2022-yil 21-oktyabr kuni O’zbek tiliga Davlat tili maqomi berilganining 33 yilligiga bag’ishlab “O’zbek tilim-ona tilim” mavzusida musiqa rahbari rahbarligida bayram tadbiri o’tkazildi. Tadbirda DMTT rahbari, guruh tarbiyachilari, guruh tarbiyalanuvchilar va ota-onalar ishtirok etdilar. Musiqa rahbari rahbarligida katta va tayyorlov guruhi tarbiyalanuvchilari o’zlarining ona tiliga bag’ishlangan she’rlari, ashulalari va donolarning hikmatli so’zlari, maqollari va sahna ko’rinishlari bilan ishtirok etib barchani hushnud etdilar. Bayramda “Til –dil ko’zgusi” mavzusida o’tkazilgan rasmlar tanlovi g’oliblariga esdalik sovg’alar va faxriy yorliqlar topshirildi. Jajji qizaloqlar tomonidan ijro etilgan raqslar tadbirga yanada ko’tarinkilik qo’shdi
18-noyabr O’zbekiston Respublikasining Davlat Bayrog’i qabul qilingan kunning 31 yilligiga bag’ishlab 2022-yil 18-noyabr soat 12:00 da tarbiyalanuvchi va
DMTT xodimlari ishtrokida “Davlatimiz bayrog’i – mustaqilligimiz ramzidir” shiori ostida tadbir bo’lib o’tdi. Tantanali tadbirga ota-onalar, MFY hodimlari taklif etildi. Tadbirda DMTT xodimlari va tarbiyalanuvchilari ishtirok etdilar.
Tadbirni DMTT rahbari olib bordi. U o’z tabrigida DMTT jamoasi va tarbiyalanuvchilarni 18-noyabr O’zbekiston Respublikasining Davlat Bayrog’i qabul qilingan kunning 31 yilligi bilan tabriklab, faoliyatlarni yaxshi o’zlashtirishlari, buning uchun hozirgi zamonaviy bilimga ega bo’lishlarini tilab qoldi.
DMTTga tashrif buyurgan ota-onalar va mehmonlar tarbiyalanuvchilarga bayram munosabati bilan davlat ramzlarini sevish uni ardoqlash, vatanparvarlik haqida o’z fikrlarini bayon qilishdi.
DMTTning katta va tayyorlov guruh tarbiyalanuvchilari Davlat Bayrog’i qabul qilingan kunning 31 yilligi atab rasmlar tanlovlari o’tkazildi. DMTTning musiqa rahbari, tarbiyalanuvchilar tomonidan tayyorlagan bayram dasturini namoyish etishdi.
Tadbir tarbiyalanuvchilarni davlat ramzlariga muxabbat ruhida tarbiyalashda, davlat ramzlarini sevish, ardoqlashga undadi.
Tadbir ko’tarinki kayfiyatda o’tkazildi
