Tarix dərsliyi. V-XI siniflərin tarix dərsliklərinin təhsil-tərbiyəvi və inkişafetdirici vəzifələrinin xarakteristikası – onlar arasında ardıcıllıq və varislik

b) Avropanın ən qədim sivilizasiyaları. Şagirdlər Krit – Miken, yunan və ellinizm mədəniyyətini, bunların sosial, siyasi və iqtisadi həyatla əlaqəsini, dövlətlərarası münasibətləri araşdıra bilirlər.

Şagirdlər Qədim Romanın sosial, siyasi, iqtisadi və mədəni həyatını, onun digər dövlətlərlə münasibətlərini, respublikanın yaranması və süqutunun səbəblərini, imperiya ilə əlaqədar faktları təhlil etmək əsasında köhnə cəmiyyətin tənəzzülü və yeni cəmiyyətin yaranması ilə bağlı nəticələr çıxarırlar. Şagirdlər qədim dünya sivilizasiyalarının ən mühüm dəyərlərini (demokratiya, respublika, vətəndaş, birgə yaşayış qaydaları ümumbəşəri əxlaq, ümumbəşəri mədəniyyət və s.), dünya mədəniyyətinin inkişafında rolunu qiymətləndirirlər.