R. D. Dusmuratov, A. S. Boltayev moliyaviy tahlil
Material qaytimining o‘zgarishiga qanday birlamchi omillar ta’sir
Yüklə 5,36 Mb. Pdf görüntüsü
|
- Bu səhifədəki naviqasiya:
- XVII BOB. TA’MINOT TASHKILOTLARI FAOLIYATINI TAHLIL QILISHNING XUSUSIYATLARI 17.1 Ta’minot tashkilotlarida tovar aylanmasining tahlili
|
10. Material qaytimining o‘zgarishiga qanday birlamchi omillar ta’sir
ko‘rsatadi? A) Yalpi mahsulot hajmi va moddiy xarajatlar hajmining o‘zgarishi B) Yalpi foyda hajmi va moddiy xarajatlar hajmining o‘zgarishi C) Ishlab chiqarilgan mahsulot miqdori, bir birlik mahsulotning sotish bahosi va moddiy xarajatlar hajmining o‘zgarishi D) Yalpi mahsulot hajmi, ishlab chiqarilgan mahsulot miqdori va bir birlik mahsulotning o‘rtacha sotish bahosining o‘zgarishi 396 XVII BOB. TA’MINOT TASHKILOTLARI FAOLIYATINI TAHLIL QILISHNING XUSUSIYATLARI 17.1 Ta’minot tashkilotlarida tovar aylanmasining tahlili 17.1.1. Ta’minot tashkilotlarida tovar aylanmasi tahlilining maqsadi, vazifalari va axborot manbalari Respublikamizda olib borilayotgan islohotlar samarasini yanada oshirish, davlat va jamiyatning har tomonlama va jadal rivojlanishi uchun shart-sharoitlar yaratish, mamlakatimizni modernizatsiya qilish hamda hayotning barcha sohalarini liberallashtirish bo‘yicha ustuvor yo‘nalishlarni amalga oshirish maqsadida qabul qilingan «2017-2021 yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasi»ga muvofiq barcha tarmoq va sohalarda tub o‘zgarishlar yuz bermoqda. Jumladan, bu o‘zgarishlar agrar sohada faoliyat yuritayotgan ta’minot tashkilotlariga ham bevosita daxldor hisoblanadi. Ta’minot tashkilotlari ishlab chiqaruvchi korxonalardan tovarlarni tuzilgan shartnomalar asosida belgilangan narxlarda sotib olib, iste’molchilarga shartnomalarda ko‘rsatilgan miqdorda va qiymatda o‘z vaqtida yetkazib berish faoliyati bilan shug‘ullanadi. Ya’ni, ularning asosiy faoliyati turi ta’minot faoliyati hisoblanadi. 2018 yil oxiriga respublikamizda 3040 ta ta’minot tashkilotlari faoliyat ko‘rsatayotgan bo‘lsa, shundan 844 tasi meniral o‘g‘it sotish shaxobchalari hisoblanadi. Ularning viloyatlar kesimi bo‘yicha joylashuvini quyidagi 1-rasmda ko‘rishimiz mumkin. Ma’lumki, ta’minot tashkilotlari fermer xo‘jaliklari va boshqa qishloq xo‘jalik mahsulotlari ishlab chiqaruvchilarga nihoyatda zarur bo‘lgan mineral o‘g‘it, yoqilg‘i moylash mahsulotlari va texnika xizmatlarini ko‘rsatmoqda. Afsuski, ko‘pgina ta’minot tashkilotlari faoliyati bozor iqtisodiyoti talablariga to‘liq javob bermaydi. Xususan, bu borada O‘zbekiston Respublikasi Prezidenti Sh.Mirziyoyev «... fermer, dehqon xo‘jaliklariga yoqilg‘i-moylash mahsulotlari, mineral o‘g‘itlar, urug‘lik yetkazib berish, kasallik va zararkunandalarga qarshi 397 kurash ishlari talab darajasida tashkil etilmagan. Bu ham haqiqat.» 66 deb ta’kidlab o‘tganlar. Mazkur muammo va kamchiliklarni bartaraf qilish uchun ta’minot tashkilotlari faoliyati tahlilini to‘g‘ri yo‘lga qo‘yish va uning uslublarini takomillashtirish zarurati vujudga kelmoqda. Chunki, xo‘jalik jarayonlarini tahlil qilib o‘rganish mavjud muammo va kamchiliklarni aniqlash va ularni bartaraf etish bo‘yicha tegishli chora-tadbirlarni ishlab chiqish imkonini beradi. Shu bilan birga, ta’minot tashkilotlarida tovar aylanmasi hajmini ko‘paytirish, tannarx darajasini pasaytirish va foyda hajmini oshirish bo‘yicha mavjud imkoniyatlarni aniqlash hamda ularni moliyaviy-xo‘jalik faoliyatiga jalb qilish uchun shart-sharoitlar yaratish imkoniyatini paydo qiladi. Yüklə 5,36 Mb. Dostları ilə paylaş:
|