Sh. Sh. Olimov, Sh. X. Samiyeva

4.8.5-rasm. “Uddaburon sanoqchiga–bayroqcha“ mashqi
Tayyorlov guruhlarida elementar matematika mashgʻulotida
mantiqiy tafakkur ham oʻstiriladi. Tayyorlov guruhlarida elementar

---

151 
matematika mashgʻulotida mantiqiy tafakkurni oʻstirish uchun 
dastur mazmuni quyidagilarni oʻz ichiga oladi: 
- masala yechish, narsalarni 3 belgisiga koʻra turkumga ajratish, son 
qatori bilan ishlash, ikki xonali sonlarni bilish, masala tuzish, grafik 
diktant yozish, hafta kunlarini bilish malakasi
.
Masalan, tayyorlov guruhi bolalarini buyumlarni boʻlaklarga
boʻlish bilan tanishtirish bunday ketma-ketlikda amalga oshiriladi:
bolalar birinchi mashgʻulotda buyumlarni ikkita teng qismga
boʻlishni mashq qiladilar va yarim nima ekanini oʻzlashtiradilar;
ikkinchi mashgʻulotda bolalarning teng ikkiga boʻlinadigan 
buyumlar haqidagi tushunchalari kengaytiriladi va shunga mos lugʻati
faollashtiriladi, tarbiyachi uchinchi mashgʻulotda bolalarga 
buyumlarni teng toʻrt qismga boʻlish usullarini oʻrgatadi,
shuningdek, butunning qismga munosabatini koʻrsatadi, keyinroq 
bolalarga geometrik figuralarni ikki va toʻrt qismga boʻlishning
har xil usullarini koʻrsatadi, bolalar butun bilan qism orasidagi
munosabatlarni oʻrnatishadi.
Maktabgacha tayyorlov guruhi uchun elementar matematik 
tasavvurlarni rivojlantirishda bolalarning oldingi bosqichlarda olgan 
bilimlarini sistemalashtirish, kengaytirish va chuqurlashtirishni 
nazarda tutadi. Mazkur guruhda matematika mashgʻulotlari haftada
2 tadan (bir yilda 72 ta) oʻtkaziladi. Matematikadan har qanday 
mashgʻulotni loyihalashda bolalar tarbiyachining yonida ishlashlari
bilan bir qatorda oʻz oʻrinlarida tarqatma materiallar bilan
mustaqil ishlashlari ham nazarda tutilishi zarur. 
Nazorat savollari 
1.
Elementar matematika mashgʻulotlari oldida qanday maqsadlar 
qoʻyilgan? 
2.
Maktabgacha tayyorlov guruhi uchun elementar matematik 
tasavvurlarn rivojlantirish mashgʻulotlari yilda necha soat tashkil 
etiladi? 
4.
“Bozor-bozor”, Kim toʻgʻri masala tuzadi va yechadi?” oʻyin-
mashqlarining ishlanmasini tayyorlang 

---

152