Söz köNLÜMÜ QƏLƏm etdi (publiSİSTİk düŞÜNCƏLƏR)

08.06.2016

---

282
NİZAMİ MƏQBƏRƏSİ 
ÖNÜNDƏ RƏQS
İki gün bundan qabağın sözüdür. Mədəniyyət Azərbaycan Televiziya 
Kanalına baxırdıq. Gəncədə Nizami məqbərəsinin önündə oğlan və qızların 
rəqsini göstərirdilər. Doğrusu, mən o qədər də fərqinə varmadım. Birdən 
həyat yoldaşım dedi, bunlara bax e, gör harada rəqs edirlər?!
Orda rəqs, musiqi olmaz, ora ziyarətə gedərlər, rəqs etməzlər…
Elə bil yuxudan ayıldım, həqiqi mənada çox pis oldum. Adətən məzar 
yerləşən yerə ziyarətə gedərlər. Nizami Gəncəvinin məqbərəsi önündə rəqs 
ansamblını nümayiş etdirmək, məncə, heç bir məntiqə sığmır, çünki hamı 
bilir ki, orda dahi şairin məzarı yerləşir, məzar yerləşən məkanda hansısa 
rəqsi görüntüləmək heç yaxşı hal deyil. Zənnimcə, bu orda yatanın ruhunu 
incitməkdən savayı bir şey deyil.
Yəqin  ki,  hər  dəfə  o  məkanda  hansısa  bir  musiqi  nömrəsi  nümayiş 
etdiriləndə bizim kimi fikirləşənlər az olmur. Ona görə bu kimi işləri həyata 
keçirən, məsul olan şəxslər diqqətli olmalıdırlar. Nizami Gəncəvi dünyəvi 
şairdir, indi bizim teleməkana da xaricdən baxanlar az deyil. Özümüzü et-
diyimiz qeyri-normal hərəkətlərlə gülüş hədəfinə çevirməyək. Kənardan 
vallah, billah yaxşı görünmür. 
Məqbərə və onun ətrafı oxumaq, oynamaq məkanı deyil. Ora ziyarətə 
gedərlər, ən azından müsəlman olduğumuza görə, məzarda yatanın ruhuna 
salavat çevirərlər. 
Doğrudan  da,  hər  hansı  düşünülməmiş  hərəkət,  yersiz  ağızdan  çıxan 
söz,  taleyüklü  məsələlərdə  tələskənlik  sonradan  qarşısıalınmaz  ağrı-
acı ilə özünü büruzə verir. Mənə elə gəlir ki, məqbərə önündəki rəqs də 
düşünülməmiş hərəkətin bəhrəsidir. 
Bu kiçik məqaləni dahi şairin öz sözləri ilə bitirmək istəyirəm:
“Bir inci saflığı varsa da suda,
 Artıq içiləndə dərd verər o da”.
10.07.2016