O’zbekiston respublikasi oliy va o’rta maxsus ta’lim vazirligi toshkent moliya instituti zoyirov Laziz Subxonovich Raimjanova Madina Asrarovna Saidov Rasulbek Boltabayevich Shoislomova Nargiza Qobilovna investitsiya loyihalari ekspertiza

«Qarorlar daraxti» usuli
– risk mavjud bo‘lgan sharoitda qaror qabul qilishning 
grafik tasviri bo‘lib, bunda loyihani amalga oshirish shart-sharoitlari turli variantlarda 
ifodalanganda, ya‘ni daromadlar, xarajatlar, yo‘qotishlar va boshqa ko‘rsatkichlarning 
mumkin bo‘lgan qiymatlari xamda ularning bo‘lish ehtimolliklari asosida qaror qabul 
qilinadi.
Aktivlarning likvidatsiya kiymati
– bu to‘liq amortizatsiya qilingan aktivlarni 
(ya‘ni asbob-uskunalar, mashina, mexanizmlar va h.k.) sotish bahosi. 
Amortizatsiya
– asta-sekin eskirayotgan asosiy fondlar qiymatini ishlab 
chiqarilayotgan maxsulot qiymatiga o‘tkazish. Pul mablag‘larining maqsadli 
jamg‘arilishi va ularning keyinchalik eskirgan asosiy fondlar o‘rnini to‘ldirish uchun 
qo‘llanilishi.
Amortizatsiya ajratmalari
– bu qiymatli ifodadagi asosiy fondlarning eskirish 
o‘rnini sekin-asta to‘ldirishdir. Amortizatsiya ajratmalari to‘liq va qisman tiklanishlarga, 
ya‘ni asosiy fondlarni kapital ta‘minlashga ishlatiladi.

---

263 
Amortizatsiya fondi
– asosiy fondlarni oddiy va kengaytirilgan tarzda ishga 
tushirishga mo‘ljallangan pul mablag‘laridir.
Anderlaing 
– optsion kontakt shartlariga muvofiq sotib olish yoki sotish xuquqi 
mavjud bo‘lgan qimmatli qog‘ozlar.
Anderrayting
- qimmatli qog‘ozning emitent qo‘lidan birinchi investorga o‘tishi, 
vositachi orqali ham bo‘lishi mumkin. 
Aniq foizlar
- qisqa muddatli foizlar, 365 (366) kunga teng bo‘lgan vaqt bazasiga 
asosan hisoblanadi. 
Annuitet
– bir xil davr mobaynida bir xil foiz stavka asosida bir xil to‘lovlarning 
yoki pul oqimlarining kelib tushishi. 
Aylanma mablag’lar
– korxona mablag‘larining bir ishlab chiqarish jarayonida 
to‘liq iste‘mol qilinuvchi qismi bo‘lib, o‘z ichiga xom ashyo, material, yoqilg‘i, energiya, 
ehtiyot qismlar kabilarni oladi. 
Balans
- korxonaning pul ifodasidagi mablag‘larini tarkibi va joylashishi (aktiv), 
shuningdek, ularning tashkil topish negizi, belgilangan yo‘nalishi va qaytish muddatlarini 
(passiv) bu kungi holatini o‘zida aks ettiruvchi yig‘ma xujjat. 
Bank 
- pul mablag‘larining (milliy va chet el vositalarining) jamg‘arilishini amalga 
oshiruvchi, kredit beruvchi, pul hisob-kitoblarini o‘tkazuvchi va qimmatli qog‘ozlarning 
muomalasini tashkil qiluvchi, yirik investitsiyalar qiluvchi, mamlakatning pul-kredit 
siyosatini hayotga tatbiq qiluvchi korxona. 
Bank aktivlari
– banklarning asosiy faoliyatini amalga oshirishda foydalanuvchi 
turli moddiy va moliyaviy resurslar majmui. Ular asosan bank kreditlari, asosiy vositalari, 
sotib olgan qimmatli qog‘ozlari, investitsiyalari, valyuta boyliklari ko‘rinishida bo‘ladi.