Руководство для спортсменов по настольному теннису для развития их полного потенциала

O’ngdan to’lqinsimon (nakat) zarba. 
Ushbu zarbani bajarish paytida dastlabki holatda oyoqlar elka kengligida, ular 
tizzadan bukilgan, oldinga chiqarilgan, tana og’irligi barobar tashlangan bo’ladi. 
Gavda stolga chap tomondan salgina bukilgan, qo’l zarba berish uchun o’ngga-
orqaga uzaytirilgan. Harakat oyoqlar, raketka va yaqinlashayotgan shar teng 
tomonlama uchburchak hosil qilinganida boshlanadi, ya’ni sharga zarbani shar 
sakrashining eng yuqori nuqtasiga etganida, u yon tomonga va uzoq oldinga 
joylashganida beriladi. 
Zarbadan keyin qo’l yuqoriga-chapga harakatni davom ettiradi. Zarba paytida 
og’irlik markazi chap oyoqqa siljiydi. To’lqinsimon zarbadan keyin hozirgi holatda 
turib qolmaslik uchun darhol navbatdagi о’yin harakatlarini bajarish uchun zarur 
bo’lgan holatni egallash mumkin. 
Zarbaga tayyorlanayotgan paytda sportchi o’ng elkani tushira turib chap 
tomoni bilan stolga yanada kuchliroq buriladi. Qo’l stoldan ko’tarilayotgan paytda 
o’yinchi elkalarini ko’tarmasdan chapga aylanishi mumkin. Shundan so’ng birdan 

---

o’ng oyoqni to’g’irlab chapdan harakatni tezlashtirib raketka qo’shimcha kuch bilan 
sharni raqib tomonga uradi. Raketkani sharga tegish burchagi qaytarilayotgan 
sharning aylanish kuchiga bog’liq. Aylanish qancha kuchli bo’lsa raketkaning stol 
tomoni egilish burchagi shunchalik katta. Shar spinning asosiy vazifasi sharga kuchli 
yuqori va yon aylanishni berishdir. 
Chapdan to’lqinsimon zarba 
Zarba berilganida sportchi stoldan 40-70 sm. uzoqlikda chap elkasini oldinga 
chiqarib, yarim burilgan holda turadi. Oyoqlar tizzadan bukiladi 
(o’ng oyoq oldinga, 
chap oyoq orqaga),
gavda ozroq chapga buriladi, tana og’irligi teng ravishda har 
ikkala oyoqqa tashlanadi. Raketka ushlagan qo’l chap yonga beldan pastga 
tushiriladi va to’rdan orqa tomonga engil buriladi. Bilaklar stol yuzasiga parallel 
tutiladi. 
Shar stoldan yuqoriga ko’tarila boshlagan paytda bilaklar oldinga- yuqoriga-
o’ngga harakatlanadi. Shar sakrashning yuqori nuqtasiga etganida, raketka sharning 
o’rta qismiga to’qnashadi. Qo’lning panjalari raketkani yopadi va yuqori yon 
tomoniga sirpanadi. Zarba yakunlanguncha raketka oldinga-elka darajasida 
yuqoriga harakatini davom ettiradi. Zarba paytida gavda chapdan o’ngga buriladi, 
tana og’irligi chap oyoqqa tashlanadi. Ro’parasida aylanib ketayotgan sharning 
aylanish tezligi qancha kuchli bo’lsa, raketkani shardan shuncha uzoqroqqa tortish 
lozim bo’ladi va raketkning shar bilan to’qnashish payti uzaytiriladi.