Sh. Sh. Olimov, Sh. X. Samiyeva

10 tagacha boʻlgan sonlarni yonma-yon turganlarini
(koʻrgazma asosida) taqqoslay olish – 
bunga raqamlar kassasi, 
sonlar qatori, sanoq choʻplarini ishlatish orqali erishiladi.
Teng boʻlmagan 2 guruh narsalar sonini ikki usul bilan
tenglashtira olish
(1ta narsa koʻshish yoki ayirish usuli bilan) – 
toʻplamlarni solishtirish, masalan, ikkita tarelkada qaysida koʻp olma, 
qaysida kamroq olmalar bor?, Guruhda qiz bolalar koʻpmi, oʻgʻil 

---

145 
bolalarmi?, Ular nechtadan?... Mashgʻulotlarni muvaffaqiyatli
oʻtkazishda koʻrsatma-qoʻllanmalarni toʻgʻri tanlashning ahamiyati
katta. Hamma mashgʻulotlarda kundalik turmushda ishlatiladigan 
buyumlar, oʻyinchoqlar, tabiiy materiallardan keng foydalaniladi.
Hamma bolalar oʻyinchoqlar bilan oʻynashlari uchun oʻyinchoqlar 
koʻp miqdorda tanlanadi. 
0 dan 9 gacha boʻlgan raqamlarni nomi va farqini bilish – 
bu 
tushunchalar asosan, koʻrgazmalar va oʻyin mashgʻulotlar, bogʻchada 
olib boriladigan kundalik tartib davomida, bolalarning navbatchiligi 
davomida (Bugun nechta bola bor? Har bir bolaga bittadan idish?, 
Necha kishiga qoshiq bor, necha kishiga yoʻq? savollari orqali) 
amalga oshiriladi. Shuningdek, kichik yoshdagi bolalarda bu 
koʻnikmalar bolaga predmetlarning hajmi, ogʻirligi va uzunligini 
taʻriflab borish, bolaga sayr davrida elementar matematik savollari 
(biz qancha zinapoyani bosib oʻtdik?, senda nechta oʻyinchoq bor?) 
(menga bitta piyola olib kel, ikkita pechenye ber) kabi matematik 
bilimlarni rivojlantirish boʻyicha faoliyatga jalb qilish orqali 
rivojlantiriladi.