Sabit stenokardiya üzrə klinik protokol

 
Farmakoloji sınaq ilə təsvir texnikası 
Fiziki yüklə sınaq mümkün olmadıqda farmakoloji sınaqdan 
istifadə edilə bilər. 
1. qısa təsirli simpatomimetik dərman - dobutamin 
2. koronar vazodilatatorlar (adenozin və dipiridamol) 
Stress ExoKQ və perfuzion ssintiqrafiyada həm fiziki yük, həm 
də farmakoloji sınaqdan istifadə oluna bilər. Hansı üsuldan istifadə 
olunması yerli imkanlardan asılıdır. Xəstəlik əlamətlərinin 
aşkarlanması 
çətin olduğu hallarda, xüsusən qadınlarda
revaskulyarizasiya ediləcək stenozun seçilməsində 
və 
revaskulyarizasiyadan sonra işemiyanın olub-olmamasını ayırd 
etməkdə stress təsvir üsulu mühüm əhəmiyyətə malikdir. 
Ürəyin stress maqnetik rezonans sınağı 
Ürəyin stress maqnetik rezonans sınağı dobutamin infuziyası ilə 
birlikdə işemiya nəticəsində əmələ gələn divar hərəkət qüsurunu və 
Klinik protokol Azərbaycan Respublikası Səhiyyə Nazirliyinin 
İctimai Səhiyyə və İslahatlar Mərkəzində hazırlanmışdır. 

---

18
ya perfuziya pozulmasını aşkar etmək üçün istifadə edilə bilər, lakin 
geniş tətbiq edilmir.
 
Kompüter tomoqrafiya
Elektron şüa KT, multi-detektor və ya çox kəsikli (multi slice) 
KT koronar kalsifikasiyanın kəmiyyətcə təyinində təsdiqlənmiş 
müayinə üsuludur. KT arterioqrafiya intravenoz kontrast maddə 
inyeksiyası vasitəsilə həyata keçirilir. 
Maqnit rezonans arterioqrafiya 
Qeyri-invaziv MR kontrast koronar arterioqrafiya praktik klinik 
müayinə metodu deyil, tədqiqat vasitəsidir. 
 
Koronar arterioqrafiya 
Qeyri-invaziv testlər obstruktiv koronar xəstəlik barədə lazımi 
dərəcədə fikir yürütməyə imkan verir, lakin riski qiymətləndirmək 
üçün koronar arterioqrafiyaya ehtiyac ola bilər. Koronar 
arterioqrafiya, sabit stenokardiyalı xəstələrdə damarlarda stenozun 
olub-olmamasını dəqiq ayırd etməklə, terapevtik yanaşmaların 
seçilməsi (dərman müalicəsi və ya miokardial revaskulyarizasiya) və 
proqnozun müəyyənləşdirilməsində mühüm əhəmiyyətə malikdir. 
Bu üsulla təyin olunmuş iki və ya üç damar xəstəliyi, tək damar 
xəstəliyinə nisbətən daha ciddi proqnostik əhəmiyyət kəsb edir. Yüksək 
riskli anatomik damar xəstəliklərinə koronar arteriyanın sol əsas 
kötüyünün (LMCA) xəstəliyi və ya sol ön enən arteriyanın (SÖEA) 
proksimal nahiyəsinin də daxil olduğu “çox damar xəstəliyi” aiddir. 
ÜD xəstəlikləri riski 1-2% olan orta risk qrupunun koronar arterio-
qrafiyaya məruz qalması xəstənin simptomları, funksional statusu, 
həyat tərzi, məşğuliyyəti və başlanğıc müalicənin effektindən asılıdır. 
Koronar arterioqrafiya aşağıdakı hallarda aparılmalıdır: 
► 
Ciddi mədəcik tipli aritmiyalar və ya ürək dayanmasından 
sonrakı vəziyyət 
► 
Revaskulyarizasiyadan sonra təkrarlanan orta və ağır simptomlar 
► 
Daha əvvəl damarın proqnostik əhəmiyyətli nahiyəsində 
aparılmış PKM
► 
PKM -dən sonra restenoz ehtimalının yüksək olduğu hallar 
► 
Revaskulyarizasiya icra edilməsini tələb edən simptomlar 
Klinik protokol Azərbaycan Respublikası Səhiyyə Nazirliyinin 
İctimai Səhiyyə və İslahatlar Mərkəzində hazırlanmışdır. 

---

19