Sanitar-feldşer ixtisası üzrə nümunəvi test sualları Bölmə Epidemiologiya

Bölmə 7. Mikrobiologiya və mikrobioloji texnika

755) Aşağıdakılardan hansı mikroskopun optik hissəsinə aiddir?
A) Tubus

B) Güzgü

C) Əşya stolu

D) Makrovint

E) Mikrovint
Güzgü

Güzgünün vəzifəsi işıq şüalarını əşya masası üzərində olan deşiyə doğru yönəltməkdən ibarətdir. Onun bir üzü hamar, digər üzü isə çökükdür. Təbii işıqlanmada hamar, süni işıqlanmada isə çökük səthdən istifadə edilir.

Ədəbiyyat: H.İbrahimov, S. Zeynalova, İ.Əhmədov, A. Bayramov. “Tibbi mikrobiologiyadan tərcübə məşğələlərinə dair” Bakı. 1998. Səh. 10 - 13
756) Mikroskopun mexaniki hissəsinə nə aiddir?
A) Kondensorun linzası

B) Okulyar

C) Obyektiv

D) Tubus

E) Güzgü
- Tubus

Mikroskopun dəstəyinin yuxarı hissəsinə tubus borusu birləşdirilib. Tubus makro və mikrometrik vintlərlə yuxarı və aşağı hərəkət etdirilir. Tubusun yuxarı hissəsinə okulyar taxılır. Aşağı hissəsi isə obyektivlər yerləşən revolverə birləşdirilir.

Ədəbiyyat: H.İbrahimov, S. Zeynalova, İ.Əhmədov, A. Bayramov. “Tibbi mikrobiologiyadan tərcübə məşğələlərinə dair”Bakı. 1998. Səh. 10 - 13