7-bob. Pedagog kadrlar bilan ta’minlash
50. Tegishli oliy ma’lumoti, kasb tayyorgarligi bor va yuksak axloqiy fazilatli shaxslar edagogic faoliyat bilan shug‘ullanish huquqiga ega.
Pedagogik faoliyat bilan shug‘ullanish sud hukmiga asosan man etilgan shaxslarning maktabda bu faoliyat bilan shug‘ullanishiga yo‘l qo‘yilmaydi.
51. Pedagog kadrlar belgilangan tartibda malaka oshirish kurslariga jalb etiladi, ularni qayta tayyorlash vakolatli idoralar tomonidan amalga oshiriladi.
52. Maktab edagogic jamoa a’zolari o‘qitish yo‘nalishlari (tabiiy, aniq, gumanitar, ijtimoiy va boshqa fanlar) bo‘yicha uslubiy birlashmalarga birlashadilar.
53. Maktab pedagoglarining (o‘quv fanlari va soatlari bo‘yicha) vazifasini vaqtincha bajarib turish hamda xodimlarining sinfdan tashqari faoliyati Xalq ta’limi vazirligi tomonidan belgilangan tartibda amalga oshiriladi.
54. Maktab rahbariyati pedagoglarning obro‘-e’tibori va ijtimoiy maqomini, ularning mas’uliyati va kasb mahoratini oshirish bo‘yicha aniq yo‘nalishli ishlarni amalga oshiradi, ularning tizimli ravishda malaka oshirishlari va o‘z ustida ishlashlari, ta’lim jarayoniga ilg‘or edagogic va axborot kommunikatsiya texnologiyalari, shuningdek yangi o‘quv dasturlari joriy etilishi uchun shart-sharoitlar yaratadi.
Dostları ilə paylaş: | 
