5
verməkdədirlər. İqtisadçılar ölkənin real gəlirlərinin artımının çoxçeşidli qeyri-neft
məhsullarının istehsalının artım templərindən asılı olduğunu nəzərə alaraq qeyri-neft
sahələrinin diversifikasiyası məsələsini diqqət mərkəzində saxlamaqdadırlar.
Qeyd etmək lazımdır ki, iqtisadiyyatın şaxələndirilməsi və onunla birbaşa əlaqəli
olan investisiyaların şaxələndirilməsi problemi ötən əsrin ikinci yarısından sonra
öyrənilməyə başlanılmışdır. Bu problem iqtisadi ədəbiyyatlara “Holland sindromu”
problemi kimi daxil olmuşdur və 1959-cu ildən başlayaraq V.M. Korden, M.F
Montes , T.M.Rıbçinski, C. Saks, C.A. Robinson, J.P. Neari, P.Kruqman, M.L. Ross,
V. Polteroviç və digər iqtisadçılar tərəfindən araşdırılmışdır. A.Smit o dövrdə
iqtisadiyyatda ayrı-ayrı bölmələrin ixtisaslaşmasının zərurliyini qeyd etmiş, Vilyam
Nordxaus və Pol Samuelson rəqabətqabiliyyətlilik məsələsini araşdırmış, C.Stiqlitz
isə iqtisadiyyatı neftdən asılı olan ölkələr haqqında müəyyən mülahizələr irəli
sürmüşdür. Azərbaycanın iqtisadçı alimləri də son illər iqtisadiyyatın
şaxələndirilməsi məsələsinə öz tədqiqatlarında geniş yer verməkdədirlər. Yerli
alimlərdən Akademik Z.Səmədzadə milli iqtisadiyyatın şaxələndirilməsi, R.Məlikov
və C.Soltanov qeyri-neft bölmələrinin inkişafı nəticəsində ixracın genişləndirilməsi,
İ.Kərimli inteqrasiya məsələləri üzrə bəzi problemləri araşdırmış, R.Mehdiyev
ölkənin gələcək tərəqqisində qeyri-neft bölməsinin inkişafının zəruriliyini qeyd
etmişdir.
Dostları ilə paylaş: 
