Sh. Sh. Olimov, Sh. X. Samiyeva

Kompyuterda “Farqini top”, “Yil faslini top” “Toʻgʻrisini 
tanla”, “Alifbodan tanla” dadaktik oʻyinlarini, “Archa yonsin 
chiroqlaring”, “Labirint” oʻyinlarini yaratish. Kompyuterda 
innovatsion didaktik oʻyinlar taqdimotini tayyorlash. 
Maktabgacha 
taʻlim jarayonida multimedia vositalaridan foydalanish maktabgacha 
yoshdagi bolalar tomonidan bilimlarni oʻzlashtirishning yuqori 
darajaga koʻtarilishiga olib keladi. Bolalar obrazli maʻlumot turini 
egallab boradilar, taʻlim faoliyatining samarasi uchun tarbiyachining 
ishini qulaylashtiradi. Xususan, “Farqini top”, “Yil faslini top” 
“Toʻgʻrisini tanla”, “Alifbodan tanla”, dadaktik oʻyinlarini, “Archa 
yonsin chiroqlaring”, “Labirint” oʻyinlarini yaratish hamda kompyuter 
vositasida innovatsion didaktik oʻyinlar taqdimotini tayyorlash zarur.
 
“Farqini top”
oʻyinida bolalar rasmga qarab frontal tarzda 
mahsulotlarning turini umumlashtirib, ulardan shu toʻplamga tegishli 
boʻlmaganini topishi va fikrini izohlab berishi lozim. Dastlab mavzu 
materialiga mos rasmlar tanlanib, ekran monitorida taqdimot slaydi 
yoki grafik dasturlar yordamida oldindan tayyorlanib, bolalarga 
namoyish etilishi kerak. Bunda toʻgʻri javobni aytgan bolalar 
ragʻbatlantiriladi. Qolganlar esa, toʻgʻri javob orqali yangi maʻlumotni 
egallaydilar. Masalan: 

---

208 
5.2.1-rasm. „Farqini top“ oʻyini 
Ushbu oʻyin faoliyati davomida kompyuter vositalaridan 
foydalangan holda bolada nazariy fikrlash, rivojlangan tasavvur, 
harakat natijasini bashorat qilish qobiliyati, fikrlash fazilatlari va 
boshqalar rivojlanadi va ijodiy qobiliyatlarning keskin oʻsishiga olib 
keladi. 
“Yil faslini top” oʻyini. 
Ushbu oʻyinda monitorda fasllar 
koʻrinishi aks ettiriladi. Oʻyin mashqida axborot-kommunikatsiya 
texnologiyalaridan foydalanish bolaning ijodiy imkoniyatlarini 
kengaytirishga yordam beradi va maktabgacha yoshdagi bolalarning 
aqliy rivojlanishining turli jihatlariga ijobiy taʻsir koʻrsatadi. Uni 
qoʻllash bilan rivojlanayotgan faoliyat yanada yorqinroq va jadalroq 
boʻladi. Fasllar bilan tanishtirishda kompyuterli texnologiyalardan 
foydalanish taʻlim jarayonini jozibali va chinakam zamonaviy 
qilishga, aniqlik asosida kognitiv va ijodiy vazifalarni hal qilishga 
imkon beradi. Oʻyinda bolalar yilning toʻrt fasllarning nomlarini toʻliq 
aytadilar. Nima sababdan ular turlicha boʻlishi, bunga ob-havoning 
taʻsiri haqida tarbiyachi monitorga qarab gapiradi.

---

209