Samarqand viloyat Toyloq tuman axborot-kutubxona markazining 2023–2025-yillar uchun jamoa shartnomasi

II. ISH VAQTI VA DAM OLISH VAQTI REJIMI


Kitobxonlarga ko’rsatiladigan xizmatlar sifatini yaxshilash va kitob fondi xavfsizligini ta’minlash yuzasidan javobgarlikni oshirish maqsadida bevosita kitobxonlarga xizmat ko’rsatuvchi xizmatlar uchun ikki smenali ish belgilanadi.
Ish vaqti va dam olish vaqti rejimi ushbu Qoidalar va kutubxona Jamoa shartnomasi, smenalar grafiklari, Mehnat kodeksi va O’zbekiston Respublikasining boshqa qonun hujjatlari bilan tartibga solinadi.
Ushbu Qoidalar tomonidan kutubxonadagi ish vaqtining davom etishi quyidagicha belgilandi:
5 kunlik ish haftasida (shanba va yakshanba dam olish kunlari):
Ish boshlanadigan va tugaydigan vaqt 9.00 dan – 18.00 gacha
Tushlik 13.00 dan – 14.00 gacha.
Shanba kuni 9.00dan-14.00 gacha


Kitobxonlarga doimiy xizmat ko’rsatuvchi xizmatlarda (kitob beruvchi o’quv zallari) tushlik tanaffusi vaqtida xodimlar bir-birlarini almashtirishlari lozim.
Ish beruvchi va Kasaba uyushmasi qo’mitasi bilan kelishiladi va xodimlar e’tiboriga havola etiladi.
Bayram (dam olish) kunlari arafasida ish vaqti 1 soatga qisqartiriladi.
Qonunchilikka muvofiq (O’zR MK 183-moddasi) yoki mehnat shartnomasi shartlariga muvofiq xodimlarning alohida toifalari uchun qisqartirilgan ish vaqti belgilanadi.
Davlat bayramlari kunlari arafasida ish vaqti bir soatga qisqartiriladi.


III. MEHNAT SHARTNOMASINI TUZISH, O’ZGARTIRISH VA
BEKOR QILISH TARTIBI


Ishga qabul qilinayotganda ishga kiruvchi quyidagi hujjatlarni taqdim etishi shart:
pasportni yoki uning o’rnini bosuvchi hujjatni yoxud identifikasiyalovchi ID-kartani, o’n olti yoshgacha bo’lgan shaxslar esa tug’ilganlik to’g’risidagi guvohnomani yoki identifikasiyalovchi ID-kartani;
oxirgi ish joyi bo’yicha tasdiqlangan qog’oz shaklidagi mehnat daftarchasini yoki elektron mehnat daftarchasidan ko’chirmani, bundan birinchi marta ishga kirayotgan shaxslar mustasno. O’rindoshlik asosida ishga kirayotgan shaxslar mehnat daftarchasining o’rniga asosiy ish joyidan olingan belgilangan namunadagi ma’lumotnomani taqdim etadi;.
harbiy xizmatga majburlar yoki chaqiriluvchilar uchun tegishincha harbiy guvohnomani yoki harbiy hisobda turganlik haqidagi guvohnomani;
oliy yoki o’rta maxsus, kasb-hunar ta’lim tashkilotini tamomlaganligi to’g’risidagi diplomni, qaysi ishni bajarish uchun faqat maxsus ma’lumotga yoki maxsus tayyorgarlikka ega bo’lgan shaxslar qo’yilishi mumkin bo’lsa, o’sha ishga kirish chog’ida ushbu ishni bajarish huquqiga doir guvohnomani (sertifikatni) yoxud boshqa tegishli hujjatni;
soliq to’lovchining identifikasiya raqamini;
jismoniy shaxsning shaxsiy identifikasiya raqamini (mavjud bo’lganda);
jamg’arib boriladigan pensiya daftarchasini, bundan birinchi marta ishga kirayotgan shaxslar mustasno.
Ish beruvchi ishga qabul qilinuvchidan boshqa hujjatlarni talab qilishga haqqi yo’q.
Yuqorida bayon etilgan hujjatlarsiz hamda quyidagilar ishga qabul qilishga ruxsat etilmaydi:
- sud hukmi bilan ma’lum lavozimlarni egallash yoki ma’lum faoliyat bilan shug’ullanish huquqidan mahrum bo’lgan shaxslar;
- agar ularning ishi ulardan birining boshqasiga bevosita bo’ysunishi yoki nazorati ostida bo’lishi bilan bog’liq bo’lsa (ushbu talab davlat korxonalaridagina qo’llaniladi), yaqin qarindosh bo’lgan shaxslar (ota-onalar, aka-ukalar, opa-singillar, o’g’illar, qizlar, turmush o’rtog’i, shuningdek er-xotinning ota-onalari, aka-ukalari, opa-singillari va farzandlari). Qonunchilikda nazarda tutilgan boshqa holatlarda.
Ishga qabul qilingan har bir xodim (shu jumladan, o’rindoshlik asosida) bilan mehnat shartnomasi yozma ravishda ikki nusxada tuziladi, ularning har biri bir xil kuchga ega bo’lib, har bir tomonga beriladi.
Mehnat shartnomasiga xodim va rahbar imzosi qo’yiladi. Rahbar imzosi korxona muhri bilan tasdiqlanadi.
Xodim bilan tuzilgan mehnat shartnomasi tomonlar unga imzo chekkan vaqtdan boshlab kuchga kiradi. Xodim mehnat shartnomasida kelishilgan kundan boshlab mehnat majburiyatlarini bajarishga kirishadi.
Mehnat shartnomasi tuzilganidan keyin ish beruvchi mehnat shartnomasi mazmun-mohiyatiga muvofiq ishga qabul qilish to’g’risida buyruq chiqaradi va xodimga tilxat asosida buni xabar qiladi.
Ishga qabul qilinayotganda mehnat shartnomasida dastlabki sinov to’g’risidagi shart kelishilgan bo’lishi mumkin. Bunday izoh bo’lsa, sinov to’g’risidagi shart ishga qabul qilish to’g’risidagi buyruqda aks etadi.
Dastlabki sinov muddati uch oydan, tashkilotlarning rahbarlari va ularning o’rinbosarlari, bosh buxgalterlar hamda tashkilotlar alohida bo’linmalarining rahbarlari uchun esa olti oydan oshmasligi kerak.
Vaqtincha mehnatga qobiliyatsizlik davri va xodim haqiqatda ishda bo’lmagan boshqa davrlar dastlabki sinov muddatiga qo’shilmaydi.
Tomonlar o’rtasida belgilangan sinov muddati davomida ham ish beruvchi, ham xodim uch kun oldin boshqa tomonni yozma ravishda ogohlantirib, mehnat shartnomasini bekor qilishga haqli.
Bunda ish beruvchi sinovning qoniqarsiz natijasini isbotlovchi ishonchli dalilga ega bo’lishi kerak. Xodim ishni davom ettirishdan bosh tortish sababini ish beruvchiga tushuntirib berishi shart emas.
Uzrli sabablarga ko’ra xodim ishga kelmagan vaqtda (vaqtincha ishga layoqatsiz davri, harbiy yig’inlarda, donorlik funksiyalarini bajarayotgan davr, sud maslahatchisi sifatida sudda ishtirok etsa) dastlabki sinov muddatiga kiritilmaydi.
Dastlabki sinov muddati bilan qabul qilingan xodim barcha huquqlardan foydalanadi va boshqa xodimlar bilan teng ravishda mehnat qonunchiligida belgilangan javobgarlikni zimmasiga oladi.
Quyidagilar ishga qabul qilinganda dastlabki sinov belgilanmaydi:
homilador ayol, uch yoshga to’lmagan bolasi bor ayol yoki uch yoshga to’lmagan bolani yolg’iz o’zi tarbiyalayotgan ota (vasiy);
zaxiraga qo’yiladigan ish o’rinlariga ishga joylashtirish uchun yuborilgan aholining ijtimoiy ehtiyojmand toifalaridan bo’lgan shaxslar;
davlat grantlari asosida o’qigan va oliy ta’lim tashkilotini tamomlagan kundan e’tiboran uch oy ichida yo’llanma bo’yicha olingan mutaxassisligiga doir ishga kirayotgan oliy ta’lim tashkilotlarining bitiruvchilari;
tegishli ta’lim tashkilotini tamomlagan kundan e’tiboran bir yil ichida birinchi bor ishga kirayotganda olingan mutaxassisligi bo’yicha mustaqil ravishda ishga joylashayotgan umumiy o’rta, o’rta maxsus, professional va oliy ta’lim tashkilotlarining bitiruvchilari;
o’zi bilan olti oygacha muddatga mehnat shartnomasi tuzilayotgan xodimlar;
o’n sakkiz yoshga to’lmagan shaxslar;
ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar bo’yicha bekor qilgan bo’lsa, o’sha shaxslar;
ishlab chiqarishda o’qitish shartnomasi bo’yicha ushbu ish beruvchida o’qishni o’tagan o’quvchilar;
jamoa kelishuvlarida, shuningdek jamoa shartnomasida va ish beruvchining ichki hujjatlarida nazarda tutilgan boshqa xodimlar.
Dastlabki sinov faqat xodimni ishga qabul qilish chog’ida belgilanishi mumkin. Xodim boshqa ishga o’tkazilayotganda va boshqa ish beruvchiga xizmat safariga yuborilganda dastlabki sinov belgilanishiga yo’l qo’yilmaydi.
3.1. Ish beruvchi yoki xodim talabi bo’yicha mehnat shartlari quyidagi holatlarda va tartibda o’zgartirilishi mumkin:
Mehnat shartnomasini o’zgartirish asoslari quyidagilardan iborat:
mehnat shartlarining o’zgarishi;
xodimning boshqa ishga o’tkazilishi;
ish beruvchining boshqa joyga ko’chishi munosabati bilan joyning o’zgarishi;
xodimning boshqa ish beruvchiga vaqtincha xizmat safariga yuborilishi;
mehnat shartnomasida shart qilib ko’rsatilgan ish joyining o’zgarishi.
3.2. Quyidagi majburiy shartlar bo’lsagina mehnat shartnomasi to’xtatilishi mumkin;
- agar xodim yangi mehnat shartlari asosida ishlashga rozi bo’lmasa;
- agar avvalgi mehnat shartlarini saqlashning imkoni yo’q bo’lsa;
- xodim qonunchilikda nazarda tutilgan holatlarda mehnat shartlarini o’zgartirishni yozma ravishda talab qilishga haqli:
- homilador ayol yoki 14 yoshgacha farzandi bor ayol (16 yoshgacha farzandi bor nogiron) iltimosi bo’yicha to’liq bo’lmagan ish kuni yoki to’liq bo’lmagan ish haftasini belgilash, tibbiy xulosaga muvofiq homilador ayollarga, TMEK tavsiyalariga muvofiq nogironlarga ishlash normalarini kamaytirish.
Ish beruvchi xodim talabini u berilgandan keyin 3 kun ichida ko’rib chiqishi shart.
Talabni qondirishdan bosh tortilsa, ish beruvchi buning sababini xodimga xabar qilishi kerak.
Xodim ish beruvchining mehnat shartlarini o’zgartirganini hamda xodim talabi bo’yicha mehnat shartlarini o’zgartirishdan bosh tortganini sudga shikoyat qilishga haqli.
Ish beruvchi xodimning roziligi bilangina uni boshqa doimiy yoki vaqtinchalik ishga o’tkazishi mumkin.
Ham ishga qabul qilishda, ham ish davomida tomonlarning kelishuvi bilan xodimning asosiy ishi bo’yicha majburiyatlaridan tashqari kasblarni (lavozimlarni) aralashtirish, xizmat doiralarini kengaytirish, bajariladigan ishlar hajmini oshirish (keyingi o’rinlarda kasblarni aralashtirish deb yuritiladi) tartibida qo’shimcha majburiyatlarni bajarishi kelishib olinishi mumkin.
Ko’rsatilgan qo’shimcha ishlar asosiy ish vaqti uchun ajratilgan vaqtda xodim tomonidan bajariladi. Ularni bajarish tartibi va mehnatga haq to’lash hajmi tomonlar kelishuvi bilan aniqlanadi.
Kasblarni aralashtirish tartibida ishlarni bajarish vaqti ham ma’lum muddatga, ham cheklanmagan muddatga kelishib olinishi mumkin.
Kelishib olingan muddat tamom bo’lganidan keyin ushbu xodim bilan tuzilgan kasblarni aralashtirish to’g’risidagi shartlar bekor qilinadi.
Xodim istalgan vaqt mehnat shartnomasini to’xtatishga haqli.
Xodim mehnat shartnomasini to’xtatmoqchiligi haqida ikki hafta oldin kadrlar bo’yicha mutaxassisga tegishli arizani berish yo’li bilan yozma ravishda ish beruvchini ogohlantirishi shart.
Xodimning taqdim etilgan arizasi kechi bilan u taqdim etilgan kunning ertasi kuni rahbarga beriladi.
Agar xodim arizasi uzrli sabablarga ko’ra ishni davom ettirishning imkoni yo’qligi tufayli berilgan bo’lsa, u ariza berilgan kun ish beruvchiga beriladi va ish beruvchi arizada ko’rsatilgan muddatda mehnat shartnomasini to’xtatishi shart.
Quydagilar uzrli sabablarga kiradi:
- o’quv yurtiga qabul qilinish;
- nafaqaga chiqish;
- saylov lavozimiga tayinlanish;
- xodimning yoki uning yaqin qarindoshlarining salomatligiga berilgan TMEK yoki TMK tibbiy xulosasiga muvofiq qarashga muhtoj bo’lsa;
- ushbu ishni davom ettirishning imkonsizligini belgilab beruvchi boshqa uzrli sabablar.
Qonun tomonidan belgilangan ogohlantirish muddati xodim va ish beruvchi kelishuvi bo’yicha qisqartirilishi mumkin, bu esa mehnat shartnomasi to’xtatilgan aniq sana va mehnat shartnomasi huquqi berilgan shaxsning tegishli rezolyusiyasi bilan birga xodim arizasida ko’rsatilishi kerak.
Mehnat shartnomasini to’xtatish to’g’risidagi arizani xodim istalgan vaqt, shu jumladan, vaqtincha mehnatga layoqatsiz bo’lganida, ta’tilda, safarda bo’lganida berishga haqli. Barcha ko’rsatilgan davrlar mehnat shartnomasini to’xtatish to’g’risida belgilangan ogohlantirish muddatida hisobga olinadi.
Ogohlantirish muddati vaqtida tomonlar oddiy tartibda mehnat shartnomasi shartlarini bajarishni davom ettiradi.
Ogohlantirish muddati vaqtida xodim arizani qaytarib olishga haqli.
Agar muddat tamom bo’lganidan keyin mehnat shartnomasi to’xtatilmagan bo’lsa, u holda mehnat munosabatlari davom ettiriladi.
Ma’lum muddatga yoki ma’lum ishni bajarish uchun tuzilgan shartnoma muddati tamom bo’lganidan keyin tomonlarning istalgan biri shartnoma bo’yicha ish muddati tamom bo’lgan kunda yoki u tamom bo’lgan kundan keyingi 7 kun ichida mehnat munosabatlarini to’xtatishga haqli.
Yetti kunlik muddat shartnoma muddati tamom bo’lgan kunning ertasi kuni boshlanadi. Agar yetti kunlik muddatning tamom bo’lishi dam olish kuniga to’g’ri kelsa, u holda uning tamom bo’lishi keyingi ish kuniga ko’chiriladi.
Ish o’rnini saqlab qolgan xodim yo’q bo’lgan vaqtda tuzilgan mehnat shartnomasi muddati ushbu xodim ishga qaytganidan keyin tamom bo’ladi.
3.3. Ish beruvchining tashabbusi bilan noma’lum muddatga tuzilgan mehnat shartnomasi hamda muddatli mehnat shartnomasi uning muddati tamom bo’lishidan oldin to’xtatilishi asosli bo’lishi kerak.
Mehnat shartnomasini to’xtatish asosliligi quyidagi sabablardan birining bo’lishini anglatadi:
- xodimlar soni o’zgarishiga yoki ishlar xususiyati o’zgarishiga yoki korxona tugatilishiga olib kelgan texnologiyalar, ishlab chiqarish va mehnatni tashkil etishdagi o’zgarishlar, ishlar hajmlarining kamayishi;
- malakasizligi yoki sog’lig’i tufayli bajarilayotgan ishga xodimning muvofiq kelmasligi;
- xodimning nojo’ya xatti-harakatlari.
Ko’rsatilgan holatlardan tashqari, shuningdek, qo’shimcha vazifada ishlamaydigan boshqa xodimni ishga qabul qilish yoki mehnat shartlari bo’yicha qo’shimcha ishlar cheklanishi natijasida ish beruvchining tashabbusi bilan qo’shimcha vazifada ishlaydigan xodim bilan mehnat shartnomasi to’xtatilishi mumkin.
Kasaba uyushmasi qo’mitasining dastlabki roziligisiz Tuman AKM rahbari xodim bilan mehnat shartnomasini bekor qilishi mumkin emas, korxonani tugatish holati bundan mustasno.
Ish beruvchi Kasaba uyushmasi qo’mitasi roziligini olgan kundan boshlab, bir oydan kechiktirmay mehnat shartnomasini to’xtatishga haqli, nojo’ya xatti-harakatlar sodir etilganda esa ma’muriy jazo berilishi uchun belgilangan muddatlardan kechikmay mehnat shartnomasini to’xtatishga haqli.
Quyidagi holatlarda ish beruvchining tashabbusi bilan mehnat shartnomasi to’xtatilishiga yo’l qo’yilmaydi:
- vaqtincha ishga layoqatsiz bo’lgan davrda yoki ta’tilda bo’lgan davrda. Korxona to’liq tugatilishiga bu qoida tatbiq etilmaydi;
- homilador ayollar va 3 yoshgacha farzandi bor bo’lgan ayollar, korxona to’liq tugatilgan holat bundan mustasno, unda ishga joylash majburiyati bilan mehnat shartnomasi to’xtatiladi.
Ish beruvchi quyidagi muddatlarda mehnat shartnomasini to’xtatmoqchiligi haqida xodimni yozma ravishda (tilxat asosida) ogohlantirishi shart:
- texnologiyalar, ishlab chiqarish va mehnatni tashkil etishdagi o’zgarishlar, ishlar hajmlarining kamayishi, xodimlar sonining kamayishi yoki ish xususiyatining o’zgarishi yoki korxona tugatilishi tufayli mehnat shartnomasi tugatilishidan kamida
2 oy oldin;
- malakasizligi yoki sog’lig’i tufayli bajarilayotgan ishga xodimning muvofiq kelmasligi tufayli mehnat shartnomasi tugatilishidan kamida 2 hafta oldin.
3.4. Ish beruvchi xodimning nojo’ya xatti-xarakatlari tufayli quyidagi asoslarda u bilan mehnat shartnomasini to’xtatishga haqli:
- xodimning o’z mehnat majburiyatlaririni muntazam buzishi;
- xodimning bir marta o’z mehnat majburiyatlarini qo’pol ravishda buzishi.
Xodim intizom yoki moddiy javobgarlikka jalb etilgan kundan boshlab bir yil davomida xodim tomonidan takror va takror noo’rin xatti-harakat sodir etilishi mehnat majburiyatlarining muntazam buzilishi deb e’tirof etiladi, avvalgi mehnat majburiyatlarini buzganligi uchun unga nisbatan qonunchilik va mehnat to’g’risidagi boshqa normativ hujjatlarda nazarda tutilgan ta’sir ko’rsatiladi.
Quyidagilar mehnat shartnomasi buzilishiga olib kelishi mumkin bo’lgan bir marta sodir etilgan qo’pol xatolar hisoblanadi:
- ijro intizomini buzish (O’zbekiston Respublikasi Prezidenti farmonlarida, qarorlarida va topshiriqlarida, yuqorida turgan organ, hokimiyat va ish beruvchi qarorlarida qo’yilgan vazifalarning o’z vaqtida va to’liq bajarmasligi);
- ishga mast holda (spirtli ichimliklar, giyohvand moddalar, zararli moddalar iste’mol qilib) kelish, bu guvohlar ma’lumoti yoki tibbiy xulosa bilan tasdiqlanishi kerak;
- ishga kelmaslik (uzrli sabablarsiz ishga kelmaslik) yoki ish kuni (smena) davomida uzluksiz yoki umumiy hisoblab chiqqanda 3 soat davomida ishda bo’lmaslik;
- guvohlar tasdiqlashicha, kutubxona mulkini o’g’irlagan bo’lsa;
- tarbiyaviy funksiyalar bajarayotgan xodim tomonidan axloqsiz ish qilinsa va ish faoliyatini davom ettirishga nomuvofiq bo’lsa;
- xodimlar, shu jumladan qoidabuzarning hayoti va salomatligiga xavf solgan xavfsizlik texnikasi va ishlab chiqarish texnologiyasini qo’pol ravishda buzish;
- xodimga O’zbekiston Respublikasida belgilangan bazaviy hisoblash miqdoridan 20 baravar ortiq moddiy zarar yetkazilishga olib kelgan xodimlar mehnat majburiyatlarining buzilishi;
- mehnat shartnomasida sirni ochmaslik kelishilgan bo’lishiga qaramay, xodim tomonidan tijorat sirining fosh qilinishi;
- ish beruvchining ishonchini yo’qotsa, pul va tovar qadriyatlari bilan xizmat ko’rsatuvchi xodimning nojo’ya xatti-harakatli ish sodir etishi.
- malakasizligi yoki sog’lig’i tufayli bajarilayotgan ishga xodimning muvofiq kelmasligi;
- ish vaqtida qonunni buzish va uning natijasida ma’muriy yoki jinoiy javobgarlikka tortilishi;
- noxush voqyeaga olib kelgan ishlab chiqarish texnologiyasining buzilishi;
- qonuniy asoslarsiz lavozim majburiyatlarini bajarishdan bosh tortish;
- Samarqand Qo’shrabot AKM mulkiga qasddan ziyon yetkazish;
- Samarqand Qo’shrabot AKM xodimlarining foydalanuvchilarga qilgan o’ta nomaqbul muomalasidan asosli shikoyat qilishi;
- kitob yo’qotilgani sababli jinoyat ishlari organi tomonidan ish qo’zg’atilishi;
- mansabdor shaxslar tomonidan mehnatni muhofaza qilish to’g’risidagi qonunning buzilishi;
- oldindan ta’lim olmay va davriy yo’riqnomalarsiz ishlarning xavfli va zararli turlarini mustaqil bajarishi uchun xodimlarga ruxsat berish;
- shuningdek, tibbiy ziddiyatlar aniqlanganda ishlashga ruxsat berish;
- belgilangan muddatda sinov muddatini o’tamagan moslamalardan foydalanish;
- yong’in xavfsizligi qoidalarining buzilishi;
- xodimning o’z mehnat majburiyatlarini muntazam ravishda buzishi;
- har kunlik normalarni muntazam ravishda bajarmaslik.
Quyidagi holatlarda mehnat shartnomasi ham to’xtatilishi mumkin:
- xodim harbiy xizmatga chaqirilsa;
- sudning hukmi kuchga kirsa, xodimning sudlanishi natijasida u avvalgi ishini davom ettira olmaydi, shuningdek, sud topshirig’iga ko’ra xodimni ixtisoslashgan davolash-profilaktika muassasasiga yuborish;
- agar yo’l qo’yilgan xatoni bartaraf etish imkoni yo’q bo’lsa va ishni davom ettirishga halaqit bersa, ishga qabul qilishning belgilangan qoidalarini buzish;
- xodimning vafot etishi;
- agar ishning davom ettirilishi ularning salomatligiga xavf solsa yoki ular uchun boshqa zarar bilan bog’liq bo’lsa, ota-onalar (vasiylar), mehnatni muhofaza qiluvchi nazorat organlari.
Mehnat shartnomasini to’xtatish to’g’risidagi buyruqda Mehnat kodeksining tegishli bandi yoki moddasidan yoki boshqa normativ hujjatlardan dalil keltirgan holda mehnat shartnomasini to’xtatish sababi ko’rsatiladi.
Uzrli sabablarga ko’ra va boshqa sabablarga ko’ra xodim tashabbusi bilan qonun tomonidan muayyan imtiyozlar va ustuvorliklar nazarda tutilgan mehnat shartnomasi to’xtatilsa, mehnat shartnomasini to’xtatish to’g’risidagi buyruqda ushbu sabablar ko’rsatiladi.
O’zbekiston Respublikasi Mehnat kodeksi talablariga muvofiq Viloyat AKM direktori tomonidan ma’muriy jazo qo’llaniladi.
Xodim o’z zimmasiga yuklatilgan mehnat majburiyatlarini qonunga zid bajarishi yoki nomuvofiq bajarishi (ichki mehnat tartibi qoidalari, lavozim yo’riqnomalari, ish beruvchining qoidalari va qonuniy buyruqlari, texnika qoidalarini buzishi) uchun ma’muriy jazolar qo’llaniladi.
Ma’muriy jazo amalda bo’lgan vaqtda xodimga rag’batlantirish choralari qo’llanmaydi.
Ma’muriy jazo mehnatga vijdonan munosabatini hisobga olib, muddatidan oldin bekor qilinishi mumkin. Jazoni muddatidan oldin bekor qilish to’g’risidagi masala bo’yicha xizmat rahbari direktor o’rinbosari bilan kelishgan holda direktor nomiga yozma ravishda bildiradi, unda xodim har kuni belgilangan normalarni bajarayotgani, mehnat intizomiga rioya qilayotgani, tashkiliy tadbirlarda faol ishtirok etayotgani ko’rsatiladi.
Xodimga intizomiy jazo chorasi qo’llanilgan muddatda:
- qo’shimcha haq to’lanmaydi;
- mukofot berilmaydi;
- rag’batlantirilmaydi.
Xodimning nojo’ya xatti-harakatlanishlari natijasida mehnat shartnomasi to’xtatilsa, ish beruvchi kamida 3 kun oldin mehnat munosabatlarining to’xtatilishi to’g’risida xodimni xabardor qilishi yoki buning o’rniga unga munosib kompensasiya to’lashi kerak.
Ish beruvchi mehnat intizomlarini tekshirishga kelishga va uni tekshiruvchi komissiya tayinlashga haqli.
Ish beruvchi belgilangan tartibda Samarqand viloyat AKM kutubxonasi mutaxassislarining kasb bo’yicha bilimlarini muntazam ravishda attestasiyadan o’tkazish bo’yicha tadbirni o’tkazishga haqli.
Attestasiyadan o’tmagan xodim bilan attestasiya komissiyasi xulosasi asosida mehnat shartnomasi to’xtatiladi.
Agar tibbiy xulosaga ko’ra xodimga uning zimmasiga yuklatilgan vazifani bajarishi mumkin bo’lmasa, ish beruvchi ogohlantirishsiz mehnat shartnomasini to’xtatishi va xodimga ikki haftalik ish haqi miqdorida kompensasiya to’lashi shart.