partiyasi tomonidan Qulandi hududida 1954-yilda (magnit va metallometrik
tadqiqotlar - A.G. Xvalovskiy, M.A. Shtarxarova, N.B.Volfson) va 1958- 1960
yillarda (metallometriya - N.B. Volfson, V.Yu. Dedy, magnitli qidiruv - V.I.
Perepelenko, V.Yu. Dedy, Yu.I. Topolskiy, elektr qidiruvi - V.I. Mogilnikov, F.G.
Reshetov), oʻtkazilgan geofizik va geokimyoviy tadqiqotlar natijalari asosida mis
minerallari yotqiziqlarida tekshiruv skvajinalari oʻtkazish tavsiya qilingan Dalnee
uchastkasi ajratildi. 1962-yilda ikkita razvedka skvajinalarini burgʻilash ishlari
boshlandi. Ikkalasida ham ma`lum qalinlikdagi ruda tanalari ochildi. Razvedka
skvajinalarini burgʻilash bilan bir qatorda 1:2000 masshtabdagi geologik xaritalash
bilan qidiruv ishlari olib borildi (E.V. Gunin). Chuqurliklarda olib borilgan
namuna olish ma'lumotlariga koʻra, mis miqdori 0,5% dan yuqori boʻlgan ruda
tanasi qalinligi bir metrdan dastlabki bir necha oʻn metrlargacha tashkil qiladi.
1963-1964 yillarda «Yoshlik-1» uchastkasi hududida mis minerallarini
chuqur burgʻilash yoʻli bilan dastlabki qidiruv ishlari amalga oshirildi. Dastlabki
razvedka ishlarining ikki yillik davri natijalari asosida «Yoshlik-1» koni rudalari
vaqtinchalik konditsiyalar loyihasini tuzish uchun materiallar tayyorlandi (E.R.
Butyeva, A.T. Raxubenkov).
1965-1967 yillarda Markaziy uchastkaning gʻarbiy qismida batafsil
razvedka ishlari amalga oshirildi. 1968-yilda «Yoshlik-1» konini batafsil oʻrganish
28
toʻxtatildi, ammo konning umumiy koʻlamini aniqlash va rudalarning texnologik
xususiyatlarini oʻrganish boʻyicha ishlar davom ettirildi. 1974- yilda iqtisodiy
hisob-kitoblar asosida konni batafsil oʻrganish qayta tiklandi. Buning natijasida,
texnologik namunani sinovdan oʻtkazish natijalari ruda tarkibidagi misning
miqdori 0.8 % boʻlgan kambag al ruda konlarini yaxshi boyitish mumkinligini
tasdiqladi. 1966-yilda A.T. Raxubenkov «Yoshlik-1» koni va Kichik Qalmoqir
hududi orasidagi Qorabuloq va Qalmoqir yoriqlaridagi kenglik tuzilishi bir xil
ekanligini taxmin qildi.
Mis-porfir minerallari istiqbollarini kengaytirishda va burgʻilash ishlarining
maqbul yoʻnalishini belgilashda "Katta Olmaliq" yagona ruda birligi - bu barcha
uchastkalar va konlarni bitta rudali shtokverkka birlashtirish mumkinligi gʻoyasi
hal qiluvchi rol oʻynadi (T.Sh. Shayakubov, A. T. Raxubenkov, E.R., Butyeva,
1976-1980)
«Yoshlik-1» konini batafsil oʻrganish qayta tiklangandan soʻng (1974-
1978) katta hajmdagi qidiruv ishlari olib borildi, bu konni oʻrganishga imkon
berdi. Shu bilan birga, misning tarkibini 0,3 dan 0,2% gacha kamaytirish muhim
ahamiyatga ega edi. Bunday tarkibdagi namunalarning texnologik tekshiruvlari
foydali komponentlarni qoniqarli ajratib olish mumkinligini koʻrsatdi. SSSR
Geologiya xizmati amaliyotida birinchi marta sobiq SSSR Davlat zaxira qoʻmitasi
tomonidan lyosslar yerni qayta tiklashda xom ashyo sifatida tasdiqlanadi [3.1.1].
|