Kitab-ibrahim-esas Layout 1
Yüklə 4,35 Mb. Pdf görüntüsü
|
|
Sağdan birinci Buludxan, ikinci Sərdar
A Ğ L I N Z İ R V Ə S İ N D Ə S Ö N Ə N B İ R Ç I R A Q 32 qoysa, yenə bir oturub bir an da olsa qayğılardan uzaqlaşarıq. Min təəssüflər olsun ki, o qarşıdan gələn həmin yayı gözlə‑ mədi, digər dostları kimi mənim də 2014‑cü il baharımı və ya‑ yımı, qarlı – boranlı qışa çevirdi. Sumqayıt Dövlət Universitetinə prorektor getməmişdən bir neçə ay əvvəl iş otağında oturub söhbətləşərkən, birdən‑birə söhbəti öz işlərindən saldı və dedi ki, daha bu cür işlərdən doymuşam. Nə qədər eyni işin arxasınca gedib‑gəlmək olar? İşimi başqa formada qurmaq, yaratmaq istəyirəm. Burda nə qədər ürəkdən çalışsam da, insanların diqqətini daha çox cəlb edəcək elə bir fövqəladə iş qurub‑yaratmaq olmur. İstəyirəm mənim əhatə edəcəyim sahə daha geniş olsun, uğurlarımdan daha çox insanlar bəhrələnsin. Qısa bir müddətdən sonra onun Sumqayıt Dövlət universi‑ tetinə – son iş yerinə dəyişildiyi xəbərini eşitdim. Bir tərəfdən onun yüksək vəzifəyə getməsindən fəxarət hissi duysam da, bir tərəfdən kədərləndim, çünki onu daha tez‑tez görməyim, qeyri‑mümkün idi. Tez‑tez danışsaq da ancaq tez‑tez görüş‑ mək çətin olurdu. Hər gün işdən qayıdandan sonra kompyuterin arxasına keçib gündəlik xəbərlərlə tanış olmaq mənim yeni vərdişimdir. (Çünki əvvəllər bütün xəbərləri qəzet alıb, qəzetlərdən oxu‑ yurdum) Martın 15‑də axşama yaxın yenə kompyuteri açıb xəbərlərlə tanış olmaq üçün düyməni basanda bir anda onun gülərüz su‑ rəti qarşımda dayandı. Yanındakı yazının sərlövhəsindəki ölüm sözünü oxuyanda elə başa düşdüm ki, İbrahim müəllim Sumqayıt universitetində dünyasını dəyişmiş hansısa bir nəfər haqqında yazı verib. Diqqətlə oxuyanda, dünya başıma fırlandı, yazılan yazıdan heç nə oxuya bilmədim. O dəqiqə Buludxan müəllimə zəng A Ğ L I N Z İ R V Ə S İ N D Ə S Ö N Ə N B İ R Ç I R A Q 33 vurdum. Bu ağır, mənim üçün çox ağır olan qara xəbərin doğ‑ ruluğunu o da təsdiq etdi. Sanki yer – göy başıma hərləndi. Bir onu deyə bilərəm ki, bu cür sarsıntını ilk dəfə atam öləndə keçirmişdim. Düzdür onun yaşının 60‑dan bir az yu‑ xarı, övladlarının hamısının ağlıkəsən, bir işin sahibi olduğun‑ dan təskinlik tapmışdım. Lakin İbrahimin yoxluğu tamam başqa ağrı, tamam başqa faciyədi mənim üçün. Bir neçə ay bu ağrı‑acı məni çox üzdü, həyatımı zəhərə döndərdi. Həyatın belə boş, mənasız, vəfasız olduğu hər şeyi gözümdən saldı. Bu genişlikdə şəhərdə özümə yer tapa bilmədim. Sanki yaşamağa dözümüm azaldı. Qorxudan onun iş yerinə yaxın olan küçə‑ lərdən uzaq qaçdım. Təskinlik verəcək elə bir şey bu acı ağrı‑ dan məni azad edə bilmədi. 3‑4 ay keçəndən sonra, onunla bir yerdə işləyən gənc bir qızla rastlaşdım. (İbrahim müəllimin ya‑ nına gedəndə o həmişə yazılar gətirib göstərər və məsləhət alandan sonra öz iş otağına qayıdardı). İbrahim müəllimin he‑ sabına, onunla da aramızda xatir‑hörmətimiz vardı. Hal‑əhval tutandan sonra, söhbətimizin ilk sözü İbrahim müəllim oldu. Çəkdiyim ağrı‑acını, iztirabı, həsrəti dilə gətirdim. Məndən 40 yaş kiçik olan bu qız mənə nə desə yaxşıdır?!!! ‑ Sərdar müəllim, İbrahim müəllimin itkisi hamımız üçün ağırdır. Ancaq təskinlik tapmaqdan başqa ayrı əlacımız yox‑ dur. Biz elə düşünürük ki, o yenə xaricə oxumağa gedib və nə vaxtsa qayıdacaq. Ona görə siz də elə hesab edin ki, o xaricə oxumağa gedib və nə vaxtsa o qayıdacaq. Siz onun qayıdacağı günü gözləyin və bu ümidlə də yaşayın. Onda ağrı‑acınız az da olsa azalmalıdır. Düzdür, o gənc qızın mənə verdiyi məsləhətdən sonra ağrım – acım az da olsa azaldı. İndi də bu fikirdəyəm ki, o han‑ sısa uzaq bir xarici ölkəyə sonsuz bir məzuniyyətə gedib və nə vaxtsa qayıdacaq. A Ğ L I N Z İ R V Ə S İ N D Ə S Ö N Ə N B İ R Ç I R A Q 34 Ancaq mənim həyatda aldanmağım və aldadılmağım çox çətin, bəlkə də qeyri – mümkündür. Çünki, heç özüm də özümü aldada bilmirəm... Ondan sonra onunla bağlı heç nə yazmadım. Heç yaza da bilmədim, çünki yolunu intizarla gözlədiyin insan haqqında nəsə yazmaq qeyri‑mümkündür. Lakin onunla bağlı o ağrılı– acılı düşüncələrim əbədi bir qəm parçasına çevrilib misra– misra qəlbimdə fəğana döndü. Yüklə 4,35 Mb. Dostları ilə paylaş:
|