Qarshi kurash masalalari

birinchidan, “Davlat xizmati to’g’risida” gi Qonun loyihasi ishlab chiqilib, 
muhokama qilinayotgan bo’lsa-da, hali hamon mazkur Qonun qabul qilinganicha 
yo’q. Shu sababdan “Davlat xizmati to’g’risida” gi O’zbekiston Respublikasi 
Qonunini, shuningdek davlat xizmatchilarining Axloq kodeksini qabul qilish, 
mazkur normalarda davlat xizmatchilarining o’z faoliyatini olib borish jarayonida 
amal qilishi lozim bo’lgan hamda korrupsiyani vujudga kelishiga imkon yaratib 
beruvchi sabab va shart-sharoitlarni oldini olishga qaratilgan meʼyorlar aks 
ettirilishi maqsadga muvofiqdir; 
ikkinchidan, xalqaro va ilg’or xorijiy davlatlar tajribasini chuqur o’rgangan 
holda davlat xizmatchilarining mol-mulki, daromadlari hamda katta hajmdagi 
harajatlarini deklaratsiya qilishni tartibga soluvchi normalarni milliy qonunchilik 
tizimiga implemenetatsiya qilish maqsadga muvofiqdir. Bu esa o’z navbatida 
mansabdor shaxslarning mol-mulkidagi o’zgarishlarni muntazam ravishda kuzatish 
imkoniniyatini beradi, deklaratsiyalarning ommaviyligi, yaʼni jamoatchilik uchun 
ochiqligi esa ularning korrupsiyaga qarshi kurashishdagi ahamiyatini yana-da 
oshirishi shubhasizdir. 
 
4. Loqaydlik va beparvolikning shaxs kasbiy faoliyatiga salbiy ta’siri 
 
Loqaydlik – inson, jamiyat, millat ishiga beparvo va sovuqqonlik bilan 
yondashish, munosabatda bo’lishni ifodalovchi ma’naviy illat. Muayyan kishining 
gohida o’z hayoti, o’zgalar faoliyati, atrofida ro’y berayotgan voqea-hodisalarga 
befarqligi va munosabatsizligini anglatuvchi tushunchadir. Hayotiy pozitsiyaning 
aniq emasligi, dolzarb vazifalardan o’zini olib qochish, el-yurt, jamiyat va millat 
tashvishlaridan chetda turish holatlari loqaydlik ko’rinishlaridir. 
Beparvolik (befarqlik, e’tiborsizlik, loqaydlik) – kishidagi o’zgalar hayotiga, 
atrof voqelikka e’tiborsizlik, loqaydlikni anglatuvchi tushuncha. Ayniqsa, davlat va 
jamiyat hayotida jiddiy o’zgarishlar sodir bo’layotgan, Vatan taqdiri hal 
bo’layotgan pallalarda kishilardan yuksak faollik, mas’uliyat talab qilinganda 
befarqlik nafaqat illat, balki jinoyat hamdir. Loqaydlik va beparvolik o’zaro 
aloqador tushunchalardir.