Uyushmasi rustаm musurmon

MАKTUB
Sevaman deb, maktub bitaman
Daftaringning varoqlariga.
Nurdek yonib singib ketaman
Ko‘zlaringning qaroqlariga.
NАSIBАM
Ilohiy nasibam, noz-u neʼmatim,
Sut kabi tozasan, nondek halolsan.
Qadding naydek nozik, sarv qomatim,
Husnda yagona sohibjamolsan.
FАRISHTАM
Farishtam, sen bilan tunlarim sirli,
Farishtam, sen bilan kunlarim nurli.
Vasling-la kechalar biram sehrli,
Husning-la kunduzlar biram mehrli.
* * *
Chiroyingni qancha madh aylasam oz,
Taʼrifingga so‘zlar yetmaydi tilda.
Husning maqomiga yetmas navo, soz,
Sendek go‘zal tuyg‘u faqat sof dilda.
www.ziyouz.com kutubxonasi

---

Rustаm MUSURMON
94
NАY VА TАNBUR
Bo‘ying tanburdekkina,
Qomating naydekkina.
Noziksan hurdekkina,
Suluvsan oydekkina.
Nay labingga bosib lab,
Nay chalay kuyib-kuyib.
Tanburdek soz quchoqlab,
Kuy chalay suyib-suyib.
Oyni quchoqlayman deb,
Qalb qushimni yo‘qotdim.
Hurni quchoqlayman deb,
Es-hushimni yo‘qotdim.
DULDUL
Ko‘ksimda yuragim – qanotli otim,
Farishta silardi nurli yollarin.
Duldul zotli otim, qush zotli otim
Sevardi parining oqqush qo‘llarin.
Otga qaramadi oqqush parizot,
Oqshom kishnab-kishnab faryod chekdi ot.
www.ziyouz.com kutubxonasi

---

BOZBАRАK
95
PАLTO
Qaddu bastingizga yarashgan
Qora palto, yoqasi qunduz.
Qadamizda noz-u karashma,
Ko‘zingizda yonadi yulduz.
Qora palto va qunduzingiz
Husningizga qo‘shilgan chiroy.
Sochingiz – tun, oppoq yuzingiz –
Tun qo‘ynida shuʼla sochgan oy.
Yechib qo‘ydim xonamda, erkam,
Egningizdan paltoyingizni.
Diydoringiz bilan, malikam,
Shod qildingiz gadoyingizni.
Lola unar dudog‘ingizdan –
Ishqqa chorlab deydi: "Kul-o‘yna".
O‘par oppoq tomog‘ingizdan
Bo‘ynigizga o‘ralgan mo‘yna.
Palto kabi qaniydi men ham
Ko‘rsam edi rohatingizni.
Uzun palto o‘ralib mahkam
Quchib turar qomatingizni.
Xayrlashdik, qo‘ydim kiydirib
Egningizga paltoyingizni.
Zor qildingiz, yana kuydirib
Ishqingizda adoyingizni.
www.ziyouz.com kutubxonasi

---

Rustаm MUSURMON
96
KUTАMАN
Maftun bo‘lib go‘zal, tengsiz husningga,
Senga mos so‘z izlab, sheʼrlar bitaman.
Yetmoq umidida shirin vaslingga,
Sevgilim, kutaman, seni kutaman.
Аsal lablaringdan bol totmoq uchun
Har kun, kerak bo‘lsa, zahar yutaman.
Bir tong quchog‘ingda uyg‘onmoq uchun,
Sevgilim, kutaman, seni kutaman.
Qaro sochlaringni silamoq uchun
Baland tog‘lardan ham oshib o‘taman.
Labingni labimga ulamoq uchun,
Sevgilim, kutaman, seni kutaman.
Bir kuni albatta ohu ushlayman,
Bir kuni daryodan baliq tutaman –
Qalbingni ovlayman, ko‘ngling xushlayman,
Sevgilim, kutaman, seni kutaman.
Husn-u chiroyingdan aqldan ozib,
Qo‘yningda hushimdan ketib yotaman,
Ishqingda ko‘zimning yoshin oqizib,
Sevgilim, kutaman, seni kutaman.
Balki, visolingga yetarman zora,
Balki, yetolmasdan o‘lib ketaman.
Ko‘zlaringga boqmoq uchun bir bora,
Sevgilim, kutaman, seni kutaman.
www.ziyouz.com kutubxonasi

---

BOZBАRАK
97
OHАNG
Bir ko‘rsam, oyim, 
Diydoringizni,
Guldek chiroyli
Ruxsoringizni.
Nola qilurman
Bulbul misoli,
Ishq birla chertib 
Dil toringizni.
Bildirmadingiz 
Izhoringizni,
Hijronda chekdim 
Ozoringizni.
“Kelgaymi?” desam, 
Аytdi shamollar:
“Yo‘q-yo‘q”, “yo‘q, aslo”, 
“Zinhor”ingizni.
Siylab qo‘ying bir 
Shunqoringizni,
Siz tomon uchgan 
Ilg‘oringizni.
Suydim yagona 
Ko‘rk-u chiroyda
Osmonga yetgan 
Viqoringizni.
www.ziyouz.com kutubxonasi

---

Rustаm MUSURMON
98