FATVO
(arab.
–
tushuntirish, izoh, hukm, qaror) — islomda muftiy yoki ulamolar
kengashi tomonidan diniy, huquqiy, siyosiy hamda ijtimoiy masalalarda beriladigan
qaror, hukm yoki izoh.
FAVQULODDA HOLAT
— davlat hokimiyati va b.ruv organlarining,
korxonalarning, muassasalarning va tashkilotlarning alohida ish rejimi. Bunda
fuqarolarning huquq va erkinliklari hamda yuridik shaxslarning huquqlariga maxsus
qonun bilan belgilangan cheklashlarga yo‗l qo‗yiladi, shun., ularga qo‗shimcha
majburiyatlar yuklanishi mumkin. F.h., odatda, vaqtinchalik tadbir bo‗lib, real tashqi
xavf, ommaviy tartibsizliklar, ichki qurolli mojarolar, yirik halokat, tabiiy ofat,
epidemiyalar yuz bergan taqdirda fuqarolarning xavfsizligini ta‘minlashni ko‗zlab joriy
etiladi.
FAVQULODDA SUD
— alohida voqealar, hodisalar yoki sharoit talabi bilan joriy
etiladigan sud.
FAXRIY UNVON
— O‗zbekiston Respublikasida fuqarolarning alohida
xizmatlarini yuksak e'tirof etish shakllaridan biri. Fuqarolarni mehnatdagi xizmatlari,
samarali davlat, ijtimoiy va ijodiy faoliyatlari uchun ularni rag‗batlantirish maqsadida
beriladi. Mas., «O‘zbekiston qaxramoni», «Buyuk xizmatlari uchun», «Jasorat», «Amir
Temur», «Do‘stlik» va h.k. O‗zbekiston Respublikasining Konstitutsiyasiga ko‗ra, davlat
mukofotlari va unvonlarini ta'sis etish O‗zbekiston Respublikasi Oliy Majlisining mutlaq
vakolatlari jumlasiga kiradi. O‗zbekiston Respublikasining malakaviy va F.u.larini berish
O‗zbekiston Respublikasining Prezidenti vakolatiga kiradi.
FEDERALISTLAR
— Argentina va b. davlatlarda viloyatlarga keng muxtoriyat
berish tarafdorlari.
FEDERALIZM
(lot. ittifoq orqali mustahkamlash) — federativ asoslarga ko‗ra
birlashgan davlat tuzilishi tizimi.
|
