Soliq statistikasi indd
Soliq qarzini to‘lashni kechiktirish
Yüklə 0,94 Mb. Pdf görüntüsü
|
|
5.2.Soliq qarzini to‘lashni kechiktirish,
bo‘lib-bo‘lib to‘lash Ayrim xo‘jalik yurituvchi subyektlarga soliq qarzini to‘lashni kechiktirish yoki bo‘lib-bo‘lib to‘lash uchun ruxsat berilishi mumkin. Asosan moliyaviy qiyinchilikka ega bo‘lgan korxonalarga davlat tomonidan yordam ko‘rsatish tariqasida soliq qarzini to‘lashni kechiktirish yoki bo‘lib-bo‘lib to‘lash uchun ruxsat beriladi. Soliq to‘lovchilarga soliq qarzini to‘lashni kechiktirish yoki bo‘lib-bo‘lib to‘lash uchun ruxsat berish umumiy shartlari va amalga oshirish 141 tartibi O‘zbekiston Respublikasining soliq kodeksini 54.55- moddalarida batafsil yoritilgan. Soliq kodeksining mazkur moddalariga asosan, “soliq qarzini to‘lashni kechiktirish yoki bo‘lib-bo‘lib to‘lash” iborasi ostida vaqtinchalik moliyaviy qiyinchilikka ega bo‘lgan korxonalarga davlat tomonidan yordam ko‘rsatish maqsadida to‘lash muddatini soliq to‘lovchi qarz summasini bir yo‘la yoki bosqichma-bosqich to‘lagan holda keyinroq muddatga tushuniladi. Soliq qarzini to‘lashni kechiktirish yoki bo‘lib-bo‘lib to‘lash soliqqa oid qonun hujjatlarida belgilangan tartibda O‘zbekiston Respublikasi Vazirlar Mahkamasi yoki u vakolat bergan organ tomonidan bir oydan yigirma to‘rt oygacha muddatga beriladi. Yuqorida ta’kidlanganidek, soliq qarzini to‘lashni kechiktirish yoki bo‘lib-bo‘lib to‘lash korxona va tashkilotlarning moliyaviy barqarorligini ta’minlash maqsadida qo‘llaniladi. Shu sababli, bunday imtiyozni berish uchun soliq to‘lovchining moliyaviy holati o‘rganiladi. Agar qo‘shimcha hisoblangan soliqlar va boshqa majburiy to‘lovlar hamda moliyaviy sanksiyalar bo‘yicha soliq majburiyatini to‘lashni kechiktirish yoki bo‘lib-bo‘lib to‘lash, oxirgi hisobot sanasidagi holatga ko‘ra xo‘jalik yurituvchi subyektning joriy aktivlar summasining jami 20 foizidan ortiq miqdorini tashkil qilgan hollarda ruxsat beriladi. Soliq qarzdorligi undirish to‘g‘risida qaror qabul qilingan kundan e’tiboran olti oy ichida soliq qarzi oyma-oy bo‘lib to‘langan holda amalga oshiriladi. To‘lashni kechiktirish yoki bo‘lib-bo‘lib to‘lash uchun ruxsat soliq qarzining faqat bir qismiga ham berilishi mumkin. Soliqlar va boshqa majburiy to‘lovlar bo‘yicha qarzni to‘lashni kechiktirish yoki bo‘lib-bo‘lib to‘lashni amalga oshirish davrida soliqlar va boshqa majburiy to‘lovlar bo‘yicha penya hisoblash vaqtinchalik to‘xtatib turiladi. Soliq qarzini to‘lashni kechiktirish yoki bo‘lib-bo‘lib to‘lash qoidalari O‘zbekiston Respublikasi Vazirlar Mahkamasi tomonidan belgilanadi. 142 Imtiyozdan foydalanish oxirgi sanasi bo‘lib soliq qarzini to‘- lashni kechiktirish yoki bo‘lib-bo‘lib to‘lash ruxsatnomasining amal qilish muddati hisoblanadi. Soliq qarzini to‘lashni kechiktirish yoki bo‘lib-bo‘lib to‘lash uchun berilgan ruxsat muddatidan oldin ham tugatilishi mumkin. Agar kechiktirilgan yoki bo‘lib-bo‘lib to‘lanadigan soliq qarzining jami summasi o‘z vaqtida to‘lanmasa yoki bo‘lib-bo‘lib to‘lash muddati o‘tguniga qadar to‘lansa, yoki imtiyozdan foydalanish shartlari buzilsa – imtiyozning amal qilinishi muddatidan oldin tugatiladi. Yüklə 0,94 Mb. Dostları ilə paylaş:
|