘naltirilgan ma’ruza va amaliy mashg‘ulotlar; kreativ faoliyatga motivatsiyani shakllantirish, kreativ shaxsga xos xususiyatlarni rivojlantirish, kreativ pedagogik faoliyatni tashkil etishga o‘rgatish, refleksiv qobiliyatni shakllantirishga yo‘naltirilgan trening mashg‘ulotlarini o‘tkazish hamda yuqori darajadagi zaruriy pedagogik shart-sharoitlarni yaratish orqali ta’lim oluvchilarning kreativ salohiyatini rivojlantirishga erishildi. Zamonaviy jamiyatning global axborotlashuvi ta’limning asosiy vazifalaridan biri – jamiyat axborot madaniyatini ta’minlashga chaqirilgan ta’lim oluvchilarning axborot madaniyatini shakllantirish va rivojlantirishni ilgari surmoqda 4 . O‘z navbatida, pedagog kadrlarning axborot madaniyati kompyuterga oid bilim va u bilan ishlash malakalaridangina iborat bo‘lib qolmay, balki rivojlangan informatsion dunyoqarash, informatsion yo‘nalganlik va shaxsning kreativligi, yangi PEDAGOGIKA, PSIXOLOGIYA VA INNOVATSION TA’LIM 35 “TAFAKKUR ZIYOSI” ilmiy-uslubiy jurnali 2021/4-son informatsion bilim va malakalarni qo‘llash va egallashni nazarda tutadi hamda shaxsiy rivojlanishning bir qirrasi sifatida qaratish mumkin. Pedagogik kadrlarning kreativ salohiyatini shakllantirish va rivojlantirish samaradorligi qator pedagogik talablar bilan vositalangan. Chunonchi, shakllantirish subyekti (o‘qituvchi) empatiya qobiliyati, hamkechinmalik (hamdardlik), ochiqlik, ta’lim oluvchi haqida shaxsiy g‘amxo‘rlikni ifoda qilish, xayrixohlik, ta’lim oluvchiga baholashsiz (teng) munosabat, “aql o‘rgatish”dan, o‘z fikrini ta’lim oluvchiga majburlab singdirishdan o‘zini tiyish, ta’lim oluvchiga ishonch, o‘zi va ta’lim oluvchi o‘rtasida optimal psixologik masofani saqlay olish, ta’lim oluvchiga o‘zini o‘zi takomillashtirishga ishonch va qat’iyat baxsh eta olish kabi fazilatlarga ega bo‘lishi lozimligi aniqlandi. Shu bilan birga, oliy ta’lim muassasalari professor-o‘qituvchilarining kreativ salohiyatini shakllantirishning diagnostik tizimini takomillashtirish, kreativ salohiyatni shakllantirishning elektron monitoring tizimini yaratish, kreativ salohiyatni shakllantirishning lokal-modulli texnologiyalarini joriy etish, pedagog kadrlarning kreativ salohiyatini rivojlantirishning metodik tizimini ishlab chiqish, kvalimetrik yondashuv asosida pedagog kadrlarning kreativ salohiyatini individual-mustaqil baholash mezonlari va parametrlarini aniqlashtirish, kreativ salohiyatni shakllantirishning prognostik modelini takomillashtirish bo‘yicha tadqiqotlar olib borish imkoniyatini yanada kengaytiradi. Yüklə 4,15 Mb. Dostları ilə paylaş:
|