Neriman Qurban indd
Yüklə 2,37 Mb. Pdf görüntüsü
|
|
diyin kəsi itirməkdən yaxşıdı. Əsəd bəy də özünü saxlaya
bilmədi, bir neçə konsulluğa getdi, Amerika konsulluğunda artıq gec olduğunu, Erikanın Nyu-Yorka yola düşdüyünü
447 öyrənəndə qəzəbini cilovlaya bilmədi, bildirdi ki, hakimiyyət orqanlarına xəbər versinlər, Erika Lyövendal Amerikada cinayət törətməyi planlaşdırır. Əlbəttə, okeanın o tayında inanmayacaqlar, bununla belə, xəyanətkar arvadının da başı ağrıyacaq, huquqi problemlərlə üzləşəcək... Abram Nussimbaum məsələdən xəbər tutanda istehzayla gülümsünüb başını buladı: “Yazıq Leo, mənim kimi arvad sarıdan onun da bəxti gətirmədi, – hələ də baş verəndən özünə gəlməmiş frau Şulteyə dedi, – frau Şulte, indi onun bizim köməyimizə daha çox ehtiyacı var”. “Əlbəttə, əlbəttə, – frau Şulte neyləyəcəyini bilməsə də, əl- ayağa düşdü. – Mən Leonu tək qoymaram”. Əsəd bəysə aldığı zərbədən hələ özünə gəlməmişdi, ota- ğından çıxmır, hey ora-bura vurnuxur, ya da uzanıb gözlərini tavana zilləyib fikirləşidi. “Ən dəhşətli duyğu bilirsən nədi? – öz-özünə deyirdi. – Sevdiyini ona demək üçün dünyada hər şeydən keçməyə hazırsan, amma dərk eləyirsən ki, daha bunu eləyə bilməyəcəksən, çünki... o artıq sənsiz də xoşbəxtdi...” Sonra evdən çıxıb harasa gedirdi. Getdiyi yersə, şəhərin ədəbi aləminin yığışdığı “Herenhof” kafesiydi. Berlindəki “Melomania”nı xatırlatdığına görə, buranı çox sevirdi: həmin tüstülü, səs-küylü, yarıqaranlıq mühit, söhbətləşən, mübahisə eləyən, söyüşən tiplər, qəzet-jurnallardakı şəkillərindən tanı- nan məşhur adamlar... Burda vaxtın necə keçdiyini hiss eləmirdi: masanın haqqını ödəyib axşama qədər otura bilərdi... ***
Erikadan məktub alandan sonra elə bu cür də elədi. Dünənə qədər arvadı olan qadın yazmışdı ki, onun katibəsi olmaqdan təngə gəlib, Reneni sevir, evlənəcəklər, buna görə də boşanma məsələsini həll eləmək lazımdı; bir də yazmışdı ki, indi Avropada səyahət eləyirlər, tezliklə Amerikaya
448 gedəcəklər, boşanma məsələsilə vəkili doktor Eduard Firşau- er məşğul olacaq. Əlbəttə, Leoya hər şeyə görə təşəkkür eləyir və uğur arzulayır. Deməli, qadın xəyanəti adlanan şey yoxmuş, baş verənlər ya
mərhələsi sona çatdı. Şübhəsiz, gərək həyatında olan-qalan
Vyanada qalmaqda səhv elədi: İsveçrəyə, lap elə İta- liyaya gedə bilərdi, bu lənətə gəlmiş Reneylə də rastlaşmazdı- lar.
Boşanma məsələsilə vəkili doktor Ernest Konstantin Vede- rer məşğul olar, indiki vəziyyətində Erikayla üz-üzə gəlmək istəmir. Əsəd bəy o gündən “Herenhof” kafesinə “köçdü”. Hər səhər küncdəki masasının arxasında yerini tutur, müştərilər yavaş-yavaş yığışanacan xırdaca hərflərlə beynindəkiləri ya- zırdı: bu bəzən növbəti kitabından səhifələr, epizodlar, bəzən Parisin bir mühacir jurnalı üçün irihəcmli məqalə, bəzən də bulvar qəzetləri üçün kiçik qeydlər olurdu. Rene Fülöp-Mille- rin, Ervin Eqon Kişin, Əmin əl-Rihaninin kitablarını vərəq- ləyir, bəyəndiyi parçaları köçürürdü ki, lazım gələndə istifadə eləsin. Günortadan sonra kafe qaynar qazana dönürdü: Frans Verfeli də, Maks Brodu da, Berlindən tanıdığı Eqon Ervin Kişi də burda görmüşdü. Günlərin birindəsə Valter Merinq gəlib çıxdı: “Leo, – görüşəndən sonra dedi, – başına gələnləri eşitdim, çox təəssüflənirəm. Amma inanıram ki, ruhdan düşmə- yəcəksən, mənim vəziyyətim heç də səninkindən yaxşı de- yil”. “Mən də sənin başına gələnləri eşitdim. Kitablarını Reyxs- taqın qarşısındakı tonqalda yandırıblar. Bəlkə, elə buna görə tarixdə qalacaqsan”, – özünü saxlaya bilməyib sözünü zara- fatla bitirdi.
449 “Bəlkə də, – Merinqin qaşqabağı açılmadı. – Amma indi məni başqa şey narahat eləyir. Nasional-sosialistlər təkcə Al- maniyada hökmranlıq eləməklə kifayətlənməyəcəklər. Hələ ki, Parisə getmək istəyirəm, sonrasısa taledən asılıdı”. “Valter, – Leo onun əlindən yapışdı, – indiyə qədər əldə elədiklərimdə sənin nə qədər payının olduğunu demək artıq- dı. Sənə borcumu ödəyə bilmərəm. Əgər maddi, ya mənəvi çətinliyə düşsən, həmişə yanındayam. – Sonra masanın üstündəki iri zərfi götürüb içindən kitab çıxardı. – İkinci Ni- kolay haqqında kitabımın fransız dilində nəşridi. Bunu sənə bağışlayıram, Valter, hər halda, xatirədi”. Qələmi götürdü, kitabın forzasında xırda hərflərlə alman və ivrit dillərində yazdı: “Qovulmuş, hamının unutduğu, hamı- Yüklə 2,37 Mb. Dostları ilə paylaş:
|