Rabil Mehtiyev Fəlsəfə

Nikolay Berdyayevin (1874–1948) əsas əsərləri "Azad­lıq fəlsəfəsi", "Yaradıcılığın mənası. Təcrübə. insan haq­lılığı ”,“Bərabərsizlik fəlsəfəsi”,“Tarixin mənası”, “İn­sa­­nın taleyi (paradoksal etika təcrübəsi)”, "Rus dü­şün­cəsi: XIX əsrin 19-cu və birinci yarısında rus düşün­cə­si­nin əsas problemləri”, "Esxatoloji metafizika təcrübəsi" və baş­qalarıdır. Əsərlərinin məhsuldarlığına görə, nəinki Ru­siya, eləcə də bütün dünyada ən çox çap olunan filo­sof­lardandır. Ən ümumi şəkildə səciyyələndirilsə onun əsərlərinin əsas ideya xətti insanın mənəvi varlığıdır.
Berdyayevi düşündürən köləlik və azadlıq dilemması özündə zorakılıq, dövlət, zərurət, insanı köləliyə gəti­rən­lər haqqında fəlsəfi düşüncələri cəmləşdirir. O hesab edir­di ki, azadlıqdan ali anlayış yoxdur.
Müasir Yapon fəlsəfəsinin spesifikası milli keyfiy­yət­lərin saxlanması ilə yanaşı, kənar mədəniyyətlərin bəzi stere­otiplərini əxz etməsidir. Bu fakt şübhəsiz yapon fəlsə­fəsinin ümumi mənzərəsinə müəyyən özəllik qatdı. Bu dövrdə yaponların fəlsəfi baxışlarını əsasən iki isti­qa­mətdə qruplaşdırmaq olar. Bunlardan birincisi, Şərq və Qərbin təcrübəsi əsasında yeni konsepsiyaların forma­laş­dırılması cəhdləri idi. İkinci isə Qərbin fəlsəfi dəyərlərini yapon milli təcrübəsinə transfer etmək halları idi.
Bu mənada Nisida Kitaro və tərəfdərları Qərb fəlsəfi me­todologiyasından yararlanmaqla Yapon fəlsəfəsinin ma­hiyyətini xüsusiyyətlərini araşdırmağa cəhd edirdilər. Bu zaman yapon əxlaqının prioritetliyini saxlamaq baş­lı­ca şərt idi.
Nisitani Keyzi boşluq haqda təlimin yaradıcısı idi. Onun fikrincə, idrakdakı ziddiyyətlərdən qaçmaq üçün boş­luq təliminə müraciət etmək lazımdır.
Taici Sakaya kapitalizmin nəzəri cəhətdən əsaslandıran möv­qeyi ilə seçilir. O hesab edirdi ki, cəmiyyətdə mül­kiy­­yət münasibətlərindəki bərabərsizlikdən qorxmaq la­zım deyil. Kimlərsə varlanacaqsa, bu cəmiyyətin xeyrinə ola­caqdır. Texniki nailiyyətlər istehsal şərtlərini və nəti­cə­­də cəmiyyətdəki iqtisadi münasibətlərin xarakterini də­yişir.