Qurilishda loyihalashtirishning iqtisodiy asoslari, hamda quvvatlarni ishga tushirish rejasi haqida tushuncha”

Loyihalashtirishning asosiy prinsiplari.

Loyihada quyidagilar kuzda tutilishi kerak:

- Qurilishning iqtisodiy samaradorligini oshirish;
- Texnikaviy jihatdan ilg‘or, yuqori samara beradigan, yangi texnikani va texnologiyani keng joriy qilishga moslashgan variantlarni qo‘llash;
- Ishlab chikarilayotgan mahsulotlarni tannarxini pasaytirish; Mehnat unumdorligini oshirish;
- Ilmiy texnikani tarakkiyoti yutuklarini ishlab chiqarishga tadbik qilish.
Loyiha yechimlarida uchrab turadigan kamchiliklar quyidagilar:
-Ilmiy texnika taraqqiyoti yutuqlarini xayotga juda sustlik bilan tadbiq qilinmokda;
Iqtisodiy jixatdan oʻzini oqlamagan ob’ektlarni loyihalashtirilmoqda va qurilmoqda;
Loyihalashning uzoq muddatga choʻzilib ketishi, loyihalash jarayonida va qurulish davrida yechimlarning koʻp martalab oʻzgarib turishi;
- Ob’ekt smetasi qiymatini aniqlashda qoʻpol xatolarga yoʻl qoʻyilmoqda.
Bino va inshootlar arxetikturasi koʻrimsiz boʻlib qolmoqda, koʻpincha bir-biriga o‘xshab qolmoqda.
Loyihalash sohasida quyidagi masalalarni hal qilish zarur hisoblanadi.

1. Mehnat unumdorligini oshirishni ta’minlash;

   
   

2. Loyihani texnik darajasini oshirish;

   
   

3. Takomillashgan texnologik yechimlarni koʻplab ishlab chiqarishga qo‘llash;

   
   

4. Loyihaning sifatini va samaradorligini oshirish, ular bilan koʻrilayotgan ob’ektlarni oʻz vaqtida ta’minlash;

   
   

5. Loyihalashning variantlik boʻlishi (optimal eng yaxshi variantini tanlab olish uchun);

   
   

Loyihalashtirishning birin - ketin olib borilishi: bunda eng avval mazkur qurulishning maqsadga muvofiq ekanligi asoslanadi, keyin asosiy texnologik, konstruktivlik, arxetikturlik va qurulish hajmini rejalashtirish yechimlari hal qilinadi.

Bir xil tipdagi loyihalardan foydalanish prinsipi qurulishni industrlashtirishni rivojiga ta’sir etadi, qurulishda koʻplab zavod sharoitida tayyorlangan unifikatsiyalashgan detallar va qismlar ishlatiladi. Bir xil loyihadan koʻplab qayta-qayta foydalanish loyihachilar mehnatini iqtisod qiladi, loyiha sifatini oshirib uning qiymatini arzonlashtiradi.
Loyihalashtirishning kompleks shaklida boʻlishi. Kompleks loyihada asosiy ob’ektning loyihasi shu kompleksga kiruvchi barcha qoʻshimcha ob’ektlarning loyihalari bilan oʻzaro bog‘lanadi.
Loyihalashtirishning normalari tizimi.
Amaldagi qurulish normalari va qoidalari (SNiP) - loyihalashtirishning hamma tomonlarini oʻz ichiga oladi, bular muhandislik qidiruv ishlari, loyihalash va qurulish ishlari, yangitdan qurilgan korxonalarni foydalanishga qabul qilish, texnikaviy asoslash, smeta qiymatini va materiallar sarfini aniqlash, qurulish muddati, mehnat sarfi va ish haqi va boshqalar.
SniP- quyidagi 4 ta qismdan iborat:

1. Qurulish materiallari, jixozlar, moslamalar va uskunalar. Sarflar va ishlatish normalari.

   
   

2. Bino va inshoatlarni loyihalashtirish boʻyicha qurulish hajmini rejalashtirish va konstruktivlik yechimlarini hal qilish usullari.

   
   

3. Qurulish ishlab chiqarishini tashkil qilish va texnologiyasi normalari

   
   

4. Smeta normalari va qoidalari

   
   

Loyiha smeta ishlarini tashkil qilish.

Bu ishlarni tashkil qilish quyidagi bosqichlardan (etaplardan) iborat:

1. Texnika - iqtisodiy asoslarni ishlab chikish (TEO);

   
   

2. Texnikaviy loyiha (loyihalashning mazkur bosqichida qurulishning va keyinchalik bu ob’ektlardan foydalanishning hamma asosiy masalalari hal qilinadi);

   
   

3. Ob’ektning har bir boʻlaklari boʻyicha ishchi chizmalari tayyorlanadi.

   
   

4. Texnikaviy ishchi loyihalar (bunday loyihalar bir xil usulda (tipovoy) loyihalardan foydalanib quriladigan ob’ektlarni qurishda yoki murakkab boʻlmagan ob’ektlarni qurishda ishlatiladi).

   
   

II BOB. QURILISHDA LOYIHALASHTIRISHNI TASHKIL ETISH BOSQICHLARI.

2.1. Loyihalashtirish bosqichlari.
Har qanday ob’ektni loyihalash odatda bir nechta bosqichlarda amalga oshiriladi. Loyihalashning birinchi bosqichida g‘oya paydo bo‘lgandan so‘ng investitsiyalash maqsadlari: ob’ektning qanday vazifa bajarishga mo‘ljallanishi, uning quvvati, ishlab chiqariladigan mahsulotlar nomentklaturasi, joylashish o‘rni aniqlanadi.
Investitsiyalash imkoniyatlari va kutilayotgan texnik – iqtisodiy ko‘rsatkichlarga erishishni baholash olib boriladi.
Birinchi bosqichda bajarilgan izlanishlar (ilmiy – tadqiqot ishlari) va ishlar asosida buyurtmachi (investor) g‘oyalarni amalga oshirish bo‘yicha ishlarni davom ettirish yoki ularni to‘xtatish bo‘yicha qaror qabul qiladi. Ijobiy qaror qabul qilingan taqdirda buyurtmachi qurilishi mumkin bo‘lgan ob’ektning berilgan rayonda qurilishi kutilayotganligi to‘g‘risidagi ob’ektni joylashtirish bo‘yicha oldindan kelishishni iltimos qilish tariqasidagi ariza bilan mahalliy hokimiyat organlariga murojaat qiladi. Mahalliy hokimiyat organlaridan ijobiy javob olingandan keyin buyurtmachi ikkinchi bosqich ishlari – ob’ekt qurilishi investitsiyasining texnik – iqtisodiy asosini ishlab chiqishga kirishadi. Bu bosqichda zarur bo‘lgan injenerlik qidiruvlar olib borish bilan injenerlik ayniqsa iqtisodiy va smeta – moliya savollari ancha chuqur o‘rganiladi. Investitsiyalarni texnik – iqtisodiy asoslash natijalari bo‘yicha qurilishning maqsadga muvofiqligi va loyihalashni – texnik loyihani (loyihani) ishlab chiqish to‘g‘risida qaror qabul qilinadi.
Loyihalash jarayoni davomiyligi loyihalashdan boshlab qurilish boshlanishiga qadar o‘rta va nisbatan katta ob’ektlar bo‘yicha 5 yildan 10 yilgacha davom etishi mumkin; alohida murakkab va yirik ob’ektlar bo‘yicha loyihalash – ilmiy–tadqiqot ishlarining davomiyligi undan ham ko‘p bo‘lishi mumkin. Bunday muddatda vaziyat loyihani ishlab chiqishning boshida qabul qilingan o‘sha paytdagi fan va texnikaning oxirgi yutuqlariga asoslangan injenerlik yechimlarning ob’ektni foydalanishga tushirish vaqtiga kelib shunchaki eskirib qolishiga olib keladi. Shu tufayli sanoat korxonalarining loyihalarida fan va texnikaning eng yangi yutuqlari, ishlab chiqarishning ilg‘or texnologiyasi, eng yangi yuqori ishlab chiqarish unumdorligiga ega bo‘lgan vositalar (jihozlar)dan, qurilmalar, agregatlar, ishlarni kompleksli mexanizatsiyalash va avtomatlashtirishdan to‘liq foydalanish, resurslarning barcha turlaridan va chiqindi chiqarmaydigan texnologiyalardan oqilona foydalanishni ko‘zda tutish taqoza etiladi.
Shahar va qishloqlarda quriladigan yangi fuqaro – yashash ob’ektlarini loyihalashda yashash uchun barcha qulayliklarni yaratish va aholiga maksimal xizmat ko‘rsatishni ko‘zda tutish talab etiladi.
Qishloq xo‘jaligi mahsulotlarini ishlab chiqaradigan korxonalarni loyihalashda sanoat asosidagi ishlab chiqarishni tashkil etish, tez buziladigan mahsulotlar (sabzavotlar, mevalar)ni qayta ishlashga asoslangan yirik mexanizatsiyalashgan, ixtisoslashgan komplekslarni yaratish vazifasi asosiy maqsadlardan biri sifatida namoyon bo‘ladi.
Sanoat va qishloq xo‘jaligi korxonalari, turar - joy, jamoat va fuqaro binolari loyihalarida ularning tashqi qiyofasiga katta e’tibor qaratiladi, chunki yangi ob’ektni joylashtirish bilan nafaqat iqtisodiy samara olinishi, balki ijtimoiy va shaharsozlik bo‘yicha ham samara olinishi lozim. Yerdan oqilona foydalanish va atrof – muhitni muhofaza qilishga alohida e’tibor ajratiladi.
Loyihalar texnik darajasi bilan qurilish – montaj tashkilotlarida mehnat unumdorligi o‘sishining jadalligi hamda materiallar va konstruksiyalar ishlab chiqaradigan sanoat korxonalarining ish samaradorligi shart –sharoitlanadi.
Bu bosqichlarning barchasi albatta ko‘p mehnat va vaqt talab qiladi, shu sababli loyihalash va ilmiy izlanish ishlari qurilish ishlab chiqarilishi ishlaridan ancha avvalroq olib borilmog‘i kerak. Faqat shunday bo‘lgandagina qurilish dasturining zaruriy va sifatli texnik hujjatlarini o‘z vaqtida ta’minlash mumkin.
Yirik murakkab sanoat ob’ektlari va komplekslari bo‘yicha loyiha -ilmiy izlanish ishlari odatda yettita xarakterli bosqichlarda olib boriladi:
• muammoli izlanishlar yoki mavjud bo‘lgan muammolar yechimini topish bo‘yicha olib boriladigan izlanishlar;
• biznes – reja ishlab chiqish;
• investitsiyalarni texnik - iqtisodiy asoslash;
• qurilish uchun qurilish maydonini tanlash va tasdiqlash;
• loyihalash uchun topshiriqni ishlab chiqish va uni loyihalashga taqdim etish;
• injenerlik qidiruv va izlanishlarni olib borish;
• loyihalashtirish.
Loyihalash – ilmiy izlanishlarni bajarishga buyurtmachi albatta, qoidaga ko‘ra, ixtisoslashgan loyihalash – ilmiy –tekshirish firmalarini jalb qiladi. Ixtisoslashgan loyihalash – ilmiy –tekshirish firmalarini tanlash savdolashish e’lonini tarqatish orqali amalga oshiriladi.
Muammoli izlanishlar – faqat yirik va murakkab ob’ektlarni loyihalashda olib boriladi va ular biznes – rejani ishlab chiqish hamda investitsiyalarni texnik – iqtisodiy asoslash uchun zarur bo‘lan boshlang‘ich ma’lumotlarni olishga yo‘naltiriladi.
Qurilishi ko‘zda tutilayotgan ob’ekt to‘g‘risidagi arznoma to‘g‘risida ijobiy xulosa olingandan so‘ng buyurtmachi qurilishga ajratiladigan investitsiyalarni texnik - iqtisodiy jihatdan asoslashni ishlab chiqishga kirishadi. Investitsiyalarni texnik–iqtisodiy jihatdan asoslash xo‘jalikning zarur ekanligi, investitsiyalarning texnik imkoniyatlari, tijorat, iqtisodiy va ijtimoiy nuqtai- nazardan maqsadga muvofiqligi haqida qaror qabul qilish maqsadida olib boriladi.
Texnik topshiriqning ishlab chiqilishi va uning loyihalashtirishga taqdim etilishidan keyin loyihani ishlab chiqishga kirishiladi. Texnik topshiriqning loyihalashtirishga berilishi buyurtmachi tomonidan amalga oshiriladi. Lekin buyutmachi topshiriqni tuzish uchun yetarlicha saviyaga ega emasligi tufayli uni tuzish uchun loyihalash yoki injiniring firmasini jalb etadi. Texnik topshiriq loyihalash ishlari uchun tuzilgan har qanday shartnoma (kontrakt)ning ajralmas qismi deb hisoblanadi.
Sanoat ob’ektini loyihalash uchun taqdim etilgan topshiriq qurilish rayoni, punkti va maydoni, mahsulotning tavsifi, uning nomenklaturasi va ishlab chiqarish quvvati, texnologik jarayonlar va jihozlarga asoslangan ixtisoslashtirish va koopiratsiyalash, xom – ashyolar, suv, yoqilg‘i, gaz va elektr energiyasi bilan ta’minlaydigan manbalar, oqava suvlarni tozalash va oqizib yuborish sharoitlari, tayyor mahsulotlarni iste’mol qiladigan rayonlar, qurilish mudduti va quvvatlarni ishga tushirish ketma – ketligi, kapital mablag‘larning taxminiy miqdori, yashash – fuqaro qurilishining hajmi va uni joylashtirish to‘g‘risidagi ma’lumotlarni o‘z ichiga oladi.
O‘rnatilgan amaliyotga ko‘ra texnik loyihani ishlab chiqishga qadar bajarilgan loyihalash, qidiruv va tekshirish ishlarini loyihalash oldi bosqichi deb hisoblash qabul qilingan. Loyihalashning bevosita bosqichi texnik loyihani ishlab chiqish bilan boshlanadi.
Loyihalashga topshiriqni tayyorlashda qurilish uchun maydonni tanlash loyiha buyurtmachisi, loyihalash tashkiloti, pudratchi qurilish tashkiloti, mahalliy hokimiyat organlari, sanitariya – epidemiologiya xizmati, davlat yong‘in xavfsizligi nazorati, davshahartexnazorat, suv resurslaridan foydalanish va ularni muhofaza qilish organlari, temir yo‘l, aloqa, energetika, fuqaro mudofa boshqarmalarining vakillaridan tashkil topgan komissiya tomonidan olib boriladi.
Qurilish maydoni uchun qishloq xo‘jaligi maqsadlarida foydalanishga yaroqsiz bo‘lgan va aholi punktlari, suv ta’minoti, energiya ta’minoti manbalariga yaqin bo‘lgan er uchastkalarini tanlash maqsadga muvofiq bo‘ladi. Maydon sanitariya talablarini qondirmog‘i lozim.
Komissiya maydonni tanlash to‘g‘risidagi dalolatnomani tuzadi, ushbu dalolatnoma ko‘zda tutilayotgan loyihaviy yechimlar hamda korxonani injenerlik tarmoqlari va kommunikatsiyalariga ulash to‘g‘risidagi kelishuvning asosiy hujjati deb hisoblaniladi.
Loyihalash topshirig‘ini buyurtmachi loyihalash tashkiloti ishtirokida tasdiqlangan TIA asosida tuzadi. Sanoat ob’ektini loyihalash uchun taqdim etilgan topshiriq qurilish rayoni, punkti va maydoni, mahsulotning tavsifi, uning nomenklaturasi va ishlab chiqarish quvvati, texnologik jarayonlar va jihozlarga asoslangan ixtisoslashtirish hamda koopiratsiyalash, xom – ashyolar, suv, yoqilg‘i, gaz va elektrenergiya bilan ta’minlaydigan manbalar, oqava suvlarni tozalash va oqizib yuborish sharoitlari, tayyor mahsulotlarni iste’mol qiladigan rayonlar, qurilish mudduti va quvvatlarni ishga tushirish ketma – ketligi, kapital mablag‘larning taxminiy miqdori, yashash – fuqaro qurilishining hajmi va uni joylashtirish to‘g‘risidagi ma’lumotlarni o‘z ichiga oladi.
Injenerlik qidiruv ishlari ob’ektni qurishda va uni ekspluatatsiya qilishda texnik jihatdan to‘g‘ri hamda iqtisodiy asosolangan loyihaviy yechimlarni qabul qilish uchun zarur bo‘lgan ma’lumotlarni olish maqsadida olib boriladi. Injenerlik qidiruv ishlari ikkita: iqtisodiy va texnik tadqiqotlar qismlariga bo‘linadi. Injenerlik qidiruv ishlarining iqtisodiy qismi investitsiyalarning TIA ni ishlab chiqish va biznes-reja tuzish vaqtida olib boriladi. Lekin bu izlanishlarning ma’lum qismidan loyihash jarayonida ham foydalaniladi. Iqtisodiy izlanishlar vazifasiga quyidagilar: ishlab turgan korxonalarning mavjudligi, ular tomonidan ishlab chiqarilayotgan mahsulotlar, xom-ashyo manbalari, yoqilg‘i – energiya resurslari, turli vazifalarni bajarishga mo‘ljallangan injenerlik tarmoqlari, temir va avtomobil yo‘llari, suvning ulanish yo‘llari, mehnat resurslari va yashash maydoni, xom – ashyo bazasini rivojlantirish, yer fondining holati haqidagi malumotlarni to‘plash kiradi.
Texnik tadqiqotlar yoki izlanishlar jarayonida bajariladigan ishlar kompleksiga topografik – geodezik ishlar, injener – geologik, gidrogeologik va gidrologik, iqlimiy, tuproq – va geobotanik, sanitar - gigienik tadqiqotlar, qurilishni tashkil etish loyihasini ishlab chiqish uchun zarur bo‘lgan ma’lumotlarni to‘plash kiradi. Tadqiqotlarning to‘liq va sifatli bajarilganligi loyihada qabul qilingan yechimlarning to‘g‘riligi va maqsadga muvofiq ekanligini aniqlab beradi.
Loyihalash ikkita bosqich – texnik loyiha va ishchi chizmalar yoki bitta bosqich – texnik-ishchi loyiha orqali amalga oshirilishi mumkin.
Ikkita bosqichda murakkab sanoat ob’ektlari, shuningdek, Shaharlarda quriladigan, bosh rejaga ega bo‘lmagan yashash-fuqaro ob’ektlari loyihanadi. Boshqa barcha ob’ektlar bitta bosqichda loyihanadi.
2.2. Loyihalashtirish hujjatlari tarkibi.

Qurilish investitsiyalari texnik–iqtisodiy asosi (TIA) muhim hujjat hisoblanadi, uning asosida qurilishi ko‘zda tutilayotgan ob’ektni qurish va texnik loyihani ishlab chiqish uchun prinsipial qarorlar qabul qilinadi.

Investitsiyalar TIAni ishlab chiqishda marketing, talab va ehtiyojga oid bo‘lgan savollar bo‘yicha narx, inflyasiya, ishbilarmonlik faolligini hisobga olgan holda ancha chuqur izlanishlar olib boriladi, shuningdek, bozor kon’yunkturasini oldindan tahlil va bashorat qilish asosida mahsulotlarni sotish siyosati ancha puxta asoslab beriladi, mahsulotlar savdo-sotig‘ini rag‘batlantirish bo‘yicha chora – tadbirlar ishlab chiqiladi, tashqi bozor uchun ham shu xuddi shunday ishlar amalga oshiriladi va h.k. Shu bilan bir qatorda, asosiy va yordamchi ishlab chiqarishlar texnologiyasi ham ancha chuqur asoslab beriladi, bo‘lajak korxonaning resurslar bilan ta’minlanishi yuqori darajadagi puxtalik bilan tahlil qilinadi.
Investitsiyalar TIA tarkibiga qurilish ob’ektining joylashish o‘rnini asoslashga doir ma’lumotlar: transport kommunikatsiyalari, injenerlik tarmoqlari, ishlab chiqarish va ijtimoiy infrastruktura ob’ektlari, mahsulotlarni sotish bozorining mavjudligi kiradi. Bu bo‘lim hajmiy - rejaviy va konstruktiv savollar bo‘yicha prinsipial yechimlar: qurilishning muddati va ketma-ketligi, qurilishni tashkil etish hamda uning texnologiyasi bo‘yicha umumiy holatlar, energiya gaz ta’minoti yechimlarini o‘z ichiga oladi. Atrofdagi tabiiy muhitga ko‘rsatiladigan ta’sir xarakteri baholanadi, mehnat va moddiy – texnik resurslarga bo‘lgan ehtiyojlar, asosiy texnik –iqtisodiy ko‘rsatkichlar va investitsiyalarning smaradorligi aniqlanadi, buyurtmachi tomonidan mamlakatda va xorijda qurilgan ob’ektlarning ularga o‘xshash bo‘lgan ob’ektlarga nisbatan texnik – iqtisodiy ko‘rsatkichlari qiyoslangan holda tahlil qilinadi.
Investitsiyalar TIAni ishlab chiqishda, qoidaga ko‘ra, qurilish ob’ektining bir nechta variantlari ko‘rib chiqiladi. Har bir variant bo‘yicha narxning eng yirik ko‘rsatkichlari bo‘yicha kapital mablag‘lar hajmi (K), mahsulotning tannarxi (T), solmishtirma kapital mablag‘lar, xom – ashyolar, yoqilg‘i, elektroenergiyaning solishtirma sarfi, ishlayotgan ishchi – xodimlarning soni, mehnat unumdorligi aniqlanadi.
Investitsiyalar TIA bo‘limlarining nomlari biznes–reja bo‘limlarining nomlariga yetarli darajada yaqin bo‘ladi, lekin ular mazmun – mohiyati bo‘yicha iqtisodiy jihatdan chuqur ishlanishi singari, injenerlik yechimlari bo‘yicha ham biznes – reja bo‘limlaridan farq qiladi. Agar biznes-reja investitsiyalar TIA ishlab chiqilgandan keyin ishlab chiqilgan vaziyatlarda investitsiyalar TIA materiallari biznes-rejani ishlab chiqish uchun xizmat qiladi. Biznes - reja bunday holatda korxonaning pul to‘lay olishga qodirligi va moliyaviy ustuvorligini tasdiqlash maqsadida shakllantiriladi.
Investitsiyalar TIA davlat ekspertiza xulosalari va ob’ekt quriladigan joyning ijro hokimiyati organi tomonidan kelisxilganligi to‘g‘risidagi qaror asosida tasdiqlanadi. Ob’ektning joylashish o‘rnini tanlash qurilish uchun maydon tanlash dalolatnomasi orqali rasmiylashtiriladi va tasdiqlanadi. Tasdiqlangan investitsiyalar TIA va maydon tanlash dalolatnomasi loyihalashning keyingi bosqichi – loyiha (texnik loyiha)ga o‘tish imkonini beradi.
Ob’ektlar smetalari ish turlari va xarajatlar turlari boʻyicha lokal smetalar va smeta msoblariga asoslangan holda tuziladi va ular yig‘ma smeta msoblarini ishlab chikish hamda qurulish tovar mahsulotlari qiymatini ishlab chiqarish uchun asos bulib hizmat kiladi. Buyurtmachi bilan pudratchi urtasidagi hisob kitoblar mazkur smetalarga asoslangan yulda amalga oshiriladi. Ob’ekt smetalarda mahsulot birligi qiymati hisoblanadi. Bular binolarning 1 m3 qurulish hajmi, 1 m2 foydali maydoni, 1 ga melioratsiyalangan maydonga tug‘ri keladigan surrish kuvurining uzunligi m. da suv omborlarining foydali hajmi m3 va boshqalar. Bundan tashqari mehnat sigʻimi va ish haqi aniqlanadi. Ob’ekt smetasi qurilayotgan ob’ektning hisob bahosini utashi uchun lokal smetasidan olingan smeta qiymatiga kushimcha ravishda quyidagilar msoblanadi. Mazkur bino va inshoatlarni yoki ishlarni bajarishga yig‘ma smeta msobida kuzda tutilgan xarajatlar qiymati aniqlanadi.
Kuzda tutilmagan ishlar va xarajatlar uchun pudratchiga utkazib beriladigan rezerv mablfar.
Lokal smeta - qurulish montaj ishlarining hamma turlari boʻyicha ishlab chikiladi.
Mazkur smetalarda moslama elementar yoki ish turlari boʻyicha (er kazish ishlari, erlarni madaniylashtirish ishlarini, drenaj qurish, kanallarda inshoatlar qurish va boshqalar). Loyiha hajmidan kelib chikib, mehnat sidomi, ish haqi, bevosita xarajatlar, ustama xarajatlar rejali foyda ishlab chikiladi. Lokal smetada bevosita xarajatlarning jamiga nisbatan belgilangan norma boʻyicha ustama xarajatlar msoblanadi. Bevosita xarajatlar va ustama xarajatlar yig‘indisiga nisbatan rejadagi foyda aniqlanadi.
Uskunalar sotib olish uchun va montaj qilish boʻyicha lokal smetalar , uskunalar qiymati va ularni montajga tayyorlash hamda qurulish maydonida montaj qilish bilan bog‘lik boʻlgan xarajatlar aniqlanadi.
Lokal smetalar boʻyicha bajarilgan ishlarning qiymati preskurantlar,
yiriklashtirilgan smeta normalari, yiriklashtirilgan bayulovcxilarda (rassenka) aniqlanadi, agar ular mavjud boʻlmagan takdirda - birlik baxolovcxilarda ERER tuplamlari yordamida va uskunalarni montaj qilish boʻyicha aniqlanadi.
Loyiha materiallariga asoslangan yulda qurulish tovar mahsuloti smeta qiymati ishlab chikiladi.
Loyihalash stadiyalarini isobga oluvchi loyiha smeta xujjatlarini tarkibi

Bir stadiyalik loyihalash	1 chi stadiyali loyixlash	Ikki stadiyali loyihalash
TEO va TER		TEO va TER
Loyihalash topshirig‘i		Loyihalash topshirig‘i
Ishchi loyiha		Loyiha
Yig‘ma smeta shsobi		Yig‘ma smeta hisobi	Ishchi xujjatlar
Yig‘ma xarajatlar		Yig‘ma xarajatlar	Ob’ekt va lokal
Ob’ekt va lokal smetalar		Ob’ekt va lokal smetalar	Ob’ekt va lokal smetalar
Loyiha va qidiruv ishlari smetasi		Loyiha va qidiruvishlari smetasi	Ishga tushirish kompleksiga kiruvchi ob’ektlarni qurish smeta qiymati vedomosti
Ishga tushiriladigan kompleks tarkibidagi qurilayotgan ob’ektlarning smeta qiymati roʻyxati		Ishga tushirish kompleksiga kiruvchi ob’ektlarni qurish smeta qiymati vedomosti	Qurilish tovar mahsuloti smeta qiymati vedomosti
Tabiiy muhitni himoya qilish boʻyicha ob’ekt va ishlarning smeta qiymati ruyxati
Qurilish tovar maxsulotining smeta qiymati ruyxati		Atrof muhitni muxofaza qilish ob’ektlarini qurish va ishlarni bajarish smeta qiymati vedomosti

Biznes–reja – qurilish ob’ektining iqtisodiy jihatdan maqsadga muvofiqligini asoslab beradigan hujjat, shuningdek, bu hujjat tadbirkorlik faoliyati sferasida ishtirok etishning maqsadga muvofiq ekanligini baholashda ham ishlab chiqiladi. Shular bilan bir qatorda bu hujjat nima ishlab chiqarish kerak, ishlab chiqariladigan tovarning raqobatbardoshligi qanday qilib oshiriladi, qanday kreditlar zarur bo‘ladi va ularni qachon olish kerak hamda ularni qaytarishning imkoni bormi, tovar ishlab chiqarishni ilgari surish uchun qanday sheriklar kerak bo‘ladi va shu kabi savollarga beriladigan javoblarni o‘z ichiga oladi. Biznes-reja qurilish ob’ekti iqtisodiy samaradorligi – o‘zini oqlash muddati, olinadigan daromadning miqdori, korxona mahsulotlarini sotish yo‘llari to‘g‘risidagi tasavvurlarni ham beradi.

Biznes-reja bozor, uning sig‘imi, muhitning raqobatlilik darajasi, narxlarning dinamikasini o‘rganish natijalarini o‘z ichiga oladi va bo‘lajak buyurtmacxilar hamda investorlar bilan muzokaralar olib borishda asos bo‘lib xizmat qiladi. U quriladigan ob’ektning raqobatli muhit sharoitlarida hayotiyligini aniqlash imkonini beradi, ishlab chiqarishning qanday qilib rivojlana olishiga oid tavsiyalarni o‘zida mujassam etadi, tashqi investorlardan moliyaviy yordam olish uchun asos bo‘lib xizmat qiladi.
Biznes-reja odatda quyidagi bo‘limlardan tashkil topadi:
taqriz, unda ob’ektning qanday vazifani bajarishga mo‘ljallanganligi, yangidan yaratiladigan korxona nimani va nimaning hisobiga tovar ishlab chiqarishga intilayotganligi, ishlab chiqariladigan tovar raqobatcxilarnikidan nimasi bilan farq qilishi va nima uchun iste’molcxilar aynan shu tovarni sotib olishni istayotganliklari ko‘rsatiladi. Taqrizda kelgusida amalga oshiriladigan ishlardan qanday asosiy moliyaviy natijalar: sotiladigan tovarlarning hajmini bashorat qilish, olinadigan foyda, ishlab chiqarishga sarflanadigan mablag‘lar, umumiy daromad va foyda olishning darajasi hamda rentabellik, shuningdek, bankdan olingan kreditni qaytarish muddati va shu kabilar beriladi.
Tovarlar (ishlar va xizmatlar) turi – mavjud bo‘lgan, ya’ni oldindan ishlab chiqarilayotgan va yangi tovarlar nomenklaturasi, ko‘satiladigan ishlar va xizmatlar, ishlarni ishlab chiqarish texnologiyasining ustunligi nimadan iborat ekanligi to‘g‘risidagi ma’lumotlarni o‘zida mujassamlashtiradi. Agar bu qurilish yoki loyihalash – ilmiy tekshirish tashkilotiga tegishli bo‘lsa, u holda bu qurilish yoki loyihalash – ilmiy tekshirish tashkiloti qanday salohiyatga ega ekanligi e’tiborga olinadi.
Savdo–sotiq bozorlari – savdo – sotiq bilan shug‘ullanayotgan mavjud bozorlarni tahlil qilish, ta’sir o‘tkazish doirasini kengaytirish bo‘yicha takliflar keltiriladi. Iste’molcxilarni, ularning talab – ehtiyojlarini aniqlash va ularga mahsulotlarni qanday qilib yetkazish eng muhim omillar bo‘lib hisoblanadi. Buyurtmachini yaxshi tushunmasdan turib, mahsulotlar, ishlar va ko‘rsatilayotgan xizmatlarning kuchli va zaif tomonlarini baholash ancha qiyin bo‘ladi.
Savdo-sotiq bozoridagi raqobat – kon’yunktura, raqobatcxilar, ularning strategiyasi va qurilish mahsulotlari bozoridagi taktikasi, tashkilotlar soni, qurilish – montaj va boshqa ishlarni bajarish bo‘yicha ko‘rsatiladigan xizmatlar haqidagi ma’lumotlar tahlilini o‘z ichiga oladi.
Marketing rejasi marketing, narxlarni hosil qilish (narxlarni belgilash)ning maqsad va strategiyasini, ishlar va xizmatlarni taqsimlash sxemasini o‘zida mujassam etadi, reklama va jamoatning fikrini shakllantirishga oid savollarni echadi.
Ishlab chiqarish rejasi bo‘lajak qurilish ob’ektining ishlab chiqarish quvvati to‘g‘risidagi ma’lumotlarni o‘z ichiga oladi. Agar so‘z qurilish tashkiloti haqida yuritilayotgan bo‘lsa, u holda unda qurilish tashkilotining quvvati, uning asosiy ishlab chiqarish jamg‘armalari, tashkilot salohiyati to‘g‘risidagi ma’lumotlar keltiriladi. Bosh vazifa – buyurtmacxilarga o‘zini salohiyatli qilib ko‘rsatish, ya’ni taklif etilayotgan ish hajmlarini tashkilot zarur bo‘lgan muddatlarda va talab etiladigan sifatda bajara olishga qodir ekanligini namoyon eta bilish.
Tashkiliy reja – pudratli firma tashkiliy strukturasi va uning personali: tarkibi, yoshi, ma’lumoti, ish tajribasi; ishchi kuchi, moddiy sharoitlari, kadrlar siyosati va shu kabi ma’lumotlarni o‘z ichiga kiritadi. Agar so‘z qurilayotgan ob’ekt, korxona haqida borayotgan bo‘lsa, u holda ham xuddi shunday ma’lumotlar keltiriladi.
Huquqiy ta’minlanganlik. Qurilish – montaj va loyihalash firmalari uchun ularning tuzilgan sanasi ko‘rsatiladi, ro‘yxatdan o‘tganligi to‘g‘risida ma’lumotlar, muassislik hujjatlari, faoliyat yuritishni asoslovchi guvohnomaning raqami (litsenziyaning nomeri), mulkcxilik shakli, boshqa tashkilotlar bilan ishlash to‘g‘risidagi shartnomalar yoki taqrizlarning nusxalari keltiriladi.
Xavf – xatarga borish (tavakkal qilish) va sug‘urtlashning baholanishida – xavf-xatar darajasi va berilgan korxonada ishlab chiqarishga ishtirok etishining maqsadga muvofiqligi aniqlanadi, qurilish ob’ektlari, ishlarning bajarilishi va xizmatlar ko‘rsatilishini sug‘urtalashga doir savollar ko‘rib chiqladi.
Moliyaviy reja – bajarilgan ishlar hajmi, foyda, tannarx, daromadlar va xarajatlar, pul mablag‘larining aylanishi, moliyaviy muvozanatni o‘z ichiga oladi.
Moliyalashtirish strategiyasi – quyidagi ma’lumotlar: loyihani amalga oshirish uchun qancha mablag‘ kerak bo‘ladi, kreditni qayerdan va qanday shaklda olish mumkin, kreditning shartlari, sarflangan mablag‘lar qanday muddatda qoplanishi mumkinligini o‘zida mujassamlaydi.
Ishlab chiqilgan biznes – reja natijalari asosida buyurtmachi bo‘lajak qurilish ob’ektining berilgan rayonda qurilishi ko‘zda tutilayotganligi to‘g‘risidagi arznoma bilan mahalliy hokimiyat organlariga murojaat qiladi. Qurilishi ko‘zda tutilayotgan ishlab chiqarish ob’ektlari to‘g‘risidagi arznomada korxona to‘g‘risidagi texnik va texnologik ma’lumotlar, ishcxilar va xizmatcxilarning taqribiy soni, korxonaning xom - ashyo va materiallar, energiya resurslari, suv, yer resurslariga bo‘lgan taxminiy ehtiyoji, korxonaning atrof-muhit va ekologik vaziyatga ko‘rsatadigan ehtimoliy ta’siri to‘g‘risidagi tushunchalar, ishchi- xizmatcxilar hamda ularning oilalari, ularni turar-joy, madaniy va maishiy xizmatlar ko‘rsatadigan ob’ektlar bilan ta’minlay olishi to‘g‘risidagi ma’lumotlar keltiriladi. Qurilishi ko‘zda tutilayotgan ob’ekt to‘g‘risidagi arznoma moliyalashtirish manbalari va tayyor mahsulotdan foydalanishga oid ma’lumotlarni ham o‘zida mujassam etadi.
Texnik loyiha quyidagi bo‘limlarni o‘z ichiga oladi:
1) umumiy tushuntirish matni;
2) bosh reja va transport;
3) texnologik yechimlar;
4) ishlab chiqarish va korxonani boshqarish hamda ishchi va xizmatcxilar uchun sharoitlar yaratish va ular mehnatini muhofaza qilishni tashkil etish;
5) arxitekturaviy – qurilish yechimlari;
6) injenerlik jihozlari, tarmoqlar va tizimlar;
7) qurilishni tashkil etish;
8) atrof – muhitni muhofaza qilish;
9) fuqarolarni himoyalash bo‘yicha injener – texnik tadbirlar;
10) smeta hujjatlari;
11) investitsiyalarning samaradorligi.
Umumiy tushuntirish matnida ob’ektning loyihaviy quvvati, mahsulotlar nomentklaturasi, sifati va raqobatbardoshligi, ob’ekt bo‘yicha resurslarga bo‘lgan talab–ehtiyojlar to‘g‘risidagi ma’lumotlar, qurilish maydoni joylashgan rayonning ijtimoiy - iqtisodiy va ekologik sharoitlari, bosh reja, injenerlik tarmoqlari va kommunikatsiyalari hamda investitsion loyihani amalga oshirishning boshqa xarakteristikalari bo‘yicha asosiy ko‘rsatkichlar haqidagi ma’lumotlar beriladi.
2. Bosh reja va transport. Bosh reja, ichki maydon va tashqi transport bo‘yicha ko‘rsatkichlar, hududni ko‘kalamzorlashtirish bo‘yicha asosiy rejaviy yechimlar, tadbirlar va boshqa materiallarni o‘z ichiga oladi.
3. Texnologik yechimlar – ishlab chiqarish texnologiyasi, mahsulotlarni tayyorlash uchun zarur bo‘lgan mehnat sig‘imi xarakteristikalari, mahsulotlar sifatini nazorat qilishni tashkil etish bo‘yicha takliflar, texnologik jarayonlarning yoqilg‘i-energetik va moddiy balanslari, atrof-muhitga zararli moddalarni chiqarishni bartaraf etish bo‘yicha texnik yechimlar keltiriladi va h.k.
4. Ishlab chiqarish, korxonani boshqarish hamda ishchi va xizmatcxilar uchun barcha zarur bo‘lgan sharoitlarni yaratishni tashkil etish va ularning mehnatini muhofaza qilish korxonani boshqari tashkiliy – funksional tuzilmasining tahlilini, boshqarishning avtomatik tizimi (BAT), ishchi o‘rinlari soni va jihozlar bilan ta’minlanganligi, ishchi – xodimlar mehnat qilishlari uchun sanitariya-gigienik sharoitlarning yaratilganligi, mehnatni muhofaza qilish va texnika xavfsizligi bo‘yicha chora – tadbirlarni o‘z tarkibiga kiritadi.
5. “Arxitekturaviy – qurilish yechimlari” bo‘limiga qurilish maydonining injener – geologik, gidrogeologik sharoitlari to‘g‘risidagi ma’lumotlar, arxitekturaviy – qurilish yechimlarining va ishlab chiqarish shovqinlarini va tebranishlarni pasaytirish bo‘yicha chora – tadbirlarning asoslanishi kiradi va h.k.
6. Injenerlik tarmoqlari va tizimlari, jihozlari bo‘limida suv ta’minoti, kanalizatsiya, isitish tarmog‘i, shamollatish bo‘yicha yechimlar keltiriladi va h.k.
7. “Qurilishni tashkil etish” bo‘limida QMKga muvofiq ravishda “Qurilish ishlab chiqarishini tashkil etish” (QITE) ishlab chiqiladi va unda ob’ektni tiklash jarayonida resurslardan (shu bilan bir qatorda vaqt resurslaridan ham) foydalanish prinsiplari tavsiflanadi.
QITE tarkibiy qismlari – qurilish bosh rejasi va qurilish kalendar rejasidan iborat bo‘ladi. QITEda qurilishni materiallar, konstruksiyalar, yarimfabrikatlar, detallar, buyumlar, qurilish mashinalari hamda transport vositalari bilan ta’minlash manbalariga doir savol va masalalar ecxiladi. Bunda butun qurilish bo‘yicha qurilish ishlab chiqarishi hajmlari mavjud bo‘lgan resurslar bilan solishtiriladi. Agar korxonaning ishlab chiqarish quvvatlari yetarli bo‘lmasa, u holda ularni oshirish bo‘yicha chora – tadbirlar ishlab chiqiladi.
Qurilishni tashkil etish loyihasi ob’ektlar qurilishi kalendar rejasi va asosiy qurilish – montaj ishlarini ishlab chiqarish metodlarini o‘z ichiga oladi, pudratchi qurilish tashkilotlar tarkibi, ularni boshqarish tizimi, qurilishni amalga oshirish jarayonida ularni rivojlantirish yo‘llarini aniqlab beradi.
8. “Atrof – muhitni muhofaza qilish” bo‘limida ob’ektni qurish jarayonida ham keyingi ekspluatatsiya jarayonida ham atrofdagi tabiiy muhitga ko‘rastiladigan zararli ta’sirni kamaytirish va bartaraf etish bo‘yicha chora – tadbirlar keltiriladi.
9. Fuqaro mudofasi bo‘yicha injener – texnik tadbirlar aholi va hududni tabiiy ofatlardan hamda texnogen xarakterli favqulodda vaziyatlardan himoya qilish bo‘yicha tadbirlarni o‘z tarkibiga kiritadi.
10. “Smeta hujjatlari” bo‘limi qurilish tannarxining jamlangan smeta hisoblarini, zarur bo‘lgan hollarda sarf – xarajatlar jamlamasini, ob’ektli va lokalli smeta hisoblari, alohida turdagi sarf-xarajatlar va shu bilan birgalikda tadqiqot ishlari hamda loyihalash ishlari bahosini ham o‘zida mujassam etadi. Smeta hujjatlarida qurilishning smetaviy narxini ikkita narx bo‘yicha: bazisli va oldindan (yoki bashoratli) baholash tavsiya etiladi. Bazisli va bashoratli narxlar asosida buyurtmacxilar va pudratcxilar qurilish mahsulotlariga qo‘yiladigan jamlanma (shartnomali) narxlarni shakllantiradilar.
11. “Investitsiyalar samaradorligi” bo‘limida investitsiyalarni asoslash vaqtida o‘rnatilgan kapital mablag‘lar samaradoligini baholash aniqlanadi.
Loyiha (texnik loyiha)da, qoidaga ko‘ra, qurilishni bajarishga jalb qilish va uni amalga oshirish bo‘yicha savdolashish e’loni uchun tenderli hujjat ishlab chiqiladi.
Texnik loyiha, qoidaga ko‘ra, ekspertizadan o‘tkaziladi. Aksariyat hollarda buyurtmachi yirik va murakkab ob’ektlarni ekspertizadan o‘tkazish uchun tender e’lon qiladi. Ekspertiza jarayonida ishlab chiqilgan loyihaning loyihalash uchun taqdim etilgan texnik topshiriqqa muvofiq kelishi tekshiriladi, ilg‘or taraqqiyot natijalaridan foydalanganlik darajasi va loyihaviy yechimlarning yangligi tahlil qilinadi, kapital mablag‘lar iqtisodiy samaradorligining to‘g‘ri baholanganligi tekshiriladi, qabul qilingan loyihaviy yechimlar mamlakatdagi va xorijdagi eng yaxshi loyihalar bilan solishtiriladi. Inshootning xavfsizligi bilan bog‘liq bo‘lgan masalalar yechimlariga alohida e’tibor qaratilishi taqoza etiladi.
Ekspertiza yakunlangandan keyin ekspertiza xulosasi loyihalovchiga beriladi. Loyihachi ekspertlar tomonidan ko‘rsatilgan kamcxiliklarni o‘rganib chiqqandan keyin buyurtmachi bilan birgalikda loyihani to‘ldirish va unga o‘zgartirishlar kiritish to‘g‘risida qaror qabul qiladi. Undan so‘ng loyiha tasdiqlanadi va buyurtmachi ob’ekt qurilishi uchun tender e’lon qilish haqida qaror qabul qiladi, shu asosda pudratchi qurilish tashkiloti aniqlanadi.
Xalqaro amaliyot va amaldagi tavsiyalarga muvofiq ob’ekt qurilishiga tegishli bo‘lgan ishchi hujjatlar buyurtmachi tomonidan ishlab chiqiladi yoki uning (buyurtmachining) qarori bilan ishchi hujjatlarning kontrakt asosida tuzilishi ixtisoslashgan loyiha – ilmiy tekshirish tashkilotlariga topshiriladi.
Ishchi chizmalarni tuzishda texnik loyihadagi texnik-iqtisodiy ko‘rsatkichlarni pasaytiradigan, ishchi – xizmatcxilarning mehnat qilish sharoitlariga salbiy ta’sir ko‘rsatadigan yechimlar yoki inshootning xavfsizlik darajasini pasaytiradigan yechimlarni qabul qilish taqiqlanadi.
Ishchi chizmalar kelishuv, ekspertiza va tasdiqlashga topshirilmaydi. Ishchi chizmalar qurilayotgan korxona bosh injeneri yoki amaldagi korxona kapital qurilishi boshqarmasining bosh injeneri imzosi bilan to‘g‘ridan – to‘g‘ri ishlarni bajarishga tadbiq etiladi.
Ishchi loyihalarni tuzish bosqichida qurilish tashkiloti odatda o‘zining xusuiy kuchlari orqali ishlarni ishlab chiqarish loyihasini (IIL) ishlab chiqadi, unda ishlarni ishlab chiqarish metodlari va ob’ektni qurish uchun zarur bo‘lgan resurslar aniqlanadi.
Ishlarni ishlab chiqarish muddatlari moddiy-texnika resurslarining hajmi va ularning o‘z vaqtida etkazilib berilishiga bog‘liq bo‘ladi. Bu savollar ishlarni ishlab chiqarish va resurslarning ob’ektga etkazilish grafigini tuzish vaqtida ecxiladi. Qurilish maydonini zarur bo‘lgan material resurslari bilan minimal ravishda ta’minlashdan kelib chiqqan holda qurilish materiallarini ob’ektga yetkazish grafigi tuziladi.
Ob’ektning bosh qurilish rejasi ham ishlarni ishlab chiqarish va qurilayotgan ob’ektni resurslar bilan ta’minlash singari IILning muhim tarkibiy qismlaridan biri deb hisoblanadi, unda qurilayotgan bino va inshoot oldindan mavjud bo‘lgan doimiy va inventar binolarning joylashish o‘rni ko‘rsatiladi. Qurilishning bosh rejasi qurilish maydoni hududidan oqilona foydalanishni hisobga olgan holda ishlab chiqiladi. Ishlab chiqarish–maishiy xonalarining soni va ularni joylashtirish tartibi sanitariya me’yorlarini qoniqtirishi zarur va ishcxilarning qurilish maydoni hududi bo‘yicha ortiqcha yurishlariga yo‘l qo‘ymasligi lozim. Injenerlik kommunikatsiyalari trassalari va yo‘llar minimal uzunlikka ega bo‘lishi kerak. Qurilish mashinalarini shunday joylashtirish taqoza etiladiki (texnika xavfsizligi talablariga rioya qilgan holda), bunda ishlab chiqarishni oqilona ishlangan texnologiya bilan ta’minlash talab etiladi.
Loyihalash bir bosqichda olib borilayotganda texnik-ishchi loyiha formatida tasdiqlanadigan qism va ishchi chizmalar ajratilib ko‘rsatiladi. Tasdiqlanadigan qismning kelishuvi va tasdiqdan o‘tkazilish tartibi texnik loyihani kelishish hamda tasdiqlash protseduralariga o‘xshash bo‘ladi. Ishchi hujjatlar lokalli smetalar, qurilish materiallariga bo‘lgan ehtiyoj bayonnomalari, jihozlar spetsifikatsiyalari, ishlarni ishlab chiqarishga qo‘yiladigan talablarni o‘z ichiga oladi.
III BOB. LOYIHA YECHIMLARINING IQTISODIY SAMARADORLIGINI BAHOLASH VA OSHIRISH USULLARI.

3.1. Loyiha yechimlarining iqtisodiy samaradorligini baholash.

Loyiha yechimlari smaradorligini aniqlashda qo‘lllaniladigan koʻrsatkichlar tizimi qurulish va ekspluatatsiya jarayonida ishlatiladigan koʻrsatkichlarga bulinadi: