Shirin xanim Sechmeler 4-cu ktab indd

 30.11.2013. Pirallahi
 *** 
Əcəb düşdün qəlb içinə ordan getmək nə müşkülmüş.
Haqqım bidar olub yaman, haqqa yetmək nə müşgülmüş.
Hamı ömrə sığal çəkir, bilmir tanrı pərvənəsi,
Qanad açıb şahin təki onu ötmək nə müşkülmüş.
Fikirlərim zəncirvari göylə-yerlə bəndə düşüb,
Haçalanıb xəyallartək gözdən itmək nə müşkülmüş.
Səyyarələr sirr içində aləm ona heyrət edir,
Uçub-qonub kainata orda bitmək nə müşkülmüş.
Şadiman söz təlaşında onun dildən kənar edir,
Çəkib bağra misraları kabab etmək nə müşkülmüş.
 30.11.2013. Pirallahi

---

220
Ширин Ханым Кяримбяйли Шадиман
 *** 
Bir dəm zamanım getməyir hicranına qarşı,
Can niyə bəs hicrana düşüb canına qarşı?
Mən ki, yatıram hər gecəni sübhi-xəyalla,
Diləklərim olmadı heç dövranına qarşı.
Arzu mələyi başımın üstündə dolaşır,
Gəl etmə vəfasızlığı zamanına qarşı.
 
Dilin acısı qəlbə girib sitəmlər edir,
Bir kimsə çıxmayıb hələ fərmanına qarşı.
Etməginən Şadimanın ağlına seyri heç,
 Bir dəm ağıl çıxmayıb can dərmanına qarşı.