ta‟limiymaqsad: o`quvchilarni ktovushi va Kk harfi bilan tanishtirish, bu tovushni to`g`ri talaffuz qilish ko`nikmalarini shakllantirish, Kk harfi bilan tanishtirish, Kk harfli bo`g`inlarni va so`zlarni ravon o`qishga, kesma harflar va bo`g`inlar vositasida so`zlar tuzish va ularni o`qishga o`rgatish;
tarbiyaviy maqsad: kattalarni hurmat qilish va tartib-intizomli bo`lishga o`rgatish, axloqiy xislatlarni singdirish;
rivojlantiruvchi maqsad: o`quvchilarning bo`g`inlab o`qish ko`nikmalarini shakllantirish, fikrlash qobiliyatlarini, nutqini o`stirish.
Darsning metodi: analitik-sintetik tovush metodi.
Dars turi: yangi tovush-harf o`rganiladigan o`qish darsi.
Darsning jihozi: Kk harfining bosma va yozma shakllari chizilgan ko`rgazma, “kitob”, “maktab”, “terak” so`zlari yozilgan kartochkalar, turli xil predmetlar, matnga oid rasmlar, harf kassasi, kesma harf va bo`g`inlar.
DARSNING BORISHI:
Tashkiliy qism: salomlashish;
davomatni aniqlash;
kirish suhbati:
Bugungi sanani ayting.
Hozir qanday fasl?
Kuz faslida qanday o`zgarishlar bo`ladi? va hokazo.
O`tgan mavzuni mustahkamlash. Bunda bolalar bilan rasm asosida suhbat tashkil qilinadi:
Rasmdagi bolalarning ismlari nima ekan?
Tolib va Bilol.
Bilol qanday bola ekan?
U bilimli bola ekan.
Buvisi Tolibga nima deyapti?
U Tolibga ham bilim olish kerakligini aytayapti.
Nima uchun bilim olish kerak ekan?
Chunki bilimli har jihatdan kuchli bo`ladi, uni hamma hurmat qiladi. Shundan so`ng har bir o`quvchiga matn va so`zlar birma-bir o`qitiladi.