Ўзбекистон республикаси олий ва ўрта махсус таълими вазирлиги

 
7-§. Bankrotlikning soddalashtirilgan taomillari 
 
Bankrotlikning soddalashtirilgan taomillariga yangi tahrirdagi 
«Bankrotlik to`g`risida»gi qonunning 11-bo-bida ko`rsatib o`tilgan 
tugatilayotgan va hozir bo`lmagan qarzdorning bankrotligi kiradi. 
Xo`jalik sudi tomonidan moliya-xo`jalik faoliyatini olti oy 
mobaynida amalga oshirmayotgan
(bank hisobvaraqlari bo`yicha uch oy 
mobaynida 
operasiyalarni 
o`tkazmagan 
savdo, 
savdo-vositachi 
korxonalar), shuningdek, qonunchilikda belgilangan muddatda o`z ustav 
jamg`ar-malarini shakllantirmagan yuridik shaxslar tugatilishi mumkin. 
Mazkur yuridik shaxslarning tugatish jarayonida uning mol-mulki 
qiymati kreditorlarning talablarini qon-dirish uchun yetarli bo`lmasa, 
tugatish komissiyasi (tugatuvchi) ushbu yuridik shaxsni bankrot deb topish 
www.ziyouz.com kutubxonasi

---

to`g`risidagi ariza bilan xo`jalik sudiga murojaat qilishi yoki qonun huj-
jatlarida nazarda tutilgan tegishli choralarni ko`rishi uchun davlat soliq 
xizmati organlariga murojaat etishi shart.
Tugatilayotgan qarzdorni bankrot deb topish to`g`ri-sidagi ariza 
kreditorlik qarzining miqdoridan qatiy nazar berilishi kerak. Ushbu holatda 
xo`jalik sudi tomo-nidan qarzdorni bankrot deb topish to`g`risidagi qaror 
qa-bul qilinadi, tugatishga doir ish yuritish boshlanadi hamda tugatish 
boshqaruvchisi tayinlanadi. 
Tugatilayotgan yuridik shaxsning bankrotligida kuzatuv, sud 
sanatsiyasi va tashqi boshqaruv taomillari qo`llanil-maydi. Kreditorlar 
tugatilayotgan yuridik shaxsga bo`lgan o`z talablarini tugatilayotgan 
yuridik shaxsni bankrot deb topilganligi to`g`risidagi e'lon chop etilgan 
paytdan boshlab bir oylik muddat ichida taqdim etishga haqli.
Agar yuqorida ko`rsatib o`tilgan holatda tugatish komissiyasi 
xo`jalik sudiga murojaat qilmagan bo`lsa, bu yuridik shaxslarning yagona 
davlat reyestriga yuridik shaxs tugatilganligi to`g`risidagi yozuvni 
kiritishni rad etish uchun asos bo`ladi. 
Shuningdek, tugatilayotgan yuridik shaxsni qonunda belgilangan 
holatda bankrot deb topish to`g`risida xo`jalik sudiga murojaat qilish 
talabini buzilishiga yo`l qo`ygan tugatish komissiyasining raisi yoki 
tugatuvchi tugatilayotgan yuridik shaxsning pul majburiyatlari va majburiy 
to`lovlari yuzasidan qondirilmagan talablar bo`yicha subsidiar javobgar 
bo`ladi.