2-§ Tadbirkorlik shartnomalarini tuzish, o`zgartirish va bekor
qilish
Fuqarolik kodeksi talablariga ko‘ra tadbirkorlik faoliyati subyektlari
shartnoma tuzishda erkindirlar. Shartnoma tuzishga majbur qilishga yo‘l
qo‘yilmaydi, shartnoma tuzish burchi ushbu Kodeksda, boshqa qonunda
yoki olingan majburiyatda nazarda tutilgan hollar bundan mustasno.
Taraflar qonunchilikda nazarda tutilmagan shartnomani ham tuzishlari
mumkin.
Taraflar turli shartnomalarning elementlarini o‘z ichiga oladigan
shartnoma (aralash shartnoma) tuzishlari mumkin. Aralash shartnoma
bo‘yicha taraflarning munosabatlariga, agar taraflarning kelishuvidan
yoki aralash shartnomaning mohiyatidan boshqacha tartib anglashilmasa,
elementlari aralash shartnomada bo‘lgan shartnomalar to‘grisidagi
qoidalar qo‘llaniladi.
Shartnomaning shartlari taraflarning xohishi bilan belgilanadi,
tegishli shartning mazmuni qonunchilikda ko‘rsatib qo‘yilgan hollar
bundan mustasno. Shartnomaning sharti taraflar kelishuvida boshqacha
tartib belgilab qo‘yilmaganligi tufayli qo‘llaniladigan norma (dispozitiv
norma) da nazarda tutilgan hollarda taraflar o‘zaro kelishib, uning
qo‘llanishini bekor qilishlari yoki unda nazarda tutilganidan boshqacha
shartni belgilashlari mumkin. Bunday kelishuv bo‘lmaganda
shartnomaning sharti dispozitiv norma bilan belgilanadi. Agar shartnoma
shartlari taraflar yoki dispozitiv norma bilan belgilab qo‘yilgan bo‘lmasa,
tegishli shartlar taraflar o‘rtasidagi munosabatlarga nisbatan qo‘llanilishi
mumkin bo‘lgan ish muomalasi odatlari bilan belgilanadi.
Tadbirkorlik faoliyati subyektlari fuqarolik huquqiy shartnomalarni
haq evaziga yoki tekinga tuzishlari mumkin. Haq evaziga tuziladigan
shartnomalarda shartnoma bo‘yicha taraf o‘z burchlarini bajarganligi
uchun haq olishi yoki unga boshqa muqobil to‘lov to‘lanishi lozim bo‘lsa,
bunday shartnoma haq evaziga tuzilgan shartnoma hisoblanadi.
Tekinga tuziladigan shartnomalarda shartnoma bo‘yicha bir taraf
ikkinchi tarafga undan haq yoki boshqa muqobil to‘lov olmasdan biron
narsani berish majburiyatini olsa, bunday shartnoma tekinga tuzilgan
shartnoma hisoblanadi. Agar qonunchilikdan, shartnomaning mazmuni
292
yoki mohiyatidan boshqacha hol anglashilmasa, shartnoma haq evaziga
tuzilgan shartnoma hisoblanadi.
Tadbirkorlik faoliyati subyektlari o‘rtasida tuziladigan deyarli
barcha shartnomalarda uning asosiy shartlaridan biri shartnoma baxosi
hisoblanadi. Unga ko‘ra, shartnomani bajarganlik uchun taraflarning
kelishuvi bilan belgilangan bahoda haq to‘lanadi.
Qonunda nazarda tutilgan hollarda tegishli vakolatga ega bo‘lgan
davlat organlari belgilaydigan yoki tartibga soladigan baholar (tariflar,
rassenkalar, stavkalar va h.k.) qo‘llaniladi. Shartnoma tuzilganidan keyin
bahoni o‘zgartirishga qonunchilik yoki shartnomada nazarda tutilgan
hollarda va shartlarda yo‘l qo‘yiladi.
Haq to‘lashni nazarda tutadigan shartnomada baho nazarda
tutilmagan va shartnoma shartlari bo‘yicha belgilanishi mumkin
bo‘lmagan hollarda shartnomani bajarganlik uchun o‘xshash vaziyatlarda
odatda shunday tovarlar, ishlar yoki xizmatlar uchun olinadigan baho
bo‘yicha haq to‘lanishi kerak.
Tadbirkorlik faoliyatida tuziladigan shartnomalarning ikkinchi
muxim shartlaridan biri bu shartnomaning amal qilish muddati
hisoblanadi. Shartnomada kelishilgan muddat shartnoma tuzilgan
paytidan boshlab kuchga kiradi va taraflar uchun majburiy bo‘lib qoladi.
Taraflar o‘zlari tuzgan shartnomaning shartlarini ularning shartnoma
tuzishidan oldin vujudga kelgan munosabatlariga nisbatan qo‘llaniladi
deb belgilab qo‘yishga haqlidirlar. Qonunda yoki shartnomada
shartnomaning amal qilish muddati tugashi taraflarning shartnoma
bo‘yicha majburiyatlari bekor bo‘lishiga olib keladi, deb belgilanishi
mumkin. Bunday shart yozib qo‘yilmagan shartnoma taraflar
majburiyatni bajarishining shartnomada belgilab qo‘yilgan oxirgi
muddatigacha amal qiladi, deb hisoblanadi. Shartnomaning amal qilish
muddati tugashi taraflarni uni buzganlik uchun javobgarlikdan ozod
qilmaydi.
Fuqarolik kodeksi talablari asosida tadbirkorlik faoliyati subyektlari
dastlabki shartnoma bo‘yicha taraflar kelgusida mol-mulk berish, ishlar
bajarish yoki xizmatlar ko‘rsatish haqida dastlabki shartnomada nazarda
293
tutilgan shartlar asosida shartnoma tuzish (asosiy shartnoma)
majburiyatini olishlari mumkin.
Dastlabki shartnoma asosiy shartnoma uchun belgilangan shaklda,
bordiyu, asosiy shartnomaning shakli aniqlanmagan bo‘lsa, yozma
shaklda tuziladi. Dastlabki shartnomaning shakli to‘grisidagi qoidalarga
rioya qilmaslik uning haqiqiy sanalmasligiga sabab bo‘ladi. Dastlabki
shartnomada asosiy shartnomaning narsasini, shuningdek boshqa muhim
shartlarini belgilab qo‘yish imkonini beradigan shartlar bo‘lishi kerak.
Dastlabki shartnomada taraflar qancha muddatda asosiy shartnomani
tuzish majburiyatini olishi ko‘rsatiladi. Agar dastlabki shartnomada
bunday muddat belgilab qo‘yilgan bo‘lmasa, asosiy shartnoma dastlabki
shartnoma tuzilgan paytdan boshlab bir yil ichida tuzilishi shart.
Dastlabki shartnomani tuzgan taraf asosiy shartnomani tuzishdan
bosh tortgan taqdirda FKning 377-moddasining oltinchi va yettinchi
qismlarida nazarda tutilgan qoidalar qo‘llaniladi. Agar taraflar asosiy
shartnomani tuzishlari lozim bo‘lgan muddatning oxirigacha u tuzilmasa
yoki taraflarning birontasi ham ikkinchi tarafga ana shunday shartnoma
tuzish haqida taklif yubormasa, dastlabki shartnomada nazarda tutilgan
majburiyatlar bekor bo‘ladi.
Tadbirkorlik faoliyati subyektlari fuqarolik kodeksi talablari asosida
uchinchi shaxs foydasiga shartnoma tuzishlari mumkin. Bunda taraflar
qarzdor ijroni kreditorga emas, balki shartnomada ko‘rsatilgan yoki
ko‘rsatilmagan, qarzdordan majburiyatni o‘z foydasiga bajarishni talab
qilish huquqiga ega bo‘lgan uchinchi shaxsga bajarishi majbur deb
belgilab qo‘ygan shartnoma uchinchi shaxs foydasiga tuzilgan shartnoma
deyiladi.
Agar qonunchilikda yoki shartnomada o‘zgacha tartib nazarda
tutilgan bo‘lmasa, uchinchi shaxs shartnoma bo‘yicha o‘z huquqidan
foydalanish niyatini qarzdorga bildirgan paytdan boshlab taraflar o‘zlari
tuzgan shartnomani uchinchi shaxsning roziligisiz bekor qilishlari yoki
o‘zgartirishlari mumkin emas. Qarzdor kreditorga qarshi qo‘yishi
mumkin bo‘lgan e’tirozlarini shartnomada uchinchi shaxsning talablariga
qarshi qo‘yishga haqli. Uchinchi shaxs shartnoma bo‘yicha o‘ziga
berilgan huquqdan foydalanishdan voz kechgan taqdirda, basharti
294
qonunchilik va shartnomaga zid bo‘lmasa, kreditor bu huquqdan
foydalanishi mumkin.
Tadbirkorlik faoliyati subyektlari shartnoma tuzishda O‘zR
FKsining 364-moddasida belgilangan asosiy qoidalarga amal qilishi
lozim. Ushbu moddada, agar taraflar o‘rtasida shartnomaning barcha
muhim shartlari yuzasidan shunday hollarda talab qilinadigan shaklda
kelishuvga erishilgan bo‘lsa, shartnoma tuzilgan hisoblanadi.
Shartnomaning narsasi to‘grisidagi shartlar, qonunchilikda bunday
turdagi shartnomalar uchun muhim yoki zarur deb hisoblangan shartlar,
shuningdek taraflardan birining arizasiga ko‘ra kelishib olinishi zarur
bo‘lgan hamma shartlar muhim shartlar hisoblanadi. Shartnoma
taraflardan birining oferta (shartnoma tuzish haqida taklif) yo‘llashi va
ikkinchi taraf uni aksteptlashi (taklifni qabul qilishi) yo‘li bilan tuziladi.
Tadbirkorlik
faoliyati
subyektlari
shartnoma
tuzishda
shartnomaning tuzilish payti muxim qoidalardan biri hisoblanadi. Unda
ya’ni oferta yo‘llagan shaxs uning aksteptini olgan paytda shartnoma
tuzilgan hisoblanadi. Agar qonunga muvofiq shartnoma tuzish uchun
mol-mulkni topshirish ham zarur bo‘lsa, shartnoma tegishli mol-mulk
topshirilgan paytdan boshlab tuzilgan hisoblanadi (O‘zbResFKning 185-
moddasi).
Tadbirkorlik faoliyati subyektlari shartnomaviy munosabatlarga
kirishishda uning shakliga e’tibor qaratishlari muxim hisoblanadi. Unga
ko‘ra, agar qonunda muayyan turdagi shartnomalar uchun ma’lum bir
shakl belgilab qo‘yilgan bo‘lmasa, shartnoma bitimlar tuzish uchun
nazarda tutilgan har qanday shaklda tuzilishi mumkin. Notarial
tasdiqlanishi yoki davlat ro‘yxatidan o‘tkazilishi shart bo‘lgan shartnoma
notarial tasdiqlangan yoki ro‘yxatdan o‘tkazilgan paytdan e’tiboran,
notarial tasdiqlanishi va ro‘yxatdan o‘tkazilishi zarur bo‘lganda esa —
shartnoma ro‘yxatdan o‘tkazilgan paytdan e’tiboran shartnoma tuzilgan
hisoblanadi.
Agar taraflar shartnomani muayyan shaklda tuzishga kelishgan
bo‘lsalar, garchi qonunda bu turdagi shartnomalar uchun bunday shakl
talab
qilingan
bo‘lmasa-da,
shartnoma
belgilangan
shaklga
keltirilganidan keyin tuzilgan hisoblanadi.
295
Yozma shartnoma taraflar imzolagan bitta hujjatni tuzish yo‘li bilan,
shuningdek pochta, telegraf, teletayp, telefon, elektron aloqa yoki hujjat
shartnomadagi tarafdan chiqqanligini ishonchli suratda aniqlash imkonini
beradigan boshqa aloqa yordamida hujjatlar almashish yo‘li bilan tuzilishi
mumkin. Agar shartnoma tuzish haqidagi yozma taklif ushbu Kodeks
370-moddasining to‘rtinchi qismida nazarda tutilgan tartibda olingan
bo‘lsa, shartnomaning yozma shakliga rioya qilingan hisoblanadi.
Tadbirkorlik
faoliyati
subyektlari
tomonidan
tuziladigan
shartnomaviy munosabatlarning dastlabki jarayonida oferta yo‘llash
tartibi belgilangan. Unga ko‘ra, shartnoma tuzishda bir yoki bir necha
muayyan shaxsga yuborilgan, etarli darajada aniq bo‘lgan va taklifni
kiritgan shaxsning o‘zini taklif yo‘llangan va uni qabul qiladigan shaxs
bilan shartnoma tuzgan deb hisoblash niyatini ifoda etadigan taklif oferta
hisoblanadi. Ofertada shartnomaning muhim shartlari ifoda qilingan
bo‘lishi kerak. Oferta uni yo‘llagan shaxsni oferta yo‘llangan shaxs bilan
u ofertani olgan paytdan boshlab boglaydi. Agar ofertani chaqirib olish
to‘grisidagi bildirish ofertaning o‘zidan oldin yoki u bilan bir vaqtda
kelgan bo‘lsa, oferta olinmagan hisoblanadi.
Shartnomani tuzish paytida ofertaning chaqirib olinmasligi
fuqarolik kodeksida belgilangan. Unda qabul qiluvchi taraf olgan oferta
uni aksteptlash uchun belgilab qo‘yilgan muddat mobaynida chaqirib
olinishi mumkin emas, basharti boshqacha tartib ofertaning o‘zida shart
qilib qo‘yilgan bo‘lmasa yoki taklifning mohiyatidan yoxud u yo‘llangan
paytdagi vaziyatdan anglashilmasa.
Tadbirkorlar o‘rtasida tuziladigan shartnomalarda ofertaga taklif
etish qoidasi asosida nomuayyan shaxslar doirasiga yo‘llangan reklama
va boshqa takliflar, agar taklifda boshqacha hol to‘gridan-to‘gri
ko‘rsatilgan bo‘lmasa, ofertaga taklif etish deb qaraladi. Shartnomaning
barcha asosiy shartlarini o‘z ichiga olgan, taklif kiritayotgan shaxsning
javob qaytargan har qanday shaxs bilan taklifda ko‘rsatilgan shartlar
asosida shartnoma tuzishga bo‘lgan xohish-irodasi bilinib turgan taklif
oferta (ommaviy oferta) hisoblanadi.
Tadbirkorlik faoliyatida tuziladigan shartnomalarning navbatdagi
bosqichi akstept bo‘lib, unda oferta yuborilgan shaxsning uni qabul
296
qilganligi haqidagi javobi akstept hisoblanadi. Akstept to‘liq va
pisandasiz bo‘lishi kerak. Agar qonundan, ish muomalasi odatidan yoki
taraflarning ish bo‘yicha avvalgi munosabatlaridan boshqacha ma’no
kelib chiqmasa, sukut saqlash akstept bo‘lmaydi. Ofertani aksteptlash
uchun belgilangan muddatda olgan shaxsning unda ko‘rsatilgan
shartnoma shartlarini bajarish yuzasidan qilgan harakatlari (tovarlarni
jo‘natish, xizmatlar ko‘rsatish, ishlar bajarish, tegishli summani to‘lash va
h. k.), agar qonunchilikda yoki ofertada boshqacha tartib nazarda
tutilmagan yoki ko‘rsatilmagan bo‘lsa, akstept hisoblanadi. Shuningdek,
FKda akstept bilan bogliq boshqa tartiblar xam belgilangan. (FKning 371-
moddasi Aksteptni chaqirib olish, 372-moddasi Akstept muddati
ko‘rsatilgan oferta asosida shartnoma tuzish, 373moddasi Akstept
muddati ko‘rsatilmagan oferta asosida shartnoma tuzish, 374moddasi
Kechikib olingan akstept va 375-moddasida boshqa shartlar asosidagi
aksteptlar nazarda tutilgan)
Tadbirkorlik shartnomalarida shartnomaning tuzilgan joyi muxim
shartlardan biri bo‘lib, FKga asosan agar shartnomada uning tuzilgan joyi
ko‘rsatilgan bo‘lmasa, shartnoma oferta yo‘llagan fuqaroning yashash
joyida yoki yuridik shaxsning joylashgan erida tuzilgan hisoblanadi.
FKning 378-moddasida shartnoma oldidan bo‘ladigan nizolar
belgilangan bo‘lib, unda shartnoma tuzish chogida yuz bergan
kelishmovchiliklar O‘zR FKsning 377-moddasiga muvofiq qarab chiqish
uchun sudga berilgan hollarda shartnomaning taraflar o‘rtasida
kelishmovchiliklar chiqishiga sabab bo‘lgan shartlari sud qaroriga
muvofiq belgilanadi.
Tadbirkorlik
faoliyati
subyektlarining
kimoshdi
savdosida
shartnoma tuzish talablarida agar shartnomaning mazmunidan boshqacha
tartib anglashilmasa, u kim oshdi savdosini o‘tkazish yo‘li bilan tuzilishi
mumkin. Shartnoma kimoshdi savdosida golib chiqqan shaxs bilan
tuziladi. Ashyoning mulkdori yoki mulkiy huquq egasi yoxud
ixtisoslashgan tashkilot kimoshdi savdosining tashkilotchisi bo‘lishi
mumkin. Ixtisoslashgan tashkilot ashyoning mulkdori yoki mulkiy huquq
egasi bilan shartnoma tuzish asosida ish olib boradi va ular nomidan yoki
o‘z nomidan harakat qiladi. Ushbu Kodeksda yoki boshqa qonunda
297
ko‘rsatilgan hollarda ashyoni yoki mulkiy huquqni sotish to‘grisidagi
shartnomalar faqat kimoshdi savdosi o‘tkazish yo‘li bilan tuzilishi
mumkin. Kimoshdi savdosi aukstion yoki tanlov shaklida o‘tkaziladi.
Kimoshdi savdosining shakli, agar qonunda boshqacha tartib belgilangan
bo‘lmasa, sotiladigan ashyoning mulkdori yoki sotiladigan mulkiy
huquqning egasi tomonidan belgilanadi. Faqat bitta ishtirokchi
qatnashgan aukstion va tanlov o‘tkazilmagan hisoblanadi.
O‘zR FKsning 380 va 381-moddalarida nazarda tutilgan qoidalar,
agar qonunchilikda boshqacha tartib nazarda tutilgan bo‘lmasa, sud
qarorini ijro etish tartibida o‘tkaziladigan kimoshdi savdosiga nisbatan
ham qo‘llaniladi.
Shartnomalar tuzish – biznes uchun kundalik amaliyotdir.
Korxonada shartnomaviy ishni tashkil qilish ayrim savollarga javoblarni
talab qiladi. Nimadan boshlash kerak? Shartnomaga qanday bo‘limlarni
kiritish kerak? Qanday shartnoma xatolarini oldini olish yoki yo‘l
qo‘yilgan xatolarni tuzatish mumkin? Bu haqda batafsil keyingi qismlarda
ko‘rib chiqamiz.
O‘zR FKning 382-moddasi talablari asosida tadbirkorlik faoliyati
subyektlari o‘rtasida tuziladigan shartnomalarni o‘zgartirish va bekor
qilish asoslari belgilangan. Agar ushbu Kodeksda, boshqa qonunlarda
yoki shartnomada boshqacha tartib nazarda tutilgan bo‘lmasa, shartnoma
taraflarning kelishuviga muvofiq o‘zgartirilishi va bekor qilinishi
mumkin.
Taraflardan birining talabi bilan shartnoma sud tomonidan faqat
quyidagi hollarda o‘zgartirilishi yoki bekor qilinishi mumkin:
1)
ikkinchi taraf shartnomani jiddiy ravishda buzsa;
2)
ushbu Kodeks, boshqa qonunlar va shartnomada nazarda
tutilgan o‘zga hollarda.
Taraflardan birining shartnomani buzishi ikkinchi tarafga u
shartnoma tuzishda umid qilishga haqli bo‘lgan narsadan ko‘p darajada
mahrum bo‘ladigan qilib zarar etkazishi shartnomani jiddiy buzish
hisoblanadi. Bir taraf shartnomani bajarishdan to‘la yoki qisman bosh
tortib, qonun yohud taraflarning kelishuvida bunga yo‘l qo‘yilsa,
shartnoma tegishlicha bekor qilingan yoki o‘zgartirilgan hisoblanadi.
298
O‘zR FKsning 383-moddasida vaziyat jiddiy o‘zgarishi munosabati
bilan shartnomani o‘zgartirish va bekor qilish tartibi belgilanib, unda
shartnoma tuzishda taraflar uchun asos bo‘lgan vaziyatning jiddiy
o‘zgarishi, agar boshqacha tartib shartnomada nazarda tutilgan bo‘lmasa
yoki uning mohiyatidan anglashilmasa, shartnomani o‘zgartirish yoki
bekor qilish uchun asos bo‘ladi. Vaziyatning taraflar oldindan ko‘ra
bilganlarida shartnomani umuman tuzmasliklari yoki ancha farq qiladigan
shartlar bilan tuzishlari mumkin bo‘lgan darajada o‘zgarishi uning jiddiy
o‘zgarishi hisoblanadi.
Agar
taraflar
shartnomani
jiddiy
o‘zgargan
vaziyatga
muvofiqlashtirish yoki uni bekor qilish haqida kelisha olmagan bo‘lsalar,
shartnoma manfaatdor tarafning talabi bilan sud tomonidan bekor
qilinishi, ushbu moddaning beshinchi qismida nazarda tutilgan asoslarga
ko‘ra esa — o‘zgartirilishi mumkin, yoki ayni vaqtda quyidagi shartlar
mavjud bo‘lsa:
1)
shartnomani tuzish paytida taraflar vaziyatda bunday o‘zgarish
yuz bermaydi, deb hisoblagan bo‘lsalar;
2)
vaziyatning o‘zgarishini keltirib chiqargan sabablarni, ular
paydo bo‘lganidan keyin manfaatdor taraf shartnomaning xususiyatiga va
muomala shartlariga ko‘ra o‘zidan talab qilinadigan darajada vijdoniylik
va ehtiyotkorlik qilgan bo‘lishiga qaramay, bu sabablarni yenga olmagan
bo‘lsa;
3)
shartnomani uning shartlarini o‘zgartirmasdan bajarish taraflar
mulkiy
manfaatlarining shartnomaga mos keladigan nisbatini buzsa va
manfaatdor tarafga zarar yetkazsa, natijada ular shartnoma tuzishda umid
qilishga haqli bo‘lgan narsadan ko‘p darajada mahrum bo‘lsalar;
4)
ish muomalasi odatlaridan yoki shartnomaning mohiyatidan
vaziyatning o‘zgarishi xavfiga manfaatdor taraf uchrashi kerakligi
anglashilmasa.
Vaziyatning jiddiy o‘zgarishi oqibatida shartnoma bekor
qilinganida sud har qanday taraf talabi bilan shartnomani bekor qilish
oqibatlarini aniqlashda taraflarning ushbu shartnomani bajarish bilan
299
bogliq xarajatlarini ular o‘rtasida adolatli taqsimlash zarurligiga
asoslanadi.
Vaziyatning jiddiy o‘zgarishi munosabati bilan shartnomaning
o‘zgartirilishiga shartnomani bekor qilish ijtimoiy manfaatlarga zid
bo‘lgan yoki taraflarga shartnomani sud tomonidan o‘zgartirilgan shartlar
asosida bajarish uchun talab qilinadigan xarajatlardan ancha ortiq zarar
keltiradigan favqulodda hollarda sud qarori bilan yo‘l qo‘yiladi.
Tadbirkorlik subyektlari faoliyatida shartnomani o‘zgartirish va
bekor qilish O‘zR FKsning 384-moddasi asosida hal etiladi. Unga ko‘ra,
shartnoma qanday shaklda tuzilgan bo‘lsa, uni o‘zgartirish yoki bekor
qilish to‘grisidagi kelishuv ham shunday shaklda tuziladi, basharti
qonunchilikdan, shartnoma yoki ish muomalasi odatlaridan boshqacha
tartib kelib chiqmasa. Bir taraf shartnomani o‘zgartirish yoki bekor qilish
haqidagi taklifga ikkinchi tarafdan rad javobi olganidan keyingina yoki
taklifda ko‘rsatilgan yoxud qonunda yoinki shartnomada belgilangan
muddatda, bunday muddat bo‘lmaganida esa — o‘ttiz kunlik muddatda
javob olmaganidan keyin, shartnomani o‘zgartirish yoki bekor qilish
haqidagi talabni sudga taqdim etishi mumkin.
Tadbirkorlik faoliyati subyektlari o‘rtasida tuzilgan shartnomani
o‘zgartirish va bekor qilishning oqibatlari O‘zR FKsning 385-moddasi
talablariga amal qilgan xolda xarakat qilishlari shart. Ushbu moddada
shartnoma o‘zgartirilganida taraflarning majburiyatlari o‘zgartirilgan
holda saqlanib qoladi. Shartnoma bekor qilinganida taraflarning
majburiyatlari bekor bo‘ladi. Shartnoma o‘zgartirilgan yoki bekor
qilingan taqdirda, agar kelishuvdan yoki shartnomani o‘zgartirish
xususiyatidan boshqacha tartib anglashilmasa, taraflar shartnomani
o‘zgartirish yoki bekor qilishga kelishgan paytdan boshlab, shartnoma
sud tartibida o‘zgartirilgan yoki bekor qilinganida esa — sudning
shartnomani o‘zgartirish yoki bekor qilish haqidagi qarori qonuniy
kuchga kirgan paytdan boshlab majburiyatlar o‘zgartirilgan yoki bekor
qilingan hisoblanadi. Agar qonunda yoki taraflarning kelishuvida
boshqacha tartib belgilab qo‘yilgan bo‘lmasa, taraflar shartnoma
o‘zgartirilguncha yoki bekor qilinguncha majburiyat bo‘yicha o‘zlari
bajargan narsalarni qaytarib berishni talab qilishga haqli emaslar.
300
Agar shartnomani o‘zgartirish yoki bekor qilishga taraflardan
birining shartnomani jiddiy buzishi asos bo‘lgan bo‘lsa, ikkinchi taraf
shartnomani o‘zgartirish yoki bekor qilish tufayli etkazilgan zararni
to‘lashni talab qilishga haqli.
Dostları ilə paylaş: |