T a s d I q L a y m a n

6-bob. Akademik mobillik va kreditlarni tan olish 
25. Akademik mobillikni ta’minlash va talabaning kreditlari oliy ta’lim 
muassasasi tomonidan tan olinishida quyidagi hujjatlardan foydalaniladi: 
fanlar katalogi; 
belgilangan shakldagi ta’lim to‘g‘risidagi kelishuv, ma’lumotnoma va 
sertifikat (3-7 ilovalar). 
Mazkur hujjatlar ta’lim olish natijalarini aks ettiradi va Universitet kreditlarni 
tan olish va ko‘chirib o‘tkazish uchun asos hisoblanadi. 
26. Talaba jo‘natuvchi oliy ta’lim muassasasi tavsiyasiga asosan qabul 
qiluvchi oliy ta’lim muassasasiga akademik mobillikni amalga oshirish uchun zarur 
hujjatlarni topshiradi. Jo‘natuvchi oliy ta’lim muassasasi tomonidan talabaga 
belgilangan shakldagi transkript taqdim etiladi. 
27. Talabaning akademik mobillik davrida o‘zlashtirilishi belgilangan ta’lim 
elementlarini jo‘natuvchi oliy ta’lim muassasasining roziligisiz va u bilan 
kelishmasdan o‘zgartirish mumkin emas. Jo‘natuvchi oliy ta’lim muassasasining 
ta’lim dasturi bo’yicha ta’lim olish natijalariga xorijdagi hamkor oliy ta’lim 
muassasalari, markazlar va tashkilotlarning ta’lim dasturlarida belgilangan ta’lim 
olish natijalari jo‘natuvchi oliy ta’lim muassasasining ta’lim dasturi bo‘yicha ta’lim 
olish natijalariga mos kelishi yoki ularni to‘ldirishi lozim. Mobillik vaqtida akademik 
yil ko‘rsatkichlari tahlil qilinadi va ushbu Nizomga asosan kreditlar tan olinishi 
belgilanadi. 
28. Ta’lim to’g’risidagi kelishuvda qabul qiluvchi oliy ta’lim muassasasida 
talaba tomonidan o‘zlashtiriladigan o‘quv elementlari to‘plamining ta’lim dasturiga 
integratsiya qilinganligi aniq ko‘rsatilgan bo‘lishi lozim. Qabul qiluvchi, shu 
jumladan xorijdagi oliy ta’lim muassasasida o‘zlashtiriladigan kreditlar miqdori 
o‘qish davriga (3 — 6 oy yoki 1 — 3 yil) mutanosib bo‘lishi kerak. Jo‘natuvchi oliy 
ta’lim muassasasi tomonidan mobillik davrida talabaning o‘zlashtirgan (to‘liq yoki 
qisman) kreditlari tan olinadi. Talaba jo‘natuvchi oliy ta’lim muassasasiga qaytib 
kelgach, mobillik davrida to‘plangan kreditlar miqdoridan kelib chiqqan holda 

---

amaldagi tartib-qoidalar asosida uni keyingi kursga o‘tkazish yoki kursda qoldirish 
belgilanadi. 
29. Universitet akademik mobillik dasturi bo‘yicha rejalashtirilgan ta’lim 
elementlarini o‘zlashtirish uchun talabani belgilangan shakl asosida ro‘yxatdan 
o‘tkazadi va mobillik davrida ushbu elementlarni o‘zlashtirish imkoniyatlari 
ta’minlanishi majburiyatini oladi. 
30. Hamkor universitetlar, markazlar va tashkilotlar bilan birgalikda ishlab 
chiqilgan ta’lim dasturlari doirasida akademik mobillik uchun ta’lim to‘g‘risidagi 
kelishuvlarni tuzish zarur hisoblanmaydi. 
31. Ta’lim to‘g‘risidagi kelishuvga muvofiq akademik mobillik davrida 
talabaning bilim darajasini aniqlovchi ko‘rsatkichlar Akademik qoidalarning 8-
ilovasiga muvofiq oily ta’lim muassasalarining baholash tizimini boshqa baholash 
tizimlariga konvertatsiya qilish jadvali asosida qabul qilinadi. 
32. Stajirovkani o‘tash bo‘yicha kelishuv talaba, oliy ta’lim muassasasi va 
qabul qiluvchi tashkilot tomonidan uch tomonlama imzolanadi.
33. Stajirovka davomida talaba tomonidan o‘zlashtirilgan bilimlarning 
oshkoraligini ta’minlash va ularni tasdiqlash maqsadida qabul qiluvchi muassasa 
tomonidan stajirovkani o‘taganlik to‘g‘risida sertifikat beriladi.