Plan: Pedaqoji psixologiyanın mövzusu və vəzifələri 2

Müsahibə metodundan da geniş istifadə olunur. Sual-cavab yolu ilə psixoloq ona lazım olan faktı əldə edir. Suallar düşünülmüş və birmənalı olmalıdır. Müsahibə metodunu çox vaxt sorğu metodu kimi qeyd edirlər. Sorğunun şifahi, yazılı və sərbəst sorğu növləri vardır.

Şifahi sorğu yoxlananın reaksiya və davranışı üzərində müşahidə aparmaq tələb olunduqda həyata keçirilir. Bu sorğu zamanı cavabların obyektivlik dərəcəsi çox vaxt tədqiqatçının özünün davranış və şəxsi xüsusiyyətlərindən asılı olur. Yazılı sorğu daha çox adamı əhatə etməyə və buna az vaxt sərf etməyə imkan verir. Bu sorğunun qüsurlu cəhəti ondan ibarətdir ki, bu zaman yoxlananın suallara reaksiyasını görmək mümkün deyildir. Sərbəst sorğu zamanı veriləcək suallar qabaqcadan müəyyənləşdirilmirş bu sorğu zamanı tədqiqatın taktika bə məzmununu asanlıqla dəyişmək mümkündür. Bu isə yoxlanılananlardan müxtəlif məlumatları əldə etməyə imkan verir.

Şifahi sorğu yoxlananın reaksiya və davranışı üzərində müşahidə aparmaq tələb olunduqda həyata keçirilir. Bu sorğu zamanı cavabların obyektivlik dərəcəsi çox vaxt tədqiqatçının özünün davranış və şəxsi xüsusiyyətlərindən asılı olur. Yazılı sorğu daha çox adamı əhatə etməyə və buna az vaxt sərf etməyə imkan verir. Bu sorğunun qüsurlu cəhəti ondan ibarətdir ki, bu zaman yoxlananın suallara reaksiyasını görmək mümkün deyildir. Sərbəst sorğu zamanı veriləcək suallar qabaqcadan müəyyənləşdirilmirş bu sorğu zamanı tədqiqatın taktika bə məzmununu asanlıqla dəyişmək mümkündür. Bu isə yoxlanılananlardan müxtəlif məlumatları əldə etməyə imkan verir.

Pedaqoji psixologiyada yardımçı metod kimi fəaliyyət məhsullarının təhlili metodundan istifadə olunur. Fəaıiyyət məhsulu kimi şagirdlərin icra etdikləri yazı işlərini, onların bədii yaradıcılıq məhsullarını: yazdıqları şeirləri, hekayələri, əl işləri, şəkdikləri şəkilləri və s. aid etmək olar.

Belə şagirdlərin yazı işlərini yoxlamaq və təhlil etməklə onlarda yazı vərdişlərinin inkişaf xüsusiyyətlərini, digər fəaliyyət məhsullarını təhlil etməklə həmin sahədə bacarıq və qabiliyyətlərinin xüsusiyyətlərini aşkara çıxarmaq mümkündür.Psixodiaqnostik metodlardan biri də testlərdir. Test qısamüddətli standartlaşdırılmış psixoloji sınaqdır. Testin köməyi ilə insanın psixologiyası və davranışının kəmiyyət və keyfiyyətcə dəqiq qiymətləndirilməsi bir sıra əvvəlcədən verilmiş standartlara-test normalarına nə dərəcədə uyğun olmasının müqayisəsi əsasında həyata keçirilir. Testlərin müxtəlif növləri: müvəffəqiyyət testləri, intellekt testləri, kreaativ testlər, şəxsiyyət testləri, proyektiv testlər və s.